وانهردا آخر يوم رمضان... وقفة العيد... وبكرة العييد بقي❤❤.
شهر الخير والكرم خلص وان شاء اللة يعُود علينا بخير.
انما العيد بقي يعنى :
صلاة العيد...عيدية العيد...لبس العيد...البلالين...كحك... بسكويت... ترمس... حمص... عصاير... 🍬🍬... خروج... لعب... فُسح...الضحك.....
واللى عمل الكحك والبسكويت والذي منه يحظة 😞(لانة احياناً بيبقي اجباري...اه واللهى) واللى اشترى جاهز يبختة😊😊 ..
طبعاً البنات اللى ادبست فى حملة النضافة الاجبارية... معلش علقة تفوت ولا حد يموت.
بس طبعا دة مش هيخلينا ننسي برضو المصايب اللى هتحصل... والخناقات المعتادة من زحمة الصلاة.... حنة شيماء اللى بتبقي فى الشارع بعد الصلاة هااااا.
تقريباً جزء الحسنات اللى بنجمعه فى رمضان بنستنى العيد عشان نضيعة كلة.
هنرجع تانى للتجمع الفظيع اللى بيبقي على القهاوى...
هيجى حد يقولى يعنى فرمضان القهاوى كانت بتقفل.
هقول لا طبعاً بس على الاقل فترة الصبح دى مكنش بيبقي فية حد عالقهوة.
طيب لازم بقي نبص على حاجة مهمة اوى.... طبعاً الاسعار فظيعة بمعنى الكلمة فمش كل هيقدر يشترى لبس العيد او يفصلة.
**رجاءً اللى يقدر يساعد الناس دى يساعدهم... حتى لو بحاجة قديمة جداً دى بالنسبلهم هتبقي فرحة. **
مش هقول بقي اننا المفروض ندى عدية لكل الناس.... لا اطلاقاً.... كل ما تشوف طفل اضحكلة وقوله كل سنة وانت حلو ياحلو.... لو وزعت بلونة على كل طفل شفتة هيطيير من الفرحة.
كلم كل حد تعرفة من قريب او بعيد... حتى لو الكلام قليل بس قولوه كل سنة وانت طيب... دة اصلاً ممكن يفرحة ويكون دى اللى هتظبط نفسيتة.
.
.
.
.
.
.
.
.
.
.
.
.
#فرح غيرك عشان تفرح انت.
#خليك بنى آدم
#Do
ملحوظة/ هنزل انهردا جزء من الرواية الجديدة تبعوها بقي❤❤
أنت تقرأ
حكاية اليوم
Randomهى عبارة عن عدة مقالات مختلفة عن بعضها .. كل مرة هنتكلم عن حاجة بنشوفها وبضيقنا .. هنتكلم عنها بشكل كوميدي الى حد ما .. وفى الاخر هنقول رسالة 📩.
