لهفة قلب عاشق

الفصل 11 الجزء الثاني

حلقة خاصة لخطبة فارس وزواج آدم
الفصل 11 الجزء الثاني
                  «     لهفة قلب عاشق.       »
»»»»»»»»»»»»»»»»»»»»»»»»»»»»»»»
كانو لسه هيقروا الفاتحه جرس الباب رن
أسيل بتافف شديد وبصوت خفيض قالت: ده مين إللي جاي دلوقتي؟
الخادمه فتحت الباب ليدخل فارس وهو متأثر جدا والحزن الشديد واضح علي وشه وحانى راسه للأرض وقال: أنا بعتذر يا جماعه على التأخير
آدم وقف وقرب منه أوى وقاله أرفع راسك يا فارس
فارس بصله وقال: نعم يا آدم
قمر باستغراب لسيف: هو في أيه يا سيف ماله ابنك وأيه الأدب إللي نزل عليه ده معقول فارس بيقول نعم ده عمره ما قالي يا ماما غريبه أنا مش مطمنه!
سيف بهدوء: هششششش اتفرجى وأنتى ساكته
قمر: اتفرج!!! هو أنت عارف حاجه؟
سيف: اسكتى يا قمر بقا خلينى اركز
قمر وهي تتمتم: هيطلعوا طبيعيين لمين إذا كان أبوهم كده وبتنهيده قالت: الله يرحمك يا ليان ماحدش ريحنى قدك يا قلب امك
نرجع لفارس إللي أدب واحترام العالم اتجسدوا فيه دلوقتى
آسر اصطنع الخضه وقام وقرب من فارس: مالك يا فارس أيه مزعلك كده
فارس: خلاص يا آسر مافيش داعي للكلام أنا راضى بقضاء ربنا وأهو نصيبى أعيش في وجع القلب
آدم بحنيه وهو يضع يده على وجهه: ماتقولش كده يا فارس طول ما انا عايش مش هسمح بحاجه زى كده
آسر بص لجاسر وغمز  وجاسر قام وقف: خلاص يا آدم فارس عنده حق وهو لازم يضحي وإحنا كلنا أخوات
نورهان بنفاذ صبر: حد يفهمنا في أيه ؟
عز: هو أيه إللي في أيه أخونا مجروح وبنداويه أنا حاسس أنه يوم نحس
مراد وهو مستغربهم: هو في أيه ؟ مالكو كده؟
آدم: كل الحكاية إن فارس كان عاوز يضحي عشان خاطرى
إلهام: يضحي يضحي بأيه؟
فارس بحزن مصطنع: ماتقولش كده يا آدم وبعدين رفع أيده للسما بوضع الدعاء وقال: إلهي يارب إللي ينولها غيرك يطفحها أشوفها متمرمطه مش لاقيه حد يلمها
آسر بتأثر: حبيبي يا فارس أنت بجد جدع ربنا مايحرمنا منك
آدم مرر نظره على الجميع وقال : أنا عايز اقول حاجه مهمه آدم الجارحى لو حد من أخواته بيتمنى حاجه حتى لو هو روحه فيها يعطيهالهم بقلب راضي وأنا مش هاقدر أكسر قلب فارس واخطب أسيل
أسيل باستغراب: وأنا مالي ومال قلب فارس أنا مش فاهمة حاجة
آدم بجديه: فارس بيحبك يا أسيل
Flash back
آدم كان راكب عربيته ورايح لوجهه معينه في أمريكا لما موبايله رن برقم فارس فرد عليه
آدم: فارس خير فى حاجة؟
فارس: آدم أنا عرفت إن أنت هتخطب أسيل
آدم،: أيوه ده حقيقي
فارس بمكر: أنا كنت عايز وبعدين سكت وبص حوليه لاخواته التلاته جاسر لازق فيه ناحية اليمين آسر ناحية الشمال وعز وراه والتلاته بيحاولوا يسمعوا الحوار
آدم: سكت ليه يا فارس مالك في أيه!أوعي تكون لسه معترض علي وجود علاقه بينى وبين أسيل
عز بصوت منخفض: علاقه أيه ده مستحملها إزاى ده
آسر: اشششش يا عز
فارس بصلهم برفعة حاجب وجاسر شجعه إنه يكمل
فارس: آدم أنا ماكنتش عايز اقولك بس ماينفعش اخبي عليك حتى لو حصل أيه عشان ماتزعلش منى بعد كده
آدم: قول يا فارس
فارس: أنا بحب أسيل
آدم باستغراب: أنت متأكد
فارس: طبعا بس عشان خاطرك أنا هضحى بقلبي
آدم: لأ طبعا طول مانا معاك ماتقلقش وآسيل هتكون ليك اطمن
فارس بصوت منخفض: تف من بقك يا شيخ ربنا يجحمها قال تكون من نصيبى
وعلي صوته وقال: مش عارف أقولك إيه يا آدم بس لأ لا يمكن أقبل أنك تضحي بسعادتك عشانى
آدم: أنا هتصرف
فارس بحزن مصطنع: خلاص إللي أنت شايفه اعمله أنا باثق فيك
آدم بابتسامه: ماتقلقش يلا سلام دلوقتي
وأغلق الهاتف وابتسم بانتصار فهو كان متأكد أنهم مش هيسمحوا الموضوع يكمل فآن الأوان لخطوته التانيه
أما عند فارس بعد ماقفل مع آدم اتنهد براحه وبص لاخواته إللي حيوه علي أداؤه الرائع
عز:  الله يكون في عونك هتتعامل مع العقربه دى إزاى
آسر: هموت واديها علقه تفوقها من الوهم إللي عايشاه ده
جاسر: بكره يقعوا المهم إن أول خطوة من الخطه نجحت ودلوقتي الدور الصعب اللي هيواجهنا عشان نمنع الخطوبه وبعدين بصوا لفارس وسالوه: مابتتكلمش ليه يا فارس ومتنح ليه كده بصوا للناحيه إللي باصص عليها تنحوا هما كمان لما لقيوا عمهم مراد واقف علي باب الاوضه وهو يضع يده في جيب بنطالونه وقفل الباب وراه ودخل
مراد وهو يدور حولهم: اممممم لأ حلوة الخطه
فارس: خطة أيه بس يا مراد
مراد: بس يلا هتصيع عليا ده أنا صايع قديم
آسر: يا مراد أحنا اخوات كنا واحشين بعض فاتجمعنا وبنهزر بس لكن مافيش أي حاجة من إللي بتقول عليها دى خطط أيه بس
مراد بص لجاسر اللي قال وهو يرفع يديه بوضع استسلام: ماعرفش أي خطط أحنا كنا عايزين نلعب ماتش خماسي
مراد ابتسم بسخريه وقرب من عز إللي بيبتسم ببلاهه وحط أيده علي كتفه وقاله: هاه يا زيزو مش هتقول علي الخطه
عز: إلهي اطفحه يا مراد لو سمعت كلمة خطه
مراد بهمس لعز: هجبلك رقم ولاء السكرتيره
عز بسعاده: أصل أحنا عاملين خطه عشان نفشكل بيها خطوبة آدم وآسيل وأنت عارف ابنك مابيرجعش في كلامه عشان كده خططنا إن فارس يحب أسيل فآدم يضحي ويسبها عشان فارس بس كده
فارس وجاسر حطوا ايدهم علي وشهم بيأس واستسلام وأسر بصله بتوعد وعز تجاهلهم وقال لمراد: هعدى عليك بكرة عشان آخد الرقم
مراد: ماشي يا زيزو
بصلهم بحده وفضل يمشي في الاوضه رايح جاي وفجأة قرب وقال: فيها أيه هاه قولولي فيها أيه لو قلتولي عشان اشترك معاكو
الأربعة بصوله بصدمه وسعاده
مراد: أنا عايز اشترك في خطتكو
عز: طالما هاخد رقم ولاء أنا موافق
آسر: عارف يا عز لو نطقت كلمه تانيه هنفخك
جاسر: ماشي يا مراد
فارس: ماعنديش مانع طبعا بس ماحدش يعرف حاجه وخصوصا إلهام
مراد:،ّ عندك حق دى شايفاهم ملايكه هي وامكو بيشوفوا الناس بالمقلوب
فارس: خلاص تعالو نقرا الفاتحه على الخاين وابن الحرام
واتفقوا كلهم علي خطتهم
Back