حكاية اليوم

اختلال التوزان

وهوبا طخ لقينا نفسنا فى زمن تانى ودنيا تانية وكل حاجة جديدة ومتغيرة وعكس كل حاجة بنفكر فيها....

كان لازم ابدأ موضوعنا انهردا بالجملة دى بس عشان اندمجت مش اكتر😂😂 .

حاليا كل حاجة بقت معكوسة بشكل يضحك.
الغلط بنرضي بية وبنخترعلة حجة عشان نخلية صح.
الدنيا بتتراجع واحنا فرحانين وبنساعد على كدة.
الدين فضل ينقص ينقص لغاية ما شبه اختفي.
والبنات بقت ولاد والولاد بقت بنات وبقينا فى مهلبية خالص.

*وهو دة موضوعنا انهردا.
1ـ الولاد بقت تطول شعرها وتكوية وتسشورة لا وكمان يصبغوه....انت فرحان من نفسك كدة..يعنى انت متخيل لما تيجي تتجوز ومراتك تقول لمامتها ماما انا لازم اجيب مكوا شعر عشان جوزى....شكلك هيبقي قطونيل جدا.

2ـ البناطيل اللى بقت تتقطع...لكن لو عندة بنطلون واتقطع مينفعش يلبسة تانى لاما مقطوع ويدفع فية الشئ الفلانى ويضحك علية لاما بلاش.

3ـ ودى اكتر حاجة انا هتكلم عنها....منتجات التجميل الخاصة للرجال.
من اكتر الحاجات اللى خلتنى صُعِقت انى اشوف ماسك او كريم ترطيب او روج او حتى بودرة (اللى هى بتاعة المكياج دى لانى معرفش اسمها اية ..انا فى الميكب معنديش ياما ارحمينى😂)

يااااه يا زمن هو احنا وصلنا لكدة...يعنى انا لما اروح لمحل مستحضرات تجميل واجى اشترى ماسك الاقى الراجل بيسئلنى عاوزة ماسك حريمى ولا رجالى...

طب انا بنوتة ولو لونى فاتح فهبقي حابة احافظ عليا وانا كدة لكن انت كراجل دة بيضرب بيكو المثل فى السمار بالذات لو من الشمس وكدة.

اه وبالنسبة للروج محدش يقولى لا كدة كتير ومش كتير...لان حجتهم بتكون ان شفايفهم بيضة زيادة عن اللزوم فعشان كدة مضطرين يحطوها.....واللى مبيعملش كدة لما يجي يتصور بيحط تأثير فى الكاميرا عشان الروج يبان....واظن انكوا شوفتوا عاهات من كدة كتير.

وكريم الترطيب اللى بيحطوه على ايدهم ورجليهم لما يلمسوا مية عشان يفضلوا ناعمين.

طب ايجابتى انا بقي اية؟ جتها نيلة اللى عاوزة خلف...يارتها كانت جابت دكر بط.

بقي المفروض علينا لما يجي واحد يتقدم لواحدة لازم الاتنين يغسلوا وشهم الاول...( اللى فهمها يقول فى الكومنتات 😂✌)

لا وفى الاخر يجي ولد يقولى هو انتى لية مش مهتمة بنفسك بالكريمات والماسكات لغاية ما قربتى تبقي ولد....عارفين ردى بيبقي اية؟
ردى بيكون : معلش اصل لازم يكوم فى توزان برضو...فعشان كدة انت استأنثت وانا استرجلت...

سبيكوا من كل الهزار اللى فوق...نقول كلمتين جد.
لو فضلنا على الحال دة فلازم نعرف اننا خيبنا آمال كتير اوى.

مظنش ان الولد اللى بيعمل كدة دة اهله راضيين علية....مفتكرش ان اب وام طالعوا تلاتة عيونهم عشان يريبوا وصرفوا وعلموا وجريوا على الدكاترة وكبروا عشان فى الاخر تبقي دى النتيجة.

دة ميمنعش انى فى تفرقة عنصرية عندى وان البنات عجبانى باللى بيحصل واللى بيعملوه دة ...تؤتؤتؤ ( وحياة امى لأكتب مقال تانى عشان اطلع عينهم)

اظاهر من كتر تلاهى الحياة نسينا ان :
قال رسول الله صلى الله علية وسلم
"لعن الله المتشبهين من الرجال بالنساء ،والمتشبهات من النساء للرجال"
صدق رسول الله صلى الله علية وسلم.
*
*
*
*
*
خليك بني آدم.
خليك بعقل مش بشبشب.
*
*
...مقال انهردا كان من فكرة رنا احمد ❤
واللى عنده افكار تانى يقول...
عاوزة رائيكم فى الكومنتات ومتنسوش الفوت.

ويلا اجروا بسرعة للمقال اللى بعد دة( تتابع حياة ) هينزل كمان دقيقة
Donia