حبيته من الصغر

البارت الثالث

مرت لايام وصدك بعد ماكو اي رد
بيوم من الايام كعدت ب١١ كملت شغلي وصعدت اكلب بلفون للعصر اندكت الباب
طلع بابا
سلام عليكم
وعليكم السلام
بلا زحمه ام حسن موجوده
اي موجوده نفضلي
اني اباوع من شباك غرفتي مطل ع شارع ماهتميت ضليت كاعده اجن النسوان
هلا حبيبتي ام حسن شلونج
هلا عيني ام علي تفضل اهلا وسهلا
عيني بلا لف ودوران احنه اجينه نشوف بتج زهوره
رايدها لابني علي ع سنه الله ورسوله
اهلا وسهلا شرفتونه
دقايق
زهره
زهره
ها ماما
حبيبتي بدلتي وتعالي جايين ناس عليج
منو الناس ماما
بيت ام علي جيرانه .
ماانزل استحي
لابنيتي فشله لبس ونزلي
رحت لبست ثوبي الاسود لان جديد محد شايفه وفليت شعري ونزلت سلمت وكعدت وضلن يحجن ويباعلي قبل ليطلعن هاحبيبتي ام حسن شكلتي ع موضوع زهره
بيكم خير ودللو خلي يجي ابوها وانشوف رئيه ويصير خير
يله من رخصتكم هم ياله نروح نصلي
بعد وكت ضلو. ع عشه
لابعد عمري متقصرين
مع سلامه
الله وياكم اني.
راحو واني بين الفرحانه واقنع بنفسي مالكي مثله وخوش ولد وحباب وشاريني
وبين اكو لا خلي اكمل دراستي ومحد يفيدني
بابا عرف
وصاحلي
بنيتي زهره انتي موصغيره كبرتي واجو عليج ناس كلش خوش ناس والولد ورده مال الله وحباب وخلوق ومتكلين احسن منهم فكري وردي خبر
انشالله بابا
مر سبوع بطيئ وتفكير وياهي لاسأله تكلي قبلي وشتردين بعد ضل عقلي ميشتغل من التفكير والقلق اخر شي خابرو الجماعه يردون رد
بابا صاحلي
هابنيتي بشري شنو قرارج انتي عمرج ١٦ سنه وكدامج دراستج ومستقبلج بس الولد ميتعيب والف وحده تتمنى وانتي كولي واحنه انفذ
كتله اني ماعندي اي مشكله بس اريد اخلص دراسه
خلص اكللهم قرارج والبي صالح ايصير اذا قبلو تخلصين دراسه خيرا ع خير واذا ماقبلو نرفض هذا هو
اي بابا عاشت ايدك بوسته وبست ايده وكمت
للعلم الزركه انخطبت قبل البيض هههه
المهم كلولهم والناس ورافقو اكمل دراسه وكالو بعد ٤ ايام هي مشيه هي عقد

ثاني يوم تشاوفنه حتى ماشفته ولاباوعت بوجه من المستحه
عيني ع تلفزيون
وشويه وكمت
ثاني يوم من الصبح كعدنه رحنه للامام اني وامي وهو وامه واخته
وصلنه وراح
شتريت بدله خضره للعقد من وره تسحل ومن كدام الصدر مفضوح ومخصره ع جسم وحذاء اسود وشتريت ذهب وسبت عقد اببض قصير وحذاء بيضه
كلش حلوات الملابس ونازكات
ثالث يوم منلحك اهلي جاشو البيت تنضيف وترتيب واني سويت جسمي وحفيت وجهي وشكلي كله تفير سبحان الله
كلعت كلش حلوه نمت او اصلا مانمت ضليت الليل كله احوص وافكر باجر العقد مادري شلون غفيت
كعدت ثانؤ يوم من الصبح اكلت لكمه ولصالون مكياج وتسريحه عاليه الكوافيره تشتغل واني اكول شلون اسرعت. وافقت بصراحه ابد مافكرت بمهدي لان جان حبب مراهقه او اعجاب بس جان تفكيري شون راح تتغير حياتي وشلون بدراستي المهم صارت ب٢ اجو عليه اخذوني للبيت دخلت كبل للغرفه لبست سبت العقد وعقدوني واني انحب وابجي وكلها صافنه عليه ليش هيج اريد اكول نعم انت وكيلي ماكدر المهم كلتها
ورحت ب دلت لبست بدلتي لخضره طلعت اجنن مكياج ووتسريحه وبدله كلش حلوه بارز جسمي واني طويله وصدري صغير بس عالي ومرفوع وخلفيتي جبيره
كالو اجه الولد اللبسو
..  يتبع