الحلقه الثانيه
من روايه " المتعجرفه و انا "
طلع حمزه من الشركه وركب عربيته ورجع البيت
دخل حمزه البيت
حمزه : سلام عليكم
الام طلعت جري من المطبخ : وعليكم السلام يا بني
خير
ايه اللي رجعك بدري كده
حمزه : ديه حكايه طويله هبقي اشرحالك يا ماما
المهم فين حنين ومازن
الام: جوا ف الاوضه يا ابني
حمزه : طيب انا هدخل انام وابقوا صحوني علي الغدا
الام: ماشي يا حبيبي
دخل حمزه اوضته غير هدومه واتوضي وصلي ركعتين وقعد علي السرير يفكر
حمزه : يا تري مين عمل فيا كده
انا لو انفصلت هعمل ايه
انا مسئول مني امي واختي وابنها
ومعاش بابا ومعاش جوز اختي مابيوفوش حاجه
يارب الفرج من عندك يا رب
وفضل يتحرك ف السرير لحد ما نام
عند تلا
وصلت تلا النادي
وراحت علي صاحبتها
تلا : هاي بيري
بيري:هاي تلا مالك شكلك مش طبيعي
تلا: مفيش تمام
امال فين بقيت الشله
بيري : سالي روحت
وماجي راحت تجهز للحفله بتاعت انهارده
تلا:امممممم انا مش في دماغي اروح حفلات انهارده
بيري : ليه بس
مالك ؟
تلا:فيه فلوس اتسرقت من الشركه وعايزه اعرف مين ال سرقها
بيري : يا ستي
وهي ديه حاجه تصعب علي تلا
قولي السبب الحقيقه يا تلا ده انا بيري
تلا :ماما بعتتلي جواب من امريكا
بيري : عادي
وايه الجديد
تلا : بتزن عليا عشان اتجوز علي
ده غير عمي مطلع عيني في الرايحه والجايه
وموضوع السرقه والواد اللبط اللي سرق
ده بجح معايا جامد انهارده
بيري : بجد !
تلا: اة بني ادم لزج وتنح
سارق وبيقول انه مسرقش حاجه ومصر اديته مهله لبكره يا يجيي يعترف يا هشوف الكاميرات وهرفده
بيري : وتفتكري واحد حرامي كانت كرامته نقحت عليه كده
تلا: مش عارفه يا بيري بقا
بيري : طب سيبك منه وقوليلي هتعملي ايه مع مامتك وعمك
تلا: مستحيل اتجوز علي علي جثتي
بيري: وبعدين
تلا: مش عارفه
بيري سكتت شويه
بيري: انا عندي فكري
تلا: فكره ايه
بيري : ما تتجوزي يا تلا
تلا: اتجوز مين يا بيري ما كلهم طمعانين فيا
بيري : مقصدش جواز واستقرار وكده
تلا: امال ايه
بيري : جواز مصلحه
يعني تشوفي راجل كده تديله فلوس تتجوزيه شهر اتنين تلاته لحد ما تخلصي من عمك وزنه
تلا بتفكير: ويا تري في راجل يقبل بكده
بيري : يووووه كتير
تلا : بس يا بيري اضمن منين انه يقبل يطلقني بعديها
بيري : تكتبي عليه وصولات امانه
ولو فكر يلعب بديله تهدديه بيهم ماستجبش تحبسيه ويبقي ليكي حق انك تطلبي الطلاق من المحكمه
تلا: عندك حق يا بيري بس مين ال ممكن اعمل فيه كده
بيري : دوري الرجاله كتير
والف مين يتمني تلا الهلالي
تلا: طبعا هما يطولوا
وسكتت شويه
تلا: بس لقيتهاااا
بيري : ايه !
تلا: هفهمك بعدين لما اظبط كل حاجه هقولك انا همشي دلوقتي عشان تعبانه موت
بيري : اوكي
تشاو
تلا: تشاو
ومشيت تلا ركبت عربيتها وطول الطريق بتفكر
وروحت البيت
عند حمزه
حمزه صحي من النوم علي صوت صغنن
مازن : خالوووو
خالوووووو يا خالو
قوم بقي انا جعت
يا خالو
حمزه : نعم يا مازن
مازن : اصحي يلا تيته حطت الاكل
حمزه : حاضر انا قايم اهو
وقام مازن خد دوش وفوق وطلع
الام: تعالي يا حبيبي يلا عشان تاكل
حمزه : حاضر
قعد حمزه وبدأوا اكل
الام: مالك يا حبيبي فيك ايه
حمزه : مفيش حاجه يا أمي
حنين : لا فيه
انت هتكدب علينا يا حمزه
الام: حتي حنين حاسه احكي يا ابني حصل ايه
حمزه : شكلي همشي من الشغل قريب
ده لو مدخلتش السجن
الام بخضه: يا خرابي سجن ليه
بس ايه ال حصل
حنين : اهدي يا ماما
وانت يا حمزه انجز وبلاش تقلقنا
حمزه : متهمني في الشغل بسرقة ١٠٠ الف جنيه
الام: يا نهار اسود ايه المصايب ال بتتحدف علينا دي يا رب
طب يا ابني انت هتعمل ايه ما اكيد فيه حل مدام انت مسرقتش
حنين : حمزه
انت اكيد مسرقتش صح
حمزه : طبعا يا حنين انتي بتهزري
حنين : انا بطمن بس يا حبيبي
الام: طب وبعدين يا حمزه هتعمل ايه ف المصيبه دي
حمزه : مش عارف
ربنا يفرجها من عنده بقي يا ماما
الام: يا رب يا ابني يا رب
حمزه قام
حمزه : الحمد لله
انا نازل
عايزين مني حاجه
الام: رايح فين يا ابني
حمزه : هدور علي شغل
الام: يا حبيبي ربنا معاك بس مش الاول مش تشوف هيحصل ايه
حمزه : كده او كده معاك
مش هقدر اكمل في الشركه ديه ياماما
كله الا سمعتي وشرفي المهني يا ماما
مع اني عارف مين ورطني في الورطه ديه
الام: ربنا معاك حسبي الله ونعم الوكيل فيه
خد بالك من نفسك
حمزه : حاضر
سلام عليكم
الام: وعليكم السلام
عند تلا
روحت تلا البيت غيرت هدومها وقعدت تشرف قهوتها في الجنينه وكانت بتفكر في الكلام اللي قالته بيري
وفجأه قامت تلا وخدت موبايلها وطلعت علي الشركه
دخلت تلا الشركه وطلعت علي اوضة المراقبه
تلا : انت يا استاذ
فرغلي : اهلا تلا هانم
خير يا هانم
تلا : انا عايزه اشوف ال حصل امبارح ف المكتب بتاع حمزه من اول اليوم لحد ما الموظفين روحوا
فرغلي: امرك يا هانم
اتفضلي
مشيت تلا مع فرغلي ووصلوا لاوضة المراقبه وشغلها الكاميرات
تلا : وقف هنا
لقت ان حسام هو ال دخل وخد الفلوس وطلع
تلا بعصبيه: فرغلي الكاميرا دي علي فلاشه حالاااا
وحسك عينك ال شوفته ده تقوله لحد من الموظفين ال هيجوا بكره والا هيبقي اخر يوم ف عمرك فاااهم
فرغلي : اوامر ساعدتك يا تلا هانم
ودخلت تلا مكتبها خدت شويه اوراق ونزلت عشان تروح
روحت تلا وطلعت اوضتها وقعدت تفكر
تلا : وبعدين بقي
اهو مطلعش هو اللي سارق
وللاسف مفيش حد في دماغي غيره
والمصيبه اني المفروض اعتزرله
ده لايمكن
انا تلا الهلالي اعتزر للجربوع ده
اوووف
تلا وهي بتفكر
عند حمزه
رجع حمزه هلكان
حمزه : سلام عليكم
الام: وعليكم السلام يا حبيبي
حمزه : مالك يا امي
في حاجه
الام بأسي: ابن اختك تعبان اوي
حمزه : ماله يا ماما
الام : عندو سخونيه جامده ومش عارف ينام
حمزه : يا حول الله يارب
طب انا هدخل اطمن عليه
الام: ماشي يا حبيبي
دخل حمزه
حمزه : اخبار البطل بتعنا ايه
مازن: الحمد لله يا خالو
حمزه : مالك يا قلب خالو
حاسس بإيه
حنين : حرارته عاليه جدا يا حمزه
حمزه : طب نوديه للدكتور
حنين : انا اديته خافض للحراره وهو بيقولي ان الوجع بيقل
لو فضل كده نبقي نوديه بكره
حمزه : ان شاء الله
انا داخل انام
لو حصل اي جديد ابقوا صحوني
تصبحوا علي خير
حنين: ربنا يخليك ليا يا حبيبي
وانت من اهله
_______________
واكمل الحلقه اللي جايه
مستنية ارائكم
