حبيته من الصغر

البارت١٣

خلص اول سبوع وهو ميت يوميه لبس وتعديل واناقه
الليوم راح يروح للدبه

نزلت الصبح تريكت وبلشت انضف وي البنات وسويت غده تمن وبانيه وهو بلشغل يجي الضهر وي ابو يتغده ويطلع والمسعده بس تتناكر وي خواته

صعدت سبحت ردت انزل سمعت صوت جعفر ابن خالي جاي وياهم
لبست دشداشه طويله لونها سماكي وجريت ايلاينر وبحلكي وردي فاتح ولبست شيله بيجي ونزلت سلمت
ورحت حضرتلهم الغده
يله جهزت الغده تعالو تغدو ع ميز الطعام
اني امشي وعمو وجعفر ومهدي اجو ورايه

ضل جعفر يشاقه شلونج زهره شخبارج
مهدي اذاموزين وياج بس كلليلي حتى اموته واني اضحك ضلينه نشاقه ونسولف  كلو وتعجبو بلاكل كلها كالو اجنن بس مهدي يدكها صفنات استغربت منه وكلت عادي ليش انطي اهميه
وجعفر منطلق بلشقه شويه وكام مهدي صعد فوك
وصاح زهره زهره
نعم
تعالي بسرعه دوريلي لاوراق
اجيت

صعدت لكيته كاعد ع جربايه
.مهدي ياوراق تريدهن

وماحسيت اله اجاني راشدين

ضليت صافنه شبيك مهدي شسويت اني

لاسلامتج ماسويتي شي ماعندج اضيك من خاي الدشداشه تلبسيها كدام جعفر وتدرين جعفر شكد عوينجي تمشين وتفرين بطي...
حضرتج متستحين ماكلتي زوجي كاعده وانتي تشاقين وتتمضحكين

كتله شبيك اصلا ماعندي بس هاي الدشداشه
اي لتنزلين لو اله تراوين طولج
ومو بس اني اشاقه واسولف حتى امك وخواتك ومرتك هم كاعدات وماسكتن

اسمعي زهره مالج دخل بغيرج انتي غير عن الكل فهمتي كلمتي متنكسر

عفته وكعدت ابجي ياربي ليش هيج وياي معقوله لهل درجه يكرهني اووووووف

كمت بدلت وغسلت وجهي ونمت
كعدت العصر مانزلت ضليت بلغرفه
سمعت هورن السياره رحت قفلت الباب هو صعد دك دك مافتحت سويت روحي نايمه

هو راح يم مرته الشفيه بدل وطلع حتى ماتعشه

من شفته طلع نزلت تعشيت وغسلت ماعين وكاعدين نسولف ونضحك دخل هوو
سلام عليكم
الكل .وعليكم السلام

ردت اصعد
كلي .زهره حضريلي الحمام اريد اسبح

زهره.صار
رحت حضرتله لحمام
دخل بدل
شبيج كالبه خلقتج
ماجاوبته
الو مو وياج
لامابيه شي

اليوم تروح المرتك مو

ليش تغارين

لاماغار
ببس اسأل لان اريد اقفل الباب وانام تعبانه

اي اروح يمها

رئسا شال موبايله يخابر
هلو علايتي حبيبتي حضري نفسج شويه واجيج ميت عليج تره هههههه
والله اليوم اكطعج بيدي
يلا جايج جايج بعد ماتحمل

خله وطلع حتى ماسبح ع مود بس يقهرني
واني صدك نقهرت .ع حورها هسه هي شيشوف منها اصلا كلشي مامبين منها

كمت طفيت الاضويه ولفيت راسي ونمت