حبيته من الصغر

بارت ٣٠

هلو بنات رجاء اتفاعلوو وصوتو لان اني داتبع وانزل اكثر من بارت بليوم وماكو تشجيع

مرت ايامي طبيعيه واني ابد ماحتك بمهدي يجلي الليل اقفل الباب وانام هو يدك الباب ويأيس ويروح

مهدي.. بذيج الفتره تعبت كلش من زهوره اني ادري بيها متحبني والي سويته بيها صعب بس تعبت ماخليت شي ماسويته لا بلصياح تجي ولابلغصب تجي ولابلهدايه والمفاجئات تجي واني ابد مامقصر وياها وماكو واحد ميغلط واني غلطت وكومه اعتذرت وصلحت كلشي واعتذرت منها كدام الكل وابد ماهتمت حضرتها
بيوم جنت كاعد بشركه واجتي بنيه استفسرت عن شغلات وضلينه نسولف
جانت بيضه بس ضعيفه وملامحه زينه
من كملنه تبادلنه الارقام .يجوز تصرف بلا وعي
بعدين كمنه نتخابر ونتواعد والي عرفته هي مطلقه
بس مادري شصار بيه كمت ماتقبل زهره حتى اذا تتقرب مني وضليت اتصالت وي هاجر ٢٤ ساعه بس اريد اخلص من ضيمي حتى انسى زهره

لا ان فديوم خابرتني هاجر وكالت اريدك ضروري حباب
رحتلها للبيت ماقبلت اطب بس هي كالت عازمتك ع غده اتغده واطلع واهلي بلنجف راحو يزورون
دخلت اتغديت بس احس نفسي موطبيعي وبلا وعي وهي جانت لابسه اتك المهم صار الي صار ونمت وياها

وهنا صدك كرهت رووحي معقوله اخونها لزهره ليش اني هيج سويت مو اني احبها وحتى من تتقربلي كمت ابتعد لان احس نفسي ضلمتها
عفت هاجر وطلعت واني متخبل ضليت مارد عليها ابد ولا اخابر 

هاجر... اني مطلقه مواليد ١٩٩٣ تراهنه اني وصديقتي ع مدير شركه يمنه وكتلها اله اجيبه رحت بكامل كشختي ومكياج وكذا ع مود اجذب انتباها وقبل لااطلع اطلبت منه رقمه كتله خاف احتاج شي منكم
ضلت بيناتنه تواصل ٢٤ ساعه بس احنه صداقه وبس وكلما يحجي مرتي ومرتي واحبها ومتحبني بس ابد مانطاني مجال اتقرب منه
فديوم خابرته وكتله تعال للبيت اريدك ضروري وبعد تواسيل ياله قبل يجي ومن اجه كتل عازمتك ع غده
جنت اعرف سحاره فسوتلي مال محبه وشغلات حتى يتقرب مني وخليتهن بلاكل وفعلا صار الي ردته بس حسيته اتندم وضل يصيح وخله وطلع وبعدها اختفه شكد اخابر واراسل ميجاوب اخر شي طلعت حامل واني اصلا رايدتها ومن جبته للبيت جان موعد نضوج البيضه وماخذه منشطات
كمت اتصلت بي من غير خط
الو سلام عليكم
وعليكم السلام
شلونك مهدي
الحمدلله زين خير صاير شي
اي مشتاقتلك
اسمعي يابنت الحلالانتي تدرين بيه شكد متعلق بمرتي واحبها واني ردتج اخت وصديقه افضفض وياها ومادري شلون صار هيج ياريت ينسد كلشي وكلمن يروح بدربه

بس اني حامل
شنووو شدتحجين انتي اكيد جذابه
لاوالله حامل واذا تريد ادزلك التحليل واني ماكدر اضل هيج واذا اهلي درو بيه يكتلوني وكله بركبتك تره .
الله كريم خلي افكر واردلج جواب
ضليت هنا مثل لمسودن ماعرف شصرف صدك تعبت وكرهت نفسي وماكدر اعوفها ولااكدر ازوجها
بيومها خابرتني زهره وكالت راح اروح لهلها بسرعه كتلها اي علمود افكر زين وصدك راحت تقريبا ٥ ايام اجتي واني بهل فتره اللتهيت عنها وحتى ماخابرتها

الووو هديل
هلو حبيبي
اسمعيني من لاخير اني راح ازوجج
هههه كول والله
دسمعي
زواجنه راح يكون بس ع ورق اي علاقه زوجيه بينه ماكو لان اني احب زوجتي والصار غلطه وبس ومن تجيبين كلمن يرجع الدربه

اي هذا هو قابله بس استر عليه وع طفل (وبكلبي اكول هو بكيفك دخذني والله كريم)
ثاني يوم رحت خطبتها ووراها عقدت عليها  بس مومن وانطيتها فلوس جهزت نفيسها وبيوم الي كملنه كلشي جبتهل للبيت بعدنه كاعدين وجان اطب زهره اووويلي والله صدك انقهرت عليها بس هي ابد ولا هتمت بس اني متت روحي مفرفحه عليها لان اعشقها

اتفقت وي هاجر منحجي شي خلي يعدي شهر ياله تكول حامل وكتلها ديري بالج تتقربين لزهره تره خط احمر
بس زهره كلش رافضتني ومصره ع قرارها واني تعبت مشتاقلها ومتشاق لحضنها واصلا اني عندي ثنين نسوان وكلشي ممحصل لا من هاي ولامن هاي مع العلم هواي تحاول تغريني هاجل وتلبس مدلع بس ماحبها بالي كله وي زهوره وماريد ارجع اكرر الغلط واني انام بلكاع وهي ع جربايه