ويختاااااى يختااااااى على اللى بينتشر اليومين دول...
وسبحان الله كله بيمشي على حسب الموضه برضو.
تيجو احكيلكوا الموضوع من الاول؟ لا انا هحكيه من الاول.
هو الموضوع بيبتدى من ياماما انا لازم ابقي على الموضه زى صحابى انا مش اقل منهم فى حاجة وتقعد بقي البنت تعيط وتنزل دموع.
الام تصعب عليها بنتها تقولها خلاص يابنتى اللى انتى عاوزة تعمليه اعمليه .
البداية ازاى بقي؟! البداية عن طريق انها تجيب لبس الموسم القصير *للمحجبات هاااا* اللى هو التيشرتات القصيرة دى ما انتوا عرفينها...وبعدها طبعا عشان تكمل الطقم تجيب بقي بناطيل ضيقه اللى بتتلبس بكيس دى اكيييد برضو عندكم علم عنها وهوبا من هنا على شوية من هنا وتلبس الطقم .
والطقم بقي بيكون عبارة عن البنطلون اللى بيكون شبه طبقه الجلد التانية وعلية السويت شريت اللى فوق الكمر كمان واهم حاجة فى الطقم اوعوا تنسوا وهى الطرحة.
ويعدى اسبوع فى التاني وطبعا البنت بتشوف غيرها فى تقدم فى الموضه وهى وقفت عند البنطلون والتيشريت بس...تسكت؟ لا طبعا مينفعش تبتدى بقي انها تخلى السويت شيرت فيه حته شفافه والطرحة ترميها على شعرها كدة من غير اى حاجة تثبت.
وطبعا هى كدة ما زالت لسة مش على العموضة عارفين اية ناقص؟ الميكب وبعد الميكب تقول انا ازاى تفكيري قديم كدة انا لازم ابقي اوبن مايند اكتر من كدة.....انا هقلع الطرحة ودى حاجة بيني وبين ربنا محدش يدخل بيني وبين ربنا انا هتحاسب لوحدى.
وواحدة تشد واحدة تشد واحدة لغاية مابقي الحجاب دة موضه قديمه جدا على الفكرة.
*** اللى انا حكيته فوق دة مفكركوش بحاجة*
مفكركوش بالفيروس لما يدخل الجسم ويبتدى يكون حولية انواع كتير منه لغاية ما يبقي مستعمرة من الفيروسات..
مفكركوش بالعيش مثلا اللى لو حته صغيرة فيه باظت الباقى كله بيبوظ.
مفكركوش مثلا بالبنات اللى بتتاخد عاطل على باطل بنت شمال يبقي كله شمال بنت قلعت الطرحة يبقي كله هيقلع.
مفكركوش ان فيه حاجة آسمها ان الحجاب فريضة عشان يحميكى من عيون الناس.
مفكركوش ان لما تكون مثلا واحدة مخطوبة وهى محجبه مبتشوفوش خطيبها بيكون ملهووووف ازاى عشان يشوف شعراية واحدة بس من شعرها.
مفكركوش انك ام مستقبليه وملزومة ان يطلع منك جيل صالح ينفع نفسة قبل وطنه.
مفكركوش بالحوادث اللى بتحصل والناس اللى بتموت فى اقل من ربع ثانية.
مفكركوش بكل حاجة عملتيها حلوة بالحجاب وانتى متاكدة انك لما هتقلعيه كل الحاجات الحلوة دى هتتمسح.
فى النهاية انا عاوزة اوصل ان الموضوع دة بقي منتشر ياريت اللى يشوف واحدة بتقول انا هقلع الحجاب يعقلها...يفهمها انها مش بتفكر اصلا.
*
*
*
*
*
العقل للتفكير مش للزينة
خليك بنى آدم
بقالى كتير منزلتش هنا بس لقيت الموضوع دى معصبنننى فنزلت عنه.
اتمنى انه يعجبكم.ومستنية رائيكم فالكومنتات والفوت متنسوش.
واللى عندها فكرة عوزانا نتكلم عنها تقولها
Donia.
أنت تقرأ
حكاية اليوم
Randomهى عبارة عن عدة مقالات مختلفة عن بعضها .. كل مرة هنتكلم عن حاجة بنشوفها وبضيقنا .. هنتكلم عنها بشكل كوميدي الى حد ما .. وفى الاخر هنقول رسالة 📩.
