حبيته من الصغر

بارت ١٨

مهدي .لازم من باجر احضر الغرفه واحضر غراض حمودي وكاروكه ونفاخ وارتبه

ماما اذا البنات ماعدهن شي اريدهن يصعدن وياي ليفوك نرتب لغرفه لان راح يجي حمودي

ام مهدي ...اي يمه صار .
علا سمعت وبدت بتنفيذ خطتها
صعدت من مهدي طالع سوت الي بالها وطلعت حتى تطرد زهرة من البيت

ثاني يوم كعد مهدي من الصبح والفرحه ماواسعته كبل تريك وصعد للغرفه وسد الكاروك وحضرلها الطاوله والورد وةالشموع ع مود يطلب ايدها كحبيبه مو كخدامه

وجان يسمع موبايل يدك ضل يدور ماكو فتح الكنتو كلب الملابس المجرات مالكه اله اي اثر نكطعت المكالمه

ورجع دك لكاه بين الكتب بلمكتبه
الرقم متكوب عليه حبيبي

رد.
الو هلا حبيبتي مشتاقلج وين جنتي صار شهر ماكو

كتله الو منو حضرتك

العفو مشتبهه بلرقم وطبكه

فتحه لان جان بلا رمز وباله انو هي امأنه لان ضامته هيج ضمه

ولكه محادثات مينلبس عليها ثوب
كله حبيبتي وحياتي وعمري
وهي تكول ماحبه مهدي وماخلي يتقربلي وبس اجيب نطلك
وهو يكللها الخلفيه شلونها مشتاقله خو ميكيسها مهدي تره هاي خاصه بس الي
وهي تكول لاطبعا مااخلي

وهواي كلام ومواعدات وغزل مهدي تخبل اخذ الموبايل وراح لزهره اول ماطب لاهلها كلها اريدج هسه حضري غراضج بسرعه
زهره .لا عيفني للاربعين ماضل شي

مهدي . بسرعه تحضري ترة يصير شي ميعجبج

زهره. اوكي

اخذني وجانن عيونه يجدحن نار وعصبي اول مادهل نزل الغراض وانطه حمودي للبنات وامه
وصعدني ليفوك قفل الباب وبلش الكتل راشديات ع حزام ع دفرات ع كتل ويشيلني ويركعني بلكاع لمن انتهيت ماعرف الام من يجي لمن اغمى عليه بين ادي
مااحس غير مي بارد وانذب ع وجهي
مهدي حباب فهمني شكو
انتي عاهره انتي ساقطه انتي كحبه اله اراويج وجهه مهدي الحقيقي شلونه
ورجعلي دك لمن تعب نزل وقفل الباب واهله تلكو شكو

مهدي. .ماكو شي ولحد يدخل رجاء

وهنا بين ع علا الفرحه والنصر بس مابينت لاحد حتى متنكشف الخطه
وضليت ٥ ايام تحت رحمته يطب ويطلع يكتل بيه وحرمني من لاكل ومااشوف ابني ابدا

اخر شي قويت نفسي كتله متريدني وديني لهلي ليش هيج تعذبني
كال ها تردين تكودين براحتج مو وجرني من شعري ونزلني شمرني بلسياره وكبل شمرني باب اهلي ودك لباب انطى الموبايل لابويه  وراح
امي طببتني سبحتني ووكلتني ونمت كعدت ع الصياح
ابويه واخواني شافو الموبايل والحجي وصعدو يردون يضربوني وامي وكفه بوجههم وقفلت الباب وابويه تخربط وشكل بي السكر واني ابجي بس اريد افهم شكو
صاحب الرقم غلق الخط ومحد يحصله واني ضليت محبوسه اشهر لاليلي ليل ولانهاري نهار لااكل ولااشرب ولاطلع انحرمت من ابني للمره الثانيه ياربي اني شمسويه اوووف 
صارت بيه حاله نفسيه من الصدمه والبعد عن ابني

... يتبع