لهفة قلب عاشق

الفصل 33

شكرا لكل الناس اللي التمستلي العذر شكرا لرسايلكو الطيبه ومعلش البارت قصير بس عشان مش ازعلكو والله ❤❤❤😍

الفصل 33 الجزء الأول

لهفة قلب عاشق

بقلم سعاد علاء عباده

آدم خرج من الحمام مبتسم خرج لبس بدلته السوده وساعته ورش برفانه وبص ناحية الحمام بخبث واصطنع الجديه: آريام
ضم حاجبيه في حيرة لما ماردتش خاف يكون جرالها حاجه خصوصا إنها كانت مستسلماله جدا وكأنها متأكده إنها غلطت وكانت مستنيه العقاب اتنهد بضيق واتحرك ولسه هيفتح باب الحمام كانت هي فتحته وخرجت وهي لافه نفسها في فوطه وباصه للأرض هو بصلها بانبهار عيونها إللي خدت لون السما لا لون مياة البحر لا لون أزرق مش مهم لون غريب كده شعرها البنى الحريري والمياه نازله باغراء علي جسمها وجسمها إللي لوحة إغراء وفتنه متجسده فيها إللي اتوشم بعلمات حطها هو عليه بخبرة سنين خبرة سايبها لحبيبته إللي كبرت علي أيده وشفايفها المنتفخه
آدم بلع ريقه بصعوبه ورسم وش الجديه عليه بسرعه ودارى شعوره بالضعف والرغبه قدامها يمكن كبت شعوره ده لاحساسه إنها مش هتستحمله بعد ما كان عنيف معاها من شويه اتصنع اللامبالاه وقالها بجديه وهو بيتحرك ناحية السرير يلبس جزمته من غير مايبصلها عشان مايتاثرش بيها: مافيش خروج من الأوضه دى لحد ما أرجع أيا كان السبب مفهوووم
آريام بصتله فجأة بعد ما كانت مكسوفه تبص في عيونه: أنت هتخرج دلوقتى
آدم بمكر: أيوه طبعا وبعدين انا أخرج براحتى الدور الباقي علي إللي بتحاول تسترجل
آريام بدموع: يا آدم أنا
آدم قرب منها وايده على شفايفها منعها تكمل كلامها وقال بجديه: ده مش وقت كلام يا آريام سيبي كل حاجه لوقتها أحسن رجع خطوتين لورا وبصلها بتفحص شديد وهو بيقاوم نفسه: ودلوقتى ادخلي البسي حاجه عشان ماتتعبيش ونامي وبكرة كل حاجه هيتحطلها حدود قرب عليها باسها برقه وكان هيتمادى لولا موبايله إللي رجعه لواقعه رد بسرعه وهو بيخرج بخطوات سريعه من الأوضه وقبل مايقفل الباب شاورلها تلبس هدومها واختفي
آريام بعد ما مشي: يا ترى علي فين يا آدم وبصت للساعه : هيكون رايح يعمل أيه الساعه 2 بعد نص الليل
قلبها وجعها علي ليان دموعها نزلت دخلت لبست بيجامه بيتى محتشمه وخرجت من أوضتها بسرعه راحت أوضة عز وكانت الأوضه ضلمه وعز نايم
آريام نطت علي السرير جانبه وبصوت عالي : عززززز
عز اتفزع ونزل من علي السرير جرى وهو مغمض عيونه وبيتنطط: ياااماااااا عفرييييت الحقوووونى
آريام اتصدمت وماعرفتش تتحرك وفجأة النور نور وأسر دخل وبص لآريام بنوم ولعز بصدمه علي تصرفاته وصريخه كتم صوته لما أيده اتحطت علي فمه وبصوت خشن من أثر النوم: اشششش يخربيتك هتصحى البيت كله دى آريام يا مغفل  هتصحى البيت عشان خايف من آريام حد يخاف من القمر دى
آريام انفجرت من الضحك
آسر ضحك هو كمان
وعز بصلها وبعدين ابتسم بخبث لما شاف وشها والعلامات على رقبتها ودراعها
قال أنا عارف أنتى مش عارفه تنامى ليه؟.........
آريام بصتله بترقب.............