لهفة قلب عاشق

دم ((24))

الفصل الرابع والعشرون

رواية لهفة عشق وعاشقين الجزء الثاني من لهفه قلب عاشق بقلم سعاد علاء عبادة

آدم قفل مع سيف وبص لآريام وسليم إللي حاسين إن في حاجه كبيرة حصلت ومترقبين كلام آدم

آدم بجديه وهو بيمسك مسدسه إللي كان علي الطاوله قدامه وقال لسليم: سيف جامعنا كلنا في الفيلا القديمه ولازم نروح حالا
آريام بحماس: طب يلا بينا مستنى أيه
آدم بجديه صارمه: لأ انتى مش هتيجى أنتى هتفضلي هنا

آريام وهى ضامه حاجبيها بضيق ومكتفه دراعها علي صدرها: ليه بقا يا سي آدم هو أنت خلاص صدقت أنى مت ولا شطبتنى من عيلة الجارحى وأنا مش واخده بالي
آدم تجاهل كلامها وبص لسليم وقاله: سليم أنت هتيجى معايا سيف بلغنى كده روح أدى أوامر للحرس أنهم يخلو بالهم واستدعي حرس زيادة الاحتياط واجب وممكن نتأخر

سليم اماء ليه ومشي وهو بيطلع لآريام لسانه بغيظ وبيبتسم بغلاسه وبيقول بأسلوب مغيظ: هروح أنا أبلغ الرجاله عشان أجى معاك إجتماع عيلة الجارحى..ولعبلها حواجبه ومشي قبل ماتخبطه بحاجه
آريام بصتله بغيظ وقربت من كوباية مياه كانت هتحدفها عليه بس هو خرج بسرعه شديده
آريام بعد ما سليم خرج وقفل الباب وراه بصت لآدم بعصبيه وقالت: أنا لازم أجى معاك يا آدم فاهم أنا مش هفضل هنا لوحدى وبعدين أنت مش عايزنى احضر معاكو ليه لا وكمان هتسيبنى هنا لوحدى...كانت بتتكلم بعصبية وصوت عالي وآدم بيبصلها بحده بس ساكت وصرخ بعصبية وقال: صوتك يا مدام إيه فاكرة نفسك بتكلمى مين ماتنسيش يت آريام أنى آدم الجارحي جوزك ولا فاكرة أنى مش هعرف اسيطر عليكى....سكت يهدى أعصابه بعد ما شاف عيونها دمعت وهتبكى لو زودها
قرب منها وحاوط راسها بكفيه وقال بحب: آسف حبيبي بس أنتى عارفه إن لو باباكى قال اجيبك مكنتش هرفض
آريام بصتله بعدم تصديق وهو رفع أيده باستسلام:, اوك كنت هرفض لو شايفه مش في مصلحتك بس حقيقي والله باباكى قالها بوضوح اريام متجيش معاك وزود عليها الحمايه

آريام دموعها نزلت وضعت أيدها علي وشها وبدأت تبكى بصوت مدبوح آدم استغرب دموعها وقرب منها وقال: بتبكى ليه بقا أنتى مش مصدقانى
آريام هزت راسها بنفي
آدم فتح عيونه بصدمه مصطنعه: بجد مش مصدقانى
آريام وهي بتلوى شفتيها بضيق: مصدقاك يا ادم
آدم بعدم فهم: اومال ليه الدموع
اريام حطت ايدها علي قلبها وقالت بدموع: قلبي مقبوض أوى معرفش ليه ربنا يعدى اليوم علي خير أنا مش مطمنه
آدم ضمها بحنان كبير وابتسم بحزن وقالها بعطف؛ متقلقيش يا نور عيونى أنا مظبط كل حاجه أنتى والولاد بخير أنا غيرت مكانهم ومعاهم مانو لحمايتهم وباباكى أمن ليان وجنى وماريا حتى جميله خطيبة آسر ومامتك وماما كلهم اتنقلو لمكان تانى بس من عشر دقايق مستحيل الجن الأزرق يوصلهم وأخواتك معانا في الإجتماع معادا عز عنده امتحان وأنتى عارفه أنه قوات مسلحه يعنى إلتزام هيخلصه وهينضم لينا في الإجتماع فمتقلقيش وعايزك مطمنه
آريام بتنهيده مدت أيدها وضعتها علي خد آدم وقالت برجاء: اوعدنى إن مافيش حد هيتأذى
آدم بوعد: أوعدك