حبيته من الصغر

البارت السادس (زواجي)

خلصت الزفه وصلت للبيت هلكانه وبس ابجي
بعدين نزعت البدله البيضه ولبست السيت الابيض
مال الزواج طلعت كلش حلوه لان هو جان قصير
وفوكو روب وكل شغل ونمنم
وهو اجه شافني هيج كعد يمي واتقربلي بكل هدوء اني جنت ساكته بس دكات كلبي توصل لسابع جار
بده يبوسني وينزع بملابسي ويتلمس بجسمي الى ان اخذ عذريتي
اني من شفت العلامه رئسا وخرت عنه وابجي
علي. شبيج حبيبتي
اني. مابيه شي صيحلي ماما
علي.شصحيلج ياحبيبتي بعدنه
اني. لا مو هاي العلامه كافي بعد
علي.لا مواكو بعد
اني .ماعليه هسه صيح ماما وابجي
رجع يتقرب مني كمت عنه وكعدت ع شازلون
واجه ورايه ورجع يبوس حتى يخليني استسلم
شفت سجينه بلصينيه مال التمتوعه
ركضت ع سجينه كمشتها كتله لو تصيح امي لو اكتل نفسي
هو ضحك ههههههه مو بس طفله خبله طلعتي هم
اني .   اي اني خبله يله صيح ماما
صاح الامي وصعدت امه وخالته وشافن لوصله وهلهلن وصفكن ونزلن اني سبحت ونمت
كعدت الصبح .الصبحيه مالتي وكلها كلتمه واغاني وركص
بوكتها جنت مفصله عند الخياطه زي مغربي بس لوني كريمي
جان كلش حلو قطعتين وطويل لبسته ومكياج خفيف وسشوار
ونزلت شفت اهلي جايين وضلينه سوالف وضحك نوب كلها راحت صعدت لغرفتي سبحت ومشطت ولبست اتك نوم اصفر لونه وكله فتحات جان كلش مغري
اجه علي صعد وطفه الضوه كال يله نام كتله اوك اني هم نعسانه هو ضحك اني غلست سويت روحي ممهتمه
اجه تقرب ضل يبوس ويشبك واني ابجي حباب عوفني اذا تحبني عوفني وابحي واتوسل هم عافني وضلينه هيج لمدت ٤ ايام ياله تقربلي
كملت اول سبوع وجان كلش حلو ورومانسي نوب رحت لهلي من الصبح لليل ونسه وضحك ورجعت
علي كام يطلع للشغل يجي ب٧ يبدل ويطلع وي جماعته واني اضل وحدي لايتصل ولايسأل عليه ابد. بلش دوامي كمت اكمل شغلي من الليل واكعد من الصبح اروح للدوام وارجع اكمل شغلي وانام شويه بعدين اكعد للعشه وللماعين وغسل ملابس اهلك صدك واني جنت الصغيره المدلله وبهاي الفتره كلش تعبت
وره شهر تخربطت حللت طلعت حامل والفرحه متنوصف ابد وكلها فرحانه وهو يريد ولد واني اريد بنيه
بس بهاي الفتره علاقتنه كلش قلت ضلت بس فراش وبلصدفه
يوم من الايام جنت بلمدرسه وصديقتي بلشقه دفعتني وتخربطت والطفل تهدد بلاسقاط وضليت نايمه بلفراش سبوع وبطلت من المدرسه ع مود الطفل
وضليت بش شغل واكل ونوم وروتيني كلش ممل وعادي
علي اتغير عليه وحتى نومته تغيرت وقلت او نعدمت اني جنت شاكاه عنده شي بس مغلسه دخلت شهر ٤ ورحت اخذت سونار طلعت حامل بولد وفرحنه كلش
بس هو نفس ماهو حتى مااعطف عليه وتغير
واني جنت اتعارك وابجي ميفيد ويا
كمت اسولف لهلي كالو اصبري لمن جيبين واذا جبتي وماتغير عيفي اذا انتو ممتوالمين بس انطي فرصه يجوز لان حامل وهو مبتعد عنج كتلهم ميخالف
مرت ايام عاديه الحدما وصلت لشهر التاسع جهزنه ملابس البيبي وشغلات يجنن عنونات وحضرت جنط الولاده وكلشي .منتضره الطفل بفارغ الصبر عسى ولعل تتغير حياتي للافضل
طبعا نسيت اكلكم قبل فتره مهدي ازوج واصلا مارحت بس سمعت انو زوجته حلوه اجنن الله يوفقه ويسعده

....يتبع