حكاية اليوم

3_عامل نضافة

حكايتنا  اليوم عن..
                       ...... ﴿عامل النظافة﴾.........

عامل النظافة اي كان راجل او ست تقريبا كل يوم بنشوفهم فى كل حتة فى الشوارع او المترو او المدرس إلخ إلخ.

طيب هو انت لما بتشوفهم مش بتسئل  نفسك هما كدة لية؟
اية اللى وصلهم للدرجة دى؟

.. تعالى بقي نتكلم فالنقطة دى...
فى منهم جزء بيبقي مش لاقي شغل وعاوز ياكل لقمة عيش..فيتجه للنضافة...

في منهم ناس بتكون مثلا شغالة فى مصنع او اى شركة حتى لو كان شغال ساعى والدنيا بتيجي عليه ويطرد من الشركة او المصنع .بيشتغل اية؟ بيكون عامل نظافة...

طيب ست كبيرة الى حد ما متجوزة  وجوزها توفي وبنتها رمتها فى الشارع..تعمل اية؟ تتجه للنضافة...

شاب لسه متخرج مش لاقي شغل مش لاقي صانعه يتعلمها وبيصرف على امة ..يعمل اية؟ يتجه للنضافة....

طب مش كدة احسن ما يتجهوا لحاجة تانية يعنى مثلا لو الراجل الكبير دة قعد يشحت ولا قعد على باب جامع ولا راح باع اعضائه..

طب الست كبيرة مش كدة احسن ولا تبقي مرمية فى الشوارع ومية عين يبصولها بشهوة.
( اه معلش اصلهم دلوقتى مش بيفرقوا بين كبير وصغير )..

طب والشاب الصغير مش كدة احسن ولا يبيع مخدرات ويخطف عيال ولا يثبت الناس فى الشارع....

هو اللى ممكن نكون مش وخدين بالنا منه عامل نضافة بضمير احسن من رئيس دولة مُرتشي وومعندوش ضمير..
عاملة نضافة شريفة احسن من وحدة هتعرض نفسها على الكل ومش هتراعى سنها....

فى موقف حى حصل معايا...
كنت فى مرة قاعدة على محطة المترو مستنية لغاية ما يجي.
انا وحدة من الناس بركب فى العربية المشتركة...
المهم جه واحد مثلا 45 سنة قعد جنبي وقعد جنبه شابين 22، 23 سنة..
واحد منهم فتح كانز وشربها وحاطها جنب رجلة هو والراجل الكبير...
بعدها بشوية عدى عامل نضافة لقاها فمن الطبيعي هيخدها..
عامل النضافة مد المكنسة بتاعة عشان يجيب الكانز الفاضية..
لقيت بقي ان الراجل الكبير دة بيقولوا  مش تفتح افرض فيها لسة شوية ووانت بتجبها كدة وقعت على البنطالون بتاعى....
عامل النضافة قاله حقك عليا وسابة ومشي....
انا حسيت ان الراجل دة زعل واضايق جدا...
لحظتين بالظبط ولقيت الراجل الكبير دة بيشتكى للشابين وبيقول ازاى يعمل كدة المفروض كان يوطى تحت رجلينا ويخدها..
واللى صدمنى اكتر ان شابين قالولوا اه المفروض دة يحصل....

طب دول عالم حيوانات كلهم على بعضهم..
اذا كان انا واحدة لسة مكملتش 20 سنة ولو وقفت دقيقة ونص ضهري بيوجعني..

طب هو بقي اللى من صابحية ربنا رايح جاي رايح جاي على المحطة...

فى النهاية انا بس حبيت اكتب عنهم انهردا عشان نحس بيهم ومنستهونش بمشاعرهم واللهى هما مش ناقصين.
.
.
.
.
.
.
.
.
.
.
.
.
.
.
متوجعهمش اصل انت ممكن تبقي فى مكانهم فى اقل من ساعتين زمن.
#خليك بني آدم.

#Do

(ودة كدة ثالث مقال رائيكم بقي وتشجيعكم)
اللى عنده فكرة نكتب عنها الحكاية الجاية يقولها...