حبيته من الصغر

الجزء التاسع

وره ٦ اشهر اخويه قرر يزوج
وفعلا بده الزواج والهوسه والتحضيرات واني اخت العريس لازم اكشخ واترتب
شتريت بدله سوده مخصره ع جسم والصدر كله حفر والضهر طالع كلش حلوه وهذا بلونه وشعري سرحته ومكياج
بين قوسين جذبت لانضار كلها والكل ضل يباوعلي ويأشر واني اركص ذبيت لحم لان بهاي الفترن كله مخليه اليوتيوب واتعلم فلكل ضل صافن ع ركصي

بعدين صار وقت الزفه
لبست تنوره بينصل بيج وقميص اسود وحذاء ترانشوز اسود وشيله بيج طلع يجنن جنت داابدل بغرفتي وغرفتي بيها شبابيك ومطله ع صبه وبوقتها جان للشباك مفتوح
واسمع مره تحاجي رجال بلطارمه وهو يكللها ماريد
جذبني الصوت وضليت لباوع من فوك وفاجئني انو هذا مهدي ابن خالي وهاي امه وموضوعهم جان

الام .يمه كون شوف زهره شلون صايره تخبل جسم وشعر وغمازات لشوكت اضل انت بلا جهال خلي اخطبلك ياها وشوف حياتك

يمه من كل عقلج اني اخذ زهره الزركه مالكيتي غيرها

الام.يمعود كول ياله انت صاير لزرك هي شحلاتها متغيره ١٨٠ درجه وكفت الحفله اليوم ع رجل وحده

يمه والله ماريده ماانسى شكلها من جانت زركه وزعطوطه لذبيها براسي كوه وضلمينه ثنينه
اصلا اذا اخذها اخليها خدامه لان مستحيل اكدر اتقربلها تلعب النفس

الام.شوف ذيج اختيارك وهاي اختياري اذا تريدني ارضه عليك اخذها هم تستر عليها وهم تخلف منها واذا جابت و ماعجبتك بعدين لكل حادث حديث خليها تخدمك بس ع اقل تخلفنه ويلاد
.
هذا هو حجيه التردي سوي اصلا اني كلبي خلصان
يبعد امك مافشلتني
هسه تنزل وشوف الجمال

زهره. اني هنا صدك نصدمت وكرهتهم اضعاف يعني معقوله هيج يحجي عليه والي يسمعه يكول زهره كاتله روحه عليه واني اصلا اتخبل منه

ايع نوب اخذ مهدي

ليش عيني شبيه حتى اخذه
اليوم اله اللبس عبايه وبوشيه واصير حسره بكلب مهدي ومااخلي يشوفني

وفعلا نفذت خطتي وماخليته يلمحني وكل ساعه امه تكلي يمه زهره ذبيها البوشيه
لاخاله هيج مرتاحه
وره شويه ترجع تفتح الموضوع وشوف ماكو امل وسده

خلص الزواج واني السالفه ادك بكلبي
خلصن ايامي شرب ونوم وشغل بس

وره شهرين تقريبا
اجو بيت خالي وسوالف وضحك وشقه
بس مهدي ماجه لان غصب عنه

وانفتح الموضوع
خيتي ام زهوره ماكو اعز منكم
واليوم اجينه نطلب ايد بنتج زهره المهدي ع سنه الله ورسوله اذا توافقون

والله ماكو اغلى منكم ومنلكه احسن منكم ومن سمعتكم بس احنه لازم نشوف البنيه. ....

اي شوفها وردولي خبر

انشاللله حبيبتي كل الهلا
نورتونه

مع السلامه

الله وياج

طلعت ام مهدي نزلت اني واهلي فتحو الموضوع
يابه زهره انتي تدرين بنفسج مطلقه ومن يوم الي طلقتي ولحد لان محد دك بابج وكال انريدها واليوم اجه مهدي طلب ايدج طبعا هو الراي رايج بس همه خوش ناس ومينرفضون

اي بابا بس هو مزوج ماكدر اروح ازوج وهو عده عائله

لا بنيتي همه اطلكوو
انشالله بابا افكر واردلك خبر
اي بنيتي وياريت تفرحينه وتقبلين اريد اطمئن عنج قبل لا اموت

لابابا اسم الله عليك من عمري ع عمرك

كمت صعدت واني اريد اوصل  لغرفتي اسمعت اخواني يكلوله بويه شنو تاخذ رئيها زوجها وفضها فوك ما مطلقه يعني. موزين دكو بابها
خو ماهسه ترفض وضل ع كلبنه

الابو. لابويه احنه نطيها فرصه تقرر واذا ماقبلت ذيج الساعه تنجبر بس مو من اولها

اي بويه هم خوش قرار هذا

...يتبع