حبيته من الصغر

البارت الثاني

صديقتي كالت لا هو يريدج وكاتل روحه عليج وامي تريد ازوجه وهو ميقبل اله انتي وهو جان شكله كلش عادي وحالته وسط
زهره
لاحبيبتي اعذريني والله اريد اكمل درراسه ماريد ارتبط حاليا
البنيه
بكيفج بس هو يلح ع امي .وامي جزعت كالت اروح واشوفها
انتي انطي فرصه وفكري بلموضوع واذا ماعجبج من يجون اهلي كليلهم ماموافقه
اوكي حبيبتي انشالله ميصير غير البي صالح
باي
باي
ضليت افكر وافكر اريد اقنع روحي كوه واحجي وي نفسي
زهره
ع حورج هو انتي زركه ومحد مكلبج دقبلي بلولد والله الولد حباب ومؤدب وشاغول وكاتل روحه عليج واني صرت جبيره وكت زواج واصلا مهدي مو بحالي ولا معبرني المن اضلين وع كولت المثل اخذي اليحبج ولاتاخذين التحبي امداج يزركه
قنعت نفسي ونسد الموضوع وراح يجي عيد رمضان
رحت لماما
ماما حبيبتي
كولي خير انشالله 
اريد اشتري ملابس للعيد
ميخالف تدللين انشالله اكول لابوج واشتريلكم
شكرا حبيبتي ماماتي الغاليه
باقي ٥ ايام ع عيد
رحنه للسوك اخذت ثوب اسود وابيض اطويل ومخصر ع جسم واني طويله طلع يجنن وحذاء فلات سوده وجنطه وشال ابيض واسد حضرتهن وقبل يوم ماخليت وصفت تبيض وتلطيم وتنعيم ماسويتها
ثاني يوم كعدت من الصبح كلي نشاط واتخنس ماريد احد يشوفني قبل لااابدل ركض للحمام سبحت سبح العيد وبدلت ومكياج خفيف وعطر ورحت عايدت اهلي واخواني
ب١١ صارت ماما كالت خلي نروح نعايد خوالج وبيبتج الفرررررحه ماوسعتني رحت ركض عدلت نفسي وخليت عطره مره لخ ورحنه

طلعنه
وصلنه لكينه خوالي وخالاتي ونسوان خوالي وبيبيتي واولاد خوالي وخالتي والدنيا كلها
ضليت امشي واعايد وابوس حتى حلكي راح
وهو عايدنه وطلع لان ثكيل ميبقى بلبيت وبنات اكو وضلو شكو ملطلط بلبيت
اني نقهرت كلش بس صار عندي حافز اكبر انو خلص خلي ازوج لان هو مو بحالي وممهتملي اصلا واني كسلانه وموشاطره بلمدرسه المن اضل اخدم بمرت لاخو وضليت معبسه لمن خلص اليوم ورجعنه
وثاني يوم رحنه لعماتي ولعمامي
كعدنه من الصبح بدلت وخليت خفيف ورحنه
جانو هم عدهم ولد بس ابد ماخليت بالي يم احد لان كلت خلص اني راح انخطب كافي بعد مراهقه راح اصير مره وام وزوجه وكلشي
اخر يوم رحنه للالعاب وهم تونسنه كلش وصدفه شفنه مهدي هناك سام وراح يعني كلشي ديصير يكلي خلص زهره لازم تتزوجين
خلص العيد
وخلصت المدرسه وبدت لامتحانات ركزت وذبيت كل حيلي ع دراسه حتى بليل مانام لان تسخت كضيت السنه لمن طلعت نتيجتي

ونجحت الحمدلله

وبيوم من الايام جانت عطله كملت شغلي وصعدت بغرفتي شفت ع فيس طلب من علي الشمري
ماعرفته كال سلام عليكم غلست
وره شويه دز ممكن سؤال
كتله
تفضل ؟
كال انتي بنت ابو حسن
من الخرررررررعه الصارت بيه كبل انطيته حضر
بعدين دخلت عليه من اختي ولكيته صديق مشترك بيني وبين صديقتي
عرفت هو جيرانه الي يريد يخطبني ماعرفته لان ماشايفته اني
رحت حاجيت اخته
سلام عليكم
وعليكم السلام
شلونج حبي
الحمدلله انتي شلونج
بخير
اكلج عيني منو علي الشمري
اخويه الكتلج عليه ليش
والله اخوج دخل ع خاص وراسلني ولكيت صديق مشترك بينه انتي تره عيب هيج يسوي ميخاف ع خواته شنو يدخل ويحاجيني احنه ماعدنه هيج شي ياريت تفهمي وتكليله يبتعد عن طريقي
اسفه حبي بس تدرين هو رايدج وهو مجان نيته غير شي مجرد راد يسألج اذا تقبلين بي اولا

اعتقد عندي اهل واذا يريد يجي ويتقدم وبعدين يعرف جوابي شنو مو ع فيس يدخل تره زحمه 
اوكي حبي هسه احاجي وانشالله ميصير اله انتي تردي
شكرا حبي زحمتج
باي
باي
.....يتبع