حكاية اليوم

دة الكراش بتاعى

كراش ،يعنى اية كراش؟
دو بقي مصطلح جديد اليومين دول ...طيب هنتكلم عن اية انهردا هنتكلم عن نقطة منتشرة اوى فى سن المراهقة .
هيجي حد بقي يقولى طب ما انتى مراهقة ولسة ١٦ سنه وبتتكلمى فى الموضوع دة لية روحى العبي يا ماما مع صحابك .
هقولك انا بقي انى مش هتكلم من منظورى انا ، انا هتكلم عن حاجات بشوف ناس فى سنى بتعملها وانا بتشل منهم،انا هتكلم بمنظور الناس الكبيرة او الناس العاقلة اللى انا مش منهم.

فى فترة المراهقة تيجى البنت تقولك انا عاوزة احس بأنوثتى لما الولد دة يبصلى والولد دة يقولى كلمة حلوة ودة يعجبة استيلى.

يجى نوع تانى من البنات تقولك انا اتحجب شهر الم انظار الناس واقلعه بعدها عشان الم اهتمام الناس ولاكأنها ميكروباص بيلم الاجرة.

نيجى بقي لجانب تانى يقولك قال اية المراهقة دى اهم فترة فى عمرى انا اهتم بلبسي ومكياجى اهم فتنزل بقي البنت من بيتها لابسها لبس راقصة محترمة وحاطة مكياج بلياتشوا .

نيجى بقي لأنيل جزء اللى هما تقولك انا احب واتمتع بعمرى _ بلا نيله جتك سبعين وكسه _ مع اول شخص يقولها بحبك تقولة اشطا ويتعملوا بحكم المخطوبين وبعدها بقي اللى اعلم...
تبتدى الحكاية من انه يمسك اديها يعديها الطريق...وبعدها يمسك أديها عشان خايف عليها وبعدها يحضنها فى الزحمة .

طب وهى رائيها اية تقولك وماله دة خوف عليا دة راجل .
راجل اية يا متخلفه انتى لما انتى بنطلونك اوسع من بنطلونة .

وتلاقى وحدة تتكلم عن حبيبها ولاكأنه سعد وغلول .
دة فى بنات كمان ممكن تختار اسم العيال مع حبيبها.

نيجى للولاد بقي فى السن دة .
اول طموحه السجاير ويقولك اصلها هى معنى الرجولة وبعدها تيجى الشيشة وبعدها يشم بقي.

يجى جزء منهم يقولك انا لازم اقطع السمكه وديلها وتلاقيه بيحب ١٤ وفى ٩ بيخطط يعترفلهم ازاى و٥ بيقولهم احنا اخوات مش قادر اكمل.
وطبعا البنات تنتحر بقي.

بصوا من الاخر كدة عشان الموضوع دة لو هتكلم فية هقول كتير اوى.

اولا يا ولد..انت لازم تعرف انك مش هتفضل صغير كدة على طول مسيرك هتكبر وتبقى اخ وبعدها زوج وبعدها اب وبعدها جد ...يعنى ممكن فى يوم تلاقى تاريخك الاسود دة بيتعرض فى حياتك يندمك.

وانتى يا بنوتة ،انتى مش رخيصة ولا اهلك بيعينك انتى متخلفة عشان بتبصي لحاجات بمنظور غلط خااالص .

هو اللى انتى بتعملية دة غلط انتى بتلعبى بجسم ربنا امرك تسترية يعنى ولا تبينيه للناس ولا تشوهيه بحاجات ملهاش اى اربعين لازمة

حب اية اللى بيحصل فى سن لسة المفروض العقل صغير ...واخرك بتفكرى لما تكبرى تبقي شغالة اية وتشيلى هم صورة البطاقه ..لكن مش تفكرى فى الشخص اللى ادتيله جزء من حياتك بالغلط.

سن المراهقه المفروض يتعاش صح مش يضيع على حاجات متفيدش اصلا .
_
_
_
_
_
_
_
_
#التفكير بالعقل مش بالشوز.
#خليك بنى آدم.

مقال انهردا من اقتراح بنوتة يعنى مش فكرتى ياريت لما تقرية تقولى رائيك ...واتمنى اكوم اتكلمت عنه بطريقة تعجبك.

واللى عندة فكرة للمقال الجاى يقولها .
Donia