رمضان كريم وكل سنة وانتوا طيبين... طبعاً انهردا 23 رمضان.. يعنى خلاص فاضل 6 ايام💃💃 وهنقول عيد سعيد على الكل🙂.
اولاً بعتذر على التأخير بقالى كتير اوى منزلتش حاجة.. بس كان فية امتحانات وبعد الامتحانات كنت بستريح من الامتحانات بقي.
ثانياً ادعولى كتير عشان النتيجة هتطلع كمان كام يوم... وطبعاً الواحد قلبة فرجلة اصلاً.
ثالثاً هنتكلم انهردا عن اجواء رمضانية شوية... اجواء بتحصل حولينا ديماً فيها الصح وفيها الغلط تعالوا بقي واحدة واحدة نفصص الصح والغلط دول.
تعالوا نبدأ بالغلط ( عشان نختم بالصح ويبقي ختامُها مسك).
ـ اول حاجة ويمكن دى الكل هيبقي ضدي فيها بس الاختلاف فالرأى لا يُفسد بالود قضية.
الأعلانات( مش هنذكر إعلان بعينة) اللى بقينا ننتظر نشوف الجديد منها فى رمضان. كم الفلوس اللى بتتصرف بحسها خيالية.. بزغ كبير اوى ولا عمرنا هنبطلة.
حد يقولى انا هستفاد اية من ألاعلان اللى هيستفاد منه صاحبة بس.. ملايين هنا وزيهم هنا وانا بس بسمع واشوف.. لو عجبنى الاعلان ممكن احفظ الاغنية... امشي أغنيها فى البيت شوية بس بعد كدة خلاص بح.. بعد اسبوع من رمضان كلنا هننسي الإعلانات.. بس هيفضل واحد بس هو اللى كسب واللى هو صاحب الاعلان كسب ملايييين دة ان مكنتش مليارات..
ـ تانى حاجة جزء كدة من الإعلانات كانت تحفيزية اوى.. واكيد المعظم عرفها.. الاغانى اللى من النوع دة بتحفز الى حداً ما وتقريباً كدة دى الحاجة اللى بنستفادها... بس برضو بتتصرف عليها بغباء.
ـ نداء بسيط جداً لو من المكاسب دى طلعنا ربعها بس للمستشفيات والملاجئ هتبقي حاجة حلوة واللهى.
ـ تالت حاجة بقي ودة من كل قلبي يعنى... المستشفيات بكل انواعها.. لما تلاقي ان طول السنة مفيش إعلان واحد عنهم واول ما يجي رمضان اعلانتهم بتنزل زى الرز.. دة بقي اسمه استهبال.. ضحك على الدقون.
اكتر حاجة بتصعب عليا فى الاعلانات دى زى مثلا اعلان عن مستشفي سرطان... الاطفال والكبار اللى بيطلعوا دول مش حرام..
يعنى لاعب كورة ولا ممثل ولا مُغنى عاوز يظهر انه جامد بقي وبيساعد الكل يروح مستشفي ويتصور معاهم... دة بيتصور عشان يتشهر مش أكتر...
انا عن نفسي لما روحت لزيارة لمستشفى معينة من قبل ما ندخل ومنعونا من استخدام الموبيلات اصلاً وقالوا ممنوع منعاً باتاً التصوير مع المرضي عشان نفسيتهم.
طب اللى بيحصل دة بقي ازااااى؟؟!
نتكلم بقي عن الجميل او الصح اللى بيحصل.
- الكنافة والقطايف وااااااااو ويسلام لو كلتهم وهما نييين( مش مستويين) بيبقي طعم تانى ولذة تانية خالص.
ـ لما يظهر على التلفزيون "حان الأن موعد آذان المغرب" وكلة يبقي بيدور على التمر او العصير او المية.
ـ لما تبقي ماشي فالشارع والمغرب يأذن وتلاقى اللى بيديك كوباية عصير ولا بلح ولا آشي مش عارف اية.
ـ لما تكون ماشي ومعاك صاحبك المسيحي ومدفع الفطار يضرب وتلاقي واحد بيوزع وجبات فطار ويديك انت وصحابك وتلاقي صاحبك بيقوله "انا مسيحي" التانى يرد يقولة "واحد ياعم كلنا واحد رمضان كريم".
ـ لما تلاقي مائدة كبيرة وتلاقي ناس غلابة كتير قاعدين عليها وانت تدخل تساعد وتوزع.
ـ لما تنزل التراويح ومتلاقيش مكان وتلاقى الاطفال اللى أصغر منك سبقوك وخدوا مكان وانت لا.
شهر الخير دة مفيش اجمل منه.. بركة وسعادة...وذكر ربنا.
.
.
.
.
.
.
.
.
.
.
#استغل الشهر واكسب حسنات.
#خليك بنى آدم صح.
#Donia
أنت تقرأ
حكاية اليوم
Aléatoireهى عبارة عن عدة مقالات مختلفة عن بعضها .. كل مرة هنتكلم عن حاجة بنشوفها وبضيقنا .. هنتكلم عنها بشكل كوميدي الى حد ما .. وفى الاخر هنقول رسالة 📩.
