حبيته من الصغر

البارت العاشر

صدك نصدمت من كلامهم
معقوله اني هيج ثكيله عليهم
معقوله بعد محد يخطبني واضل هنا
معقوله
معقوله

تعبت من التفكير ونمت واني دمعيتي تجري
ليش مامقصوملي الفرح

كعدت ثاني يوم وكلها اصجم وذب بسامير واني اغلس

مر سبوع واني غاركه بلتفكير وماكدر اقرر

وره سبوعين ابويه صاحلي تعاي بنيتي زهوره
نعم بابا
تعاي بنيتي كليلي شنو قررتي وشنو يكون قرارج اني واكف وياج

كتله بكيفكم الي تردو يصير وخليت وصعدت
لان ادري اخواني وراه اذا مو برضاتي غصب يعني بلحالتين مغصبه

امي خابرت ام مهدي وانطتهم الموافقه واسمع صوت التهلهل

واني ابجي واذكر حجي مهدي
بسيطه يامهدي اله اندمك واراويك زهره الزريكه شسوي بحالك

وره يومين لجتي ام مهدي نريد تتفق ع مهر
وكالو هذا الاحد هو مشيه هو عقد والخميس العرس لان مهدي مستعجل ويباوعولي ويضحكون اني كلن بكلبي اي مستعجل يريد زهره تخدمه

صدك وره ٥ ايام رحت للصالون مكياج وتسريحه ولبست بدله سمائي فاتح وطويله مخصره ع جسم
وكرايبنه كلها اجت خالتي ونسوان خوالي وبيبتي ونسوان اخويه وخواتي

اجه الشيخ عقدنه وطلع
ام مهدي .يمه تعال شوفها شلون حلوه وتخبل والله هسه تغير رئيك

راح اشوفها وادري مراح اغير رئي لان عدج كلنهن حلوات حتى زهره الزركه

ههههههه خرب يومك

اجتي ام مهدي كالت يريد مهدي يطب يشوف العروسه
طبعا الباب مفتوحه شوي منها ومهدي كامش الباب حتى يدخل

اني رئسا صحت لا لا خاله فدوة ليدخل

كالت ليش
لاحبابين ماريده يدخل

هو سمع رئسا راح وسد الباب
مهدي (هاي الزركه هيج تعزز بروحها وفوكاها متريد تشوفني بسيطه يزريكه اني الج اله اندمج )

النسوان. يا ليش متردين اشوفي

بخجل. لا مو ماريد اشوفه بس اريد اسوي مفاجئه للخميس
هنه ضحكن
ههههههه من هسه ادورين مفاجئات

اي جا شلون غير زوجي 😂😂😂
وبكلبي اكول(بسيطه اله اخلي شوفتي حسره بكلبك)

خلص الدك والركص والحفله وكلها طلعت رحت سبحت وبدلت ونمت اريد ارتاح لان حيل تعبانه

مهدي. رجعت صاير نار رئسا صحت لاختي سها كتلها اريد رقم زهره
كالت شسوي بي
كتلها بسرعه جيبي واصيح
اطتني يا
ادك ادك ادك ادك مترد واني واج نار
وره ١٥ مكالمه ردت
الو جان مبين عليها ستوه كاعده من النوم

الووو زهره؟
اي منو وياي
اني مهدي (بعصبيه)
ها خير رايد شي حضرتك
اسمعي لج مو شايفه نفسج تره اادبج من جديد
ع حورج انتي وكاعده تصيحين كدام النسوان ماريد اشوف مهدي متستحين اني مهدي الناس كله تحترمني انتي هيج سوين وتقللين من احترامي
دصبريلي اذا مااندمج ماطلع مهدي

اني ردت ابين قوتي مو ضعفي

رئسا ضحكت بصوت عالي هههههههه
اي بعد عندك شي اريد ارجع انام

اضحكين وتستهزئين فوكاها
دصبريلي اذا مااخليج خدامه ماسمه مهدي يزركه

وطبك الخط اهووو منين اجاني هذا الحقنه نوب
اصلا مافكر بي كرهت الزلم كلهم لان الزلم نفس الطينه اخلص من واحد اروح لاتعس منه

......يتبع