حكاية اليوم

2ـ (دة ولد...ودي بنت)

حكايتنا اليوم عن                                             (ليست فكرتى بل مُقترحة عليا)
                               ﴿التفرقة العنصرية﴾

هو عموما فى ناس اول ما شافت تفرقة عنصرية قالت مسلم ومسيحي ... تؤ تؤتؤ مش هتكلم عنهم حاليا. هنتكلم عن حاجة اهم.

هو عبارة عن تخلف بقي منتشر كتير بنا مش قادرين نبطلة. تخيل كدة ان كل حاجة بقت تتغير معادا دة.. هو انك تفرق بين بنت وولد.. 

بس طبعا بعادتنا المصرية الاصيلة بنحب نزيط  فى الزيطه.. يعنى شوفنا ان مثلا فى القران مذكور ان الولد فى الميراث حقة زى حق بنتين او ان الراجل من حقة يتجوز واحدة واتنين وتلاتة واربعة..

فعملنا  اية بقي. احنا عملنا  تفرقة بين الولد والبنت زى الفرق من السماء للارض...

يجي واحد يقولى: لا معلش احنا فى مجتمع شرقي صارم يا آنسة عيب اللى بتقولية دة.
هقولك اية بقي :معلش اركنلى على جمب كدة لو سمحت...

هو المجتمع شرقي صارم عليا وعليك... اصل انا مشوفتش  ريشة فوق راسك ولا تكون مامى بتعتك بيضة وانا سودة ( بنت البطة السودة يعنى)...

كل الفرق اللى بيني وبينك القراءن  و الاحاديث النبوية هما اللى وضحوة مش اكتر ولا اقل..

ميجيش مجتمع مُتخلف يقولى الولد من حقة انه يكلم بنت واتنين وتلاتة والبنت عيب تعمل زية

.. الولد من حقة يشرب سجاير ويدمن والبنت عيب تعمل زية..

الولد من حقة ينام مع بنت واتنين وعشرة محدش يقول حاجة لكن البنت عيب تعمل زية..

الولد يسافر برحتة وويتاخر برحتة برة البيت لكن البنت عيب تعمل زية...

اوقات كمان يقولوا الولد من حقة يتعلم تعليم عالى ويكمل تعليمة كلة والبنت عيب تكمل زية...

البنت يتقال عليها شمال عمركوا شوفتوا ولد اتقال علية شمال..

البنت تترمي فى البيت تطبخ وتنضف غصبن عنها عمركوا شوفتوا ولد يترمي فى البيت غصبن عنه..

لحظة بقي....
                ...............يجيلوا كسر حُقة الولد اللى مسموحلة بكل دة..............

معلش يعنى انت لما تكلم بنت واتنين وتلاتة تبقي معرفتش دقيقتين تربية على بعض( والبنت كذلك)..
ولما تشرب سجاير وتبقا مدمن فيما بعد تبقي صاحبة اشكال زبالة زيك( والبنت كذلك)..

لما تنام مع بنات هيبقي اسمك زانى زي بالظبط البنت هتبقي زانية واكيد عارف عقاب الزنا...

لما تسافر كصياعة مثلا يبقي اتفوووو ( والبنت كذلك)...

كالتعليم بقي لما يجي واحد يقول لبنت :احمدى ربنا اصلا اننا هنوديكي مدارس نعلمك......

يبقي انت كدة مبتفهمش لو مكنش ينفع التعليم للبنات يبقي زمان ايام الرسول مكنوش يتعلموا امور الدين ..

لية مبقتش من اول حواء كل البنات جاهلة؟.....

طب تمام مش عوزين تعليم للبنات متطلبش جيل واعى اه ما انتوا نسيتوا ان البنت اللى رفضتوا تعلموها هي اللى لما تخلف هتربي الجيل....

تعالى بقي مثلا لو انت صعيدي ومراتك شاكة انها حامل هتقبل دكتور راجل هو اللى يكشف عليها.. ماهو مفيش دكاترة ستات بقي...

طب والدتك ست منتقبة ومتشددة دينيا وتعبانه هتلاقي دكتورة منين تكشف عليها وانتوا رفضين تعليم البنات...

تعالى نتفق اتفاق ان للولد حاجات لازم هو بس اللى يعملها والبنت كذلك متجيش انت بقي تفرض عليا سلطتك بتاعة سي السيد وتقولى انا الكل فى الكل...

تعالى نعمل معاهدة يا سي السيد ان البنت لما تكبر وتتجوز متحملش ومتجبش عيال وشوف انت بقي هتجيب عيال زااااى؟!!!

فى النهاية كدة احب اقول ان الولد براس واحدة ..واتنين ايد..واتنين رِجل واتنين عين
واتنين ودن ..ولسان واحد ..وفم واحد ..وعقل واحد ..وعشر صوابع
فى الايد..وعشرة فى الرِجل..والبنت كذلك لحسن تكونوا فكرين انها مثلا بـ 9 صوابع بس...
متعملش تفرقة بنهم ممكن تخلى بنت تنتحر بسبب التفرقة دى...

وطبعا مش كل البنات ملايكة وانا فى حاجات فالبداية كنت بكتب عليا والبنات كذلك.....
والكلام دة بقي منتشر اوى الا من رحم ربي.
.
.
.
.
.
.
.
.
.

فكر شوية عشان متأذيش اجيال بفكر مُتخلف
#خليك بني آدم

#Do

(وكدة دة تانى مقال رائيكم بقي وتشجيعكم)
اللى عندة فكرة نكتب عنها الحكاية الجاية يقول