حكاية اليوم

1ـ(أبلة فضيلة)

حكايتنا اليوم عن..
                                       ﴿أبلة فضيلة﴾

هو اكيد 95% مننا يعرفها... اصل ابلة فضيلة دى اللى ميعرفهاش يبقي مسمعش حدوتة قبل النوم..

ونداء اخير للى ميعرفهاش. ...مين هى ابلة فضيلة؟.. انا اقولك ابلة فضيلة دى بقي كانت بتحكى لينا كل يوم حدوتة شكل.. وطبعاً كل حدوتة بفكرة وكل فكرة بحاجة حلوة جديدة نتعلمها.

لكن طبعا مع الايام اللى اتبقي من ابلة فضيلة سيرتها وبس.. وممكن نلاقي اطفال بتسمعها بس طبعا دة نادراً..

طيب ويا ترى اية اللى ظهر.. اقول انا بقي اية اللى ظهر... اللى ظهر هو أسامة منير، احمد يونس، رضوي الشربيني( انا مش بعيب فى اى حد منهم بالعكس كل الاحترام ليهم)..

هو من الطبيعي ان الصغار بالذات بيروحوا ورا اى حاجة جديدة طب تعالوا بقي نوصف كل حد فيهم بيحكى اية..

اولاً اسامة منير ودة بقي بيحكى عن كل مشاكل الحب. اى حد عندة مشكلة فالحب يتصل ويقول.. هو زى الفل انك تسمع المشاكل بس مع الوقت فى ناس اقسم بالله بتتعقد.. بتبقي متخيلة انها لما تحب هيحصل معاها المشكلة دة فيبقي عندها فوبيا..

ثانياً رضوي الشربيني دي بقي بتقول كلام تقوي بيه البنات عشان مفيش وحدة يضحك عليها او تقع فى فخ.. هو كلمها حلو.. بس حلو للبنات، آنسات، مخطوبين لكن متجيش وحدة متجوزة وعندها اطفال وخداها مثل اعلى ليها تخرب بيتها وتطلق فى الاخر اللى بيجي على دماغة هى الاطفال..
طب والبنات انتى تمام تسمعي كلامها بس مش كله فين العقل بتاعك.. هقول لية.. اصل الدنيا مش هتمشي مثلا بين اتنين مخطوبين لو اول ما زعلها رمتلة االدبلة ومكلمتوش تانى وبلوق بلوق بلوق بلوق.. الدنيا مش بتمشي قفش كدة مرة تدي ومرة تخدي..
تخيلوا لو الكل سمع كلامها بالظبط والحرف يبقي مفيش جواز هيحصل يبقي مفيش اطفال هتيجي يبقي ننقرض بقي..

ثالثا احمد يونس هو بيقول قصص رعب وبتكون بليل.. طيب اللى بيسمعها وبيكون ضعيف الايمان بربنا.. دة بقي بيكون الله فى العون.. هو انا شخصيا كنت بسمعله بس جيت فترة وكرهته اصلي بقيت  حاسة انى بنجذب جدا للى بيقولوا.. ولقيت ان القصص اللى بسمعهالوا بكل سهولة لو حد جنبي سمعها معايا ممكن يموت من الرعب.

فالنهاية كل واحد حر يقول اللى عاوزة او يحكى اللى عاوزة.. وبرضو المستمعين كل واحد حر.. بس استعمل عقلك ولو 3% اعرف اية يصح واية لا.. اعرف اية يضر واية يفيد.. مش كل حاجة تطلع نمشي وراها.
.
.
.
.
.
.
.
.
.
.
اعرف المُنفع من المُضر..
#خليك بنى آدم

#Do
(وكدة دة اول مقال رائيكم بقي وتشجيعكم)
اللى عندة فكرة نكتب عنها الحكاية الجاية يقول