لهفة قلب عاشق

السكين((18))

الفصل الثامن عشر

رواية لهفة عشق وعاشقين الجزء الثاني من لهفه قلب عاشق بقلم سعاد علاء عبادة

جماعه أرجوكم شجعونى شويه والله العظيم أنا بتعب عشان أكتب يعنى ولازم تشجعونى عشان استمر واللي مش متابعنى يتابعنى عشان الروايات التانيه تتابعوها أول بأول إن شاء الله وسيناء الروح وجاسر وحرب بنت سينا مع ابن القاهرة ونشوف نهايتهم إيه وعاصم وادهم وإيلين في سماء العشق ولوسيندا الشريرة ومملكة الخطايا إللي أنا خايفه منها حرفياً ولصوص ولكن إللي حب الكوميديا بتاعتى هنا هيحب الروايه دى لأنها كوميديه وأنا عايزة تشجيع والله وإلا هزعل 😭😭😭😂😂😂😂

نبدأ الروايه بقا ونشوف احداثنا وبفكركم إن مبقاش فاضل فيها كتير وهنا في مسابقه في سؤال هسأله واللي هيجاوب صح هيطلب منى طلب وأنا هنفذهوله اتفقنا!♥️

سؤال الروايه هو مين هو السبب في كل إللي حصل لعيلة الجارحي مين هو الراس الكبيرة إللي بيحاول يدمرهم مين زعيم المافيا!؟ لأن هو الكل في الكل والباقي هو بيحركهم من بعيد يا ترى هو واحد موجود في أحداث روايتنا ولا لسه هيظهر ده السؤال مستنيه اجاباتكم في الكومنتات وزى ما قلت صاحب التوقع الصح هيطلب إللي هو عاوزه ❤️ واللي هيقول اسم يقولي ليه قال الاسم ده بالذات ليه شاكك فيه وشكراً جزيلاً امووواه 💋💋💋

💔💔💔💔💔💔💔💔💔💔💔💔💔💔

زين بصوت حزين: عمى أرجوك

هنا سيف وقف وقال بجديه: أرجوك أيه هاه!! اسكت ولا اتجاهل إن بنت سيف الجارحي ماشيه في طريق ضلمه وعايزة تقتل أختها وفي الآخر تقولي أرجوك

آدم كان قاعد متابع الحوار من غير ما يتدخل

عز قام وقف وقال بعصبيه: أيوه يا بابا أنا معاك إن ليان غلطت وعملت كوارث بس ده مش سبب أنك أنك تقتلها يعنى
هنا سيف بصله بصدمه وزين بغباء وآدم رفع حاجبه وكتم ضحكه كانت هتخرج بصعوبه
وعز كمل بعصبيه وبصوت عالي: أنا لا يمكن أسمح بكده يا بابا ولو علي جثتى ليان اختى زى آريام ولا يمكن أسمح إن حد يلمس شعره منها

زين بغباء؛ وعمى هيلمس شعرها ليه هيسرحهولها!! وهي اتشلت مثلا متسرحه لنفسها

آدم هنا مقدرش يسكت وضحك بصخب وسيف بص للاتنين بقلة حيله وضحك هو كمان
آدم حط أيده علي كتف عز وقال: انت فهمت أيه بالظبط يا زيزو
عز بجديه صارمه: فهمت إللي كلكم فهمتوه معقول يا آدم بابا عايز يقتل ليان لا وأنت موافقه طب انصحه يا اخى مش كده
زين بغباء شديد باصص لعز وهو فاتح بقه وعينه علي وسعها قال:, هو عمى يقصد أنه عايز يقتل ليان بجد آمال أنا فهمت حاجه تانيه ليه!!!

آدم عض علي شفايفه بغيظ وبص لعمه وقال: أقسم بالله هيضيعونا با غبي منك ليه عمى قصده إن إحنا لازم نتصرف بسرعه ونخرج ليان من إللي هي فيه معقول يا ذكى أبوك أو عمك هيقتل لا ويقتل مين يقتل بنته وفعلاً إحنا فكرنا في حاجه وهننفذها