الحلقه الاولي
من رواية " المتعجرفه و أنا "
في احد الفيلال الضخمه تجلس فتاه في منتصف عقدها العشرون تتميز بالبشره البيضاء والقوام الرشيق والعيون البنيه والشعر الكستنائي الطويل تقرأ بعض الصحف والمجلات لتدخل عليها الخادمه
نڤين الخادمه : تلا هانم
تلا : خير يا نڤين
نڤين : أسعد بيه
عم حضرتك بره عايز يقابلك
تلا : اوووووف طيب طيب قوليله نازله
نڤين : امرك يا هانم
نزلت نڤين
تلا : ماهو كان نقصني قرفه وقرف ابنه اللزج ده كمان
نزلت تلا
أسعد : ازيك يا تلا
تلا : تمام يا أونكل
ازي حضرتك
أسعد : انا هبقي تمام لما تريحيني يا توتا
تلا : لو حضرتك جاي تكلمني في موضوع الجواز ده
يبقي مش هترتاح يا أونكل
أسعد : ليه يا تلا هو علي ابني يتعايب
تلا : خلينا صرحه يا اونكل
انت مش هتجوزي ل علي الا علشان الفلوس وبس
أسعد : هو انا ابقي غلطان عشان عايز احافظ علي فلوس بنت اخويا
تلا : دي فلوسي وانا حره فيها
نصيبك انت وابنك خدتوه
أسعد : انا هسيبك تفكري كويس يا تلا
وبلاش نزعل من بعض
عشان انا زعلي وحش
تلا قامت : مع السلامه يا أونكل
قام أسعد وهو متعصب ومشي من الفيلا
تلا : اووووووف
مش هنخلص من ام الزن ده
طلعت تلا اوضتها ودخلت تنام
في احد البيوت متوسطة الحال
تجلس امرأه في اواخر عقدها الخامس تقرأ في كتاب الله ليدخل عليها شاب في اوائل العقد الثالث طويل القوام وجسده رياضي يتميز ببشرته القمحاويه وعيونه الرماديه الساحره وشعره الاسود
حمزه : السلام عليكم يا امي
كريمه الام : وعليكم السلام يا ابني
خير اتأخرت ليه انهارده
حمزه : كان في شغل جديد في الشركه ده غير ان رئيسي مستقصدني معرفش ليه
كريمه : ربنا معاك يا حبيبي
ادخل غير هدومك وصلي علي ما أحطلك العشا
حمزه : حاضر
اومال فين حنين وابنها المفعوص ده
كريمه : هههههه دخلت تنيمه
حمزه : ماشي
بعد اذنك يا ست الكل
كريمه : اتفضل يابني
دخل حمزه غير هدومه وصلي واتعشي ودخل ينام من كتر التعب
تاني يوم
عند حمزه
صحي حمزه الفجر اتوضي ونزل يصلي وجاب معاه فطار وطلع علي البيت
حمزه : السلام عليكم
الكل : وعليكم السلام
مازن ( ابن حنين ) جاي يجري علي حمزه
مازن : خالوووووووووو
حمزه شاله : ااااه حبيب خالو
صباح الخير
مازن : ثباح النور
فين المثروف
حمزه : المثروف
اه يا مصلحنجي يا حقير
وطلع فلوس من جيبه وادهاله
حمزه : خد
مازن : سكرا
حنين طالعه من المطبخ وبتاخد الفطار من اخوها
حنين : انا سامعه حد بيشتم ابني
حمزه: هو في حد يقدر عليكي او علي ابنك يا مفتريه
حنين : ده انا غلبانه
حمزه : علي يدي يا ختي
كريمه : هتفضلوا تتخنقوا كده يبقي مش هناكل
خشي يا حنين حضري الفطار
وانت يا حمزه خش البس عشان متتأخرش علي شغلك
حمزه : حاضر يا امي
دخل حمزه غير هدومه
عند تلا
صحيت وغيرت هدومها ولبست هدوم رياضيه وطلعت تجري شويه وبعدين رجعت خدت دش غيرت هدومها ولبست بادله كلاسيك من اللون الكحلي وقميص ابيض وعملت شعرها كحكه وحطت ميك اب هادي ونزلت تفطر
نڤين : صباح الخير تلا هانم
تلا : صباح النور
قعدت تلا علي السفره وبدأت فطار
نڤين : في جواب جه لحضرتك انهارده الصبح
تلا مدت اديها بعجرفه
نڤين حطت الجواب في ايديها ومشيت
فتحت تلا الجواب لقته من والدتها اللي في امريكا
قرأته تلا بعدم اهتمام وفطرت وخدت عربيتها وراحت علي الشركه
