دة بقي عامل زى الرز بسم الله ما شاء الله .
وباء وكلة اصبح يحبو. وبيقلدة و ماشيين فية اوى...
طب والناس بقي اللى متعرفوش؟
بصوا هو دة كان شئ اصلة ومركزة جاى من البلاد الاوروبية.
طب واية هو؟
هو عبارة عن ان البنت او الولد مش فارقة يمسكوا موس ،مشرط ....واكتر من حاجة تانى ويبتدوا يعلموا على جسمهم بيشرحوا نفسهم بيعوروا نفسهم ودلوقتي بقت فى اى حته بقي..
طب مش نعرف بقي هما بيعملوا كدة لية؟
هى لما الظاهرة دى انتشرت بالذات فالمدارس كان لازم اسئل
واعرف اية الحلو فى كدة
لقيتهم بيقولوا عشان بنكون موجوعين اوى من جوا فبنعبر عن وجعنا بأننا نعور نفسنا.
وناس تانى قالت اصل بحب اسمي فبكتبة على جسمي.
وناس قالت اصل حبيبي طلب منى كدة .
وناس قالت احسن ما اروح اعمل وشم ويبقي حرام..
سكووووووووووووووووووووووووووووووووووووووووووت
اولا :موجوعين اوى من جواكوا قربي من ربك،
صلي،
اقرى قراءن
طب سبحي،
مش عاوزة تعملى كل دة اسمعي اغانى عالية،
العبي رياضة عنيفة،
ارقصي.
ثانيا:بتحبي اسمك هاتى سلسلة،
حظاظة،
هاتى تاتو اللى بيتمسح،
ضاقت الدنيا معاكى اكتبية بأى قلم،
ارسمية بالحنة.
ثالثا:حبيبك طلب منك كدة وانتى شطورة سمعتى الكلام،
طب حبيبك طلب منك تنتحرى هتسمعي الكلام؟
رابعا:بدل ما تعملي وشم اللى هو غلط برضو ....تخاطرى بحاجة ممكن لو اتعملت غلط او فى مكان غلط نقري عليكي الفاتحة.
هو اللى بجاحة اوى بقي.
ان لما المس فى مدرستنا عرفت ان بنات هتعمل كاتينج فى المدرسة وطلعت تفتش الشنط.
الغريبة بقي ان هي ملقتش ولا موس ولا اداة حادة .
ولما سئلتهم لما هو مفيش حاجة بتعملوا كدة ازاى بكل برود قالوا مش لازم موس على فكرة ممكن ضوافر التركيب وغيرة وغيرة.
طيب العقل فين بقا؟،
تخيلي كدة انك سلفتي وحدة عشرين الف جنية وخدتيهم منها بعد سنة 10 .
وقلتلك معييش الباقي دة انتى مش بعيد تجيبيها من شعرها وتعملى محاضر ومش عارف اية..
طيب تخيلي برضو ان ربنا اداكى جسم كويس ومش مشوه..
تخيلي انتى كدة انك موتى وواقفة قدام ربنا وبيقولك:
شوهتى جسمك لية؟
هتعرفي تجوبى.
ربنا اللى صوت الرعد اللى هو بيرعبنا يُعتبر صوت رحمتة هتعرفي تجاوبي على السؤال بقي؟
حاجات كتير قذرة ملهاش اى اربعين لازمة بقينا نقلدها عشان نكون مودرن عالموضة ومفكرناش فى ربنا ولو لحظة
.
.
.
.
.
.
.
.
.
.
.
.
.
.
.
#خليك ضد الغلط اللى غيرك شيفينة صح.
#Do
أنت تقرأ
حكاية اليوم
Randomهى عبارة عن عدة مقالات مختلفة عن بعضها .. كل مرة هنتكلم عن حاجة بنشوفها وبضيقنا .. هنتكلم عنها بشكل كوميدي الى حد ما .. وفى الاخر هنقول رسالة 📩.
