حبيته من الصغر

البارت الخامس

المهم نمت
كعدت الصبح لبست بدي وشويه مستور من فوك وخافي عيوب وفونديشن شويه قل لاثر
للعصر هو خابرني كال اليوم عم اجيج تره ماشبعت منج كتله مستحيل لو نطلع لو ماريد تجي
يمعوده
كتله ابد
اوك براحتج
وطبكه وزعل
ضليت ادك ادك
ميرد ثاني يوم خابرني كتله والله مو بيدي بابا ماقبل وضل يحجي
طبعا جذب من خوفي
كال اذا هيح وره سبوعين زواجنه
يمعود كول يالله ماصار شهرين من خطبنه اريد اتعرف عليك
لا ماتحمل واهلي يضغطون عليه والمن باقين اصلا اول وتالي احنه راح نزوج
كتله اشوف اهلي
سألتهم
بابا تره علي خابرني وكال بعد سبوعين الزواج واني ماقابله
كال ليش ماقابله اصلا اني اريد افتح هذا الموضوع ماريد طبه.وطلعه ازوجو وانسترو
خابرته وكتله الرد
انو بابا وافق ع زواجنه بعد سبوعين
وبدت التحضيرات. دزلب فلوس بيد امه
وبلشنه تجهيز ومشتره ويوم سوك صبح وليل واجرت بدلانت وحجزت صالون
وكله تحضر وماضل شي ع زواجي
مجرد يومين
حفيت ونضفت جسمي وكله تم ع حسب لاصول
اجه يووووووووم زواجي
كعدت ب٨ تريكت ورحت للصالون مكياج وتسريحه وبودرو جسمي ولبسوني بدلتي طلعت واو صدك واو
صح اني سمره بس من كبرت فتح لوني وملامحي نازكه وحلوه ورصعاتي وطولي ١٧٠ تقريبا يعني صرت مميزه بين خواتي كلش
وشعري ضل اسود ماقبل اصبغه
رحت للقاعه ومن طبيت لمن خلص العرس اني اركص وكلها متعجبه لان جاننن العروسات يستحن وخجولات بس اني جنت جريئه اكول هو مرة بلعمر خلي اتونس وصدك تونست لبيت ٥ بدلات الحمره وخضره وبيضه وسمائي وذهبي وكل وحده شكل وكلش حلوات جانن بس من اجتي الزفه رجعتلي الخوفه والبجي وكوه لازمه روحي
دخل هو جان لابس قاط سمائي وبنطرونه نيلي
واني بدله بيضه باسني وضلينه نطك صور
بعدين كالو يله
وحان الوداع اهلي يبجون
واني ابجي
شعور كلش صعب جان خوف ع قلق ع فراق يعني ماكدر اوصفلكم شعوري بذيج اللحضه

يتبع