الحلقه السادسه
من رواية " المتعجرفه وانا "
تمت اجراءات الجواز و حمزه خد تلا ووصلها للمكان اللي هي عايزاه ورجع المستشفي وكان مازن بدأ يفوق
عدت الايام رخمه جدا علي تلا لانها مش متعوده تفضل قاعده ف البيت بس كانت بتباشر شغلها من البيت
عدي اسبوعين ومازن بيتحسن وحالته كل يوم بتبقي احسن من ال قبله وحمزه كان مشغول معاهم و خد اجازه من الشغل
وجه يوم خروج مازن من المستشفي
راح حمزه المستشفي من بدري وخلص اجراءات الخروج وراح لاوضة مازن
حمزه : السلام عليكم
الكل: وعليكم السلام
حمزه : اخبار البطل الصغنن ايه
مازن : زي البمب
حمزه : يا جامد
ايه يا واد الثقه ديه
حنين بتريقه : طالع لخاله
حمزه : يا خفه
الام : نفسي تكبروا وتعلقوا
حمزه / حنين : عشم ابليس
الكل : ههههههههه
حمزه : هاا
خلصتوا كل حاجه وجاهزين نمشي ولا ايه
الام: اة كل حاجه جاهزه يا ابني
حمزه : طب يلا بينا
مازن : سيلني يا خالو
حمزه : حاضر يا سي مازن
شاله حمزه ونزل بيه وركبوا العربيه وراحوا علي البيت
مازن دخل اوضته وحنين فضلت جنبه والام دخلت ترتاح شويه
راح حمزه وراها وخبط
الام: اتفضل.
دخل حمزه وباس ايد امه
حمزع : ازيك يا امي
الام: الحمد لله يا حبيبي
الام : مالك يا حمزه عايز تقول ايه
شكلك عايز حاجه
حمزه : اصل ...
الام: اصل ايه يا ابني احكيلي
حمزه : كنت عايز اقولك جبت الفلوس دي ازاي
مش قادر اخبي عليكي يا امي
الام بقلق : احكي يا ابني جبتها ازاي
حمزه حكلها الي حصل
الام: يا لهوي بتستغلك علشان عارفه انك محتاج الفلوس
ال زي دي بني ادمه مش كويسه علشان ربنا مديها فلوس بتعمل ف الناس كده وانت يا حمزه تجاريها
حمزه : انا كنت خايف علي مازن لا يجراله حاجه ساعتها مكنتش هسامح نفسي ابدا
الام بصتله بحزن وغضب من تلا
الام: طب وهتعمل ايه يا ابني انت وقعت نفسك مع انسانه مستغله انا بجد مش عارفه اقول ايه غير حسبي الله ونعم الوكيل
حمزه : والله يا ماما انا بقيت محتار في امرها مش عارف اذا كانت طيبه وبتداري اكمنها وحيده ولا هي اساسا كده
الام: واهلها فين يا ابني
حمزه : ابوها متوفي وامها مسافره بره وعمها وابنه كل همهم فلوسهم وبس
الام: يا حول الله يا رب
ممكن نعذرها بردو يا ابني لانها لوحدها وحواليها اقرب الناس ليها ال هو عمها وكل همه الفلوس بس اكيد يا ابني
يمكن يبقي جواها شخصيه كويسه لكن مخبياها وخايفه من غدر الزمن
حمزه : مش عارف علي عموم هي سنه هتعدي بالطول او بالعرض وكنت عايز اجيبها هنا تعيش معانا يعني اصلي قررت اربيها شويه ههههههه
الام: تنور يا ابني وقت ما تحب هاتها
بس هي مش عايشه ف فيلا هتيجي تقعد معانا هنا
حمزه : ولسه اما ظبطلها لسانها المعوج ده مبقاش انا حمزه
هي ادتني الفلوس وانا قررت اخد فيها ثواب
الام: يبقي يومها اسود مدام انت قررت تظبطها😂
حمزه : ههههههه
سيبيها علي الله انا هروح اجيبها دلوقتي لحد ما تمهدي لحنين ومازن اني اتجوزت
لكن ليه وازاي ده سر ما بنا يا ماما
الام: ماشي يا ابني متقلقش
حمزه : انا ماشي بقي
سلام عليكم
الام: وعليكم السلام
