حبيته من الصغر

بارت ٢٨

كعدت لكيته مموجود
كملت لميت فراشي
وسويت ريوك وكعدت اكل اني وحمودي وغسلتلهم وبدلتلهم
نزلت سويت غده مطبك باكله وتشريب لحم
وحضرته لان يجون عليه يتغدون بلمحل
كملت شغلي صعدت رضعت نسمه ونضفت غرفتي وسبحت منتضره جيته صارت ب٧ مااجه ضليت منتضرته لل٩ ماكو تالي نزلت تعشيت وعفتله عشه بلفرن صارت ب١٢
نيمت الجهال وطفيت الضويات وتمددت ع جربايه
ب١ هو دخل للغرفه
سويت نفسي نايمه
هو كبل سبح وانطاني ضهره ونام
ماكو لالهفه لاشبكه اني هم عفته ونمت
كعدت ثاني يوم ماهو بلشغل
كملت شغلي ونتضرته هم ماجه
ضل تقريبا شهر ع هل حال واني حتى ماشايفته
يجي ينام ويطلع
كلت لازم اعرف شعنده وليش هيج متغير
ضليت من تضره لمن نام ورحت اخذت تلفونه وطلعت بره وضليت احاول بلرمز مانفتح رجعته ودخلن نمت كلت ماريد يبين عده خلي يوميه احاول مرتين ٣
ضلت حياتي ممله واني احبه واعشقه اكثر
يعني ليش ماصبر ليش ماكال اني غلطت وهي كرهتنس ومتتقبلني
اليوم قررت ابدل واتمكيج لبست اتك طويل لون ماروني وبي فتحه وحده ومن فوك مدلع ومكياج وضليت متانيته سمعت الباب نفتحت ختلت وراها هو دخل اني رئسا شبكته من وره وابوس بركبته واشم بيه

زهره ...مشتاقتلك
لارد
مهدي حبيبي والله اسفه
مهدي ...هسه شرايده
زهره.. اريدك انت
مهدي ... مو هسه من اتقبلج ياله ودفع ايدي وطب للحمام
هنا
هنا
متت صدك متت تره كلشي ولا المره تنذل من حبيبها وفوكاها يكلي ماريدج ومامتقبلج صدك بجيت كمت مسحت مكياجي وبدلت وطلعت صعدت بلغرفه ماريد اشوف وجهه بعد
وهو ولا كأنه خله ونام
صارت ب٤ واني ابجي تالي كلت خلي انام نزلت
بسابع نومه وكل عاده منطيني ضهره
اني هم انطيته ضهري ونمت كعدت مالكيته
دكيت عليه لكيته مشغول رجعت دكيت هم نفس الشي
عفته كمت حضرت غراضي وكملت رجعت اتصلت عليه
رد

الوو
الوو
ها زهره خير
خير الي يصيبك
اني راح اروح لهلي
براحتج
خووش
طبكه

ياربي هذا شبي يعني هيج جزعان مني وكرهاني يعني لاسألني منو راح ياخذج ولاكلي شوكت تجين هذا بي شي

خابرت ع اخويه اجه عليه ورحت لهلي
تونست وغيرت جو ٤ ايام وهو ولامتصل
يوم لخامس اخويه رجعني

رجعت
سلام عليكم
كلها ردت وعليكم السلام
دخلت للصاله
ونصدمت 😲😲😲
هاي شدااشوووف.
معقوله اني بحلم