حكاية اليوم

اخلاق الغابة

قبل ما اتكلم او اقول اى حاجة....
انا هتكلم بمنظورى انا وفكرى انا ودماغى انا.. يعنى مش هطبل لحد ولا هعظم وامجد لحد....
يعنى ومن الاخر( الاختلاف فى الرأى لا يفسد للود قضيه)

تعالوا نحكى حدوتة كلنا سمعناها وعرفناها.
كان يا ماكان..كان عندنا حيوان والمعروف ان الحيوانات بيكون عندها غريزة الامومة والابوة يعنى اياً اية نوع الحيوان بيكون عندة ولو شوية رحمه صغننه ولو انا كلامى غلط فكان زمان كل الحيوانات انقرضت كانت الاسود هتاكل بعضها والقطط والكلاب والغزلان وهكذا..

لكن الحيوان اللى معانا انهردا دة اول مرة هتشوفوه...هو كان بيمشي فى الغابة فارد ضهرة وكانه بيقول ( يا أرض اتهدى ما عليكى قدى)

المهم الحيوان دة كان بيأذي جميع الكائنات( حيوانات..طيور..اسماك) من غير ما يفكر فيهم ولا حتى يكون عندة ذرة رحمه بيهم..
كان بيغصبهم انهم يدفعوا فلوس عشان يعيشوا فى أرض مش أرضة..كان بيجبرهم انهم يضربولوا تعظيم سلام عشان ميفتريش عليهم واللى كان بيرفض كان بيموتة وبكل سهولة ياكله.

مرت الايام والكل مش عجبه اللى بيحصل والكل بيتراكم جواهم طاقه غضب...لغاية لما جه يوم وظهر نوع من الكائنات جميل جدا جدا....طير برئ الكل بيحبه وبيحترمة والطير نفسه شكله يجذب الاضواء ليه...اصل الوانه المبهجه دى مفيش منها كتير دة قليل.

جه بقي الحيوان المفترس بتاعنا وراح اكله..لكن من غير ما يقصد ساب وراه آثر كدليل عليه والكل شاف الدليل دة وكلهم عملوا خطه عشان يتخلصوا منه ومن شرة....الحيوان دة كان كل يوم بيعدى من على جسر والجسر دة تحتيه شجر كتير...

اتفقوا الحيوانات انهم هيلعبوا فى الجسر دة...واليوم اللى بعده الحيوان ماشي على الجسر والحيوانات اللى حوالية ادوا لبعض اشارة وفى لحظة واحدة كان الحيوان دى بيطير من على الجسر وبيقع على الشجر....لحظه وهو بيقع افتكر كل حاجة غلط هو عاملها وحس ان فى حاجة اتلفت حوالين رقبته...ودة كان فرع شجرة والحيوان اتشنق ومااات.

وتوته توته خلصت الحدوتة.
طبعا دى مش النهاية دى مجرد مقدمة...قولولى القصه دى بتفكركوا بأية؟
واللى هتجاوب صح بأذن الله هكتب آسمها فى تكمله الحدوتة البارت الجاى....اللى هو وبنسبه 90 فى الميه بكرة..

مستنيه رائيكم واقتراحكم والكومنتات والفوت....واتمنى تعجبكم .
بحبكم❤ .
Donia