حبيته من الصغر

البارت الاول

سلام عليكم
اني زهره مواليد ١٩٩٥ ملامحي حنطاويه وشعري اسود لليل وطويل جوه ضهري  عيوني جوزي ورموشهن كثيفه خشمي وسط وشفتي حلوه كلش وبيها طبره بلنص وعندي غمازات ٢ جسمي رشيق بس صاحبه خلفيه كبيره يعني جسمي يجنن جان
اني مهدي مواليد١٩٩٠ مواصفاتي طويل وي عضلات لان جنت اللعب حديد وشعري اسود رافعه ليفوك ابويه من اكبر رجال الاعمال بالحله واني ابني الكبير وجان متوفرلي كلشي سياره جارجر وفلوس وكلشي

زهره
مهدي يصير ابن خالي .عائلتي متكونه من ٣ اخوان و٢ خوات .حسن اخويه الجبير مواليد ٨٥ مزوج وعده اطفال ٣
وكرار مواليد ٩٠  .وجعفر مواليد ٩٩
واخواتي نور ونرجس واني
جانت عائلتنه كلش حلوه ومتماسكه من جنت طفله بل٦ ابتدائي جنه نجتمع بلاعياد او كل جمعه بيت خالي وجت اللبس واكشخ ع مود اجذب لانضار بس جنت كلش سمره ويصيحولي الزريكه بس اني جنت حيل اضوج بس عادي انسى وجنت كلش وكحه وعرمه واتعارك وي الولد وي البنات واصالح وازاعل وجنت شاطره كلش حياتي عاديه بين البيت والدراسه وجانت مرت اخويه تريدنه نشتغل وياها وجنه دائما نشتغل واحنه صغار بس هي حبابه المهم محد بينه تكسر حجايتها واذا وحده ماسوت اللي تريده رئسا تروح تكول لاخويه وجان اخويه يصيح وضربنه ويعاقبنه ونضل نبجي ونكول لابويه يكول اخوجن الجبير وجانت دائما ادزني جيبي هيج وجيبي هيج واني اروح ارجع يعني ملخص مفيد اي انوثه ماعدني تقريبا
سنه عن سنه بديت اكبر وبده شكلي يتغير واني حب مهدي بداخلي يكبر وياي تقريبا صار عمري ١٥ سنه شويه شبيت صادف اخو مهدي سوه حادث وتوفه وكلها اجتمعو عدهم واني رحت وجنت اشوفه متكئب ويبجي واني جنت حيل اضوج بس مابيدي شي جنت انضف واشتغل ضليت عدهم ٣ ايام جنت اللبس دشداشه سوده وشال يعني كلش مبهذله بس لان مجان عدي ملابس اسود وصارت صدفه فلبست وسكتت جنه نضل لصبح بلا نوم ناس تبجي وناس ادك وتلطم جنت من اشووفه كلش ابجي وانقهر واتلوكله اسويله كلاص عصير برتقال وانطي مي ومن اشوفه بره اطلع اغسل الطارمه وهو جان يشوفني زهره الزركه😂😂😂😂
خلصن ال٣ ايام كمنه نجتمع بس ليله الجمعه واكشخ اللبس تنوره او جبه وشال واخلي خفيف ونكعد نسوي العشه واغسل ماعين وتضحير وترتيب عود اني نادره وام بيت وكذا بس دائما تنتهي محاولاتي بلفشل
نجحت من الثالث بلدفعات لان جنت ملتهيه بلحبكجيات انتقلنه لغير بيت وجان بيت كلش حلو وجبير واثاث جديد انتقلت لغير مدرسه وصرت رابع اعدادي وجنت اروح مشي اني واختي لان مدرسه قريبه بس مو كلش يعني ربع ساعه مشي صادقت صديقات جدد وكمت اشوف البنات تلبس وتتعدل واني هم كمت اسوي مثلهن وحفيت شواربي وكمت اخلي خفيف بس للمدرسه كلش مااخلي
وكمنه قليل انروح اللبيت خالي كلش واشتريت موبايل ونزلت برامج ومن ضمنهن فيس وركض انطيت طلب المهدي وضليت اراسله بس اعتقد هو حس كرايب لان ماعندي اصدقاء بلصفحه او منشورات جانت مبينه جديده الصفحه وهو اصلا ثكييييل كلش كلش يعني مانطاني اي اهميه مجرد سلام. فتره ومسحته
كمت وره فتره راسلته من موبايل امي وانطلق يعمه شوفيلي ايجه ويعمه اريد ايجه ويضحك وياها واني اجاوبه تدلل ويدزلي صور نسون مدبدبات وحلوات اني كلش ضجت منه وكرهته كمت ماراسله عفته
ولتهيت بدراستي حتى انجح ومرت اخويه جاشت اخويه علينه ع ابو ٢٤ ساعه موبايل وميعاونني ومحد يشتغل وياي واخويه اخذ التلفونات وفتشهن مالكه شي بس مانطانياهن كال حتى متلتهن وضلن بيد جهالهم
بهاي الفتره جان اكو ولد يراقبني ومعجب بيه كلللش ابن جيرانه وحاجه اخته واخته كلتلي واني كتلها اريد اكمل دراسه ماريد ازوج

.....يتبع