الحلقه الحادية عشر
من رواية " المتعجرفه وانا "
صحي حمزه الصبح قبل تلا وفضل قاعد يبص عليها وطبع بوسه علي خدها
ف تلا صحيت
تلا ب ابتسامه: صباح الخير
حمزه : صباح النور
تلا بصت في الساعه
تلا: يا خبر احنا اتاخرنا ف النوم اوي
بس انا لو عليا مش قادره اقوم من السرير اصلا😂
حمزه : حنين هتصحي تفضحني بصفيحه دلوقتي
تلا:😂😂 اشمعني
حمزه : المفروض كنت اصحي واصحيها بدري علشان نروح نقدم لمازن في مدرسه جديده
هتنفخني 😂😂😂
تلا:😂 عايزين تقدمولوا ف مدرسه ايه
حمزه : مدرسة .....
تلا: بسيطه يا سيدي نكلم مدير المدرسه واحنا ف الطريق
حمزه : اشطات
انا هدخل اخد شور واغير والحقها قبل ما تقول لماما وعمتي وريهام وجرانا وقرايبهم كمان 😂😂
تلا: حمزه
حمزه : نعم يا حبيبتي
تلا: بحبك يا حمزه
حمزه باسها: طب ما انا عارف 😂
تلا : تصدق انا غلطانه 😂
رخم
طب انا هدخل اخد شور قبلك وقامت جريت دخلت الحمام وقفلت الباب
حمزه : ماشي يا تلا هتروحي مني فين
قعدلك يا جميل 😂
دخلت تلا الحمام وخدت شور ووقفت قدام المرايه
تلا : معقوله حمزه حبني
بالسرعه ديه
احنا مكملناش شهرين
معقول يكون طمعان في فلوسي
لا لا لا حمزه مش كده
وبعدين انا كمان حبيته في نفس المده
بلاش تخاريف يا تلا
انتي مستخسره في نفسك السعاده ولا ايه
وانتهي الحوار ما بين تلا و قلبها
لكن الحوار مابين تلا وعقلها لسه شغال
طلعت تلا وحمزه دخل ياخد شور وتلا لبست فستان بكم وكان اوف شولدر جابته بطلوع الروح اصلا علشان حمزه مكنش موافق عليه بس هي اتحايلت عليه وسيبت شعرها علشان يدارب كتفها
طلع حمزه من الحمام
حمزه : اه ياني من مراتي اللي تعباني
تلا: مالها مراتك بس يا قلب مراتك
عارفه ان الفستان مش عاجبك بس بص والله شكلو حلو اوي بجد
وانا مداريه كتفي بشعري اهو
حمزه : امري لله
يلا علشان نلحق نفطر
تلا: لا انا مش هفطر اطلع افطر انت علي ما اجيب شنطتي وحاجتي
حمزه : وده ليه بقي ان شاء الله
تلا: مليش نفس افطر مش جعانه
حمزه : علي زومه
تلا:اها والله مش جعانه ومش عايزه اقعد مع عمتك كمان مش فايقالها مودي حلو ومش عايزاه يبوظ
حمزه : انا رايق وعايز العب معاها هي وبنتها
اما طفشتهم من البيت مبقاش انا حمزه
تلا: هتعمل ايه طيب😂
حمزه : تعالي نفطر سوي واقولك بعدين
تلا: حاضر يلا
وطلعوا يفطروا
حمزه : صباح الخير
الكل : صباح النور
حنين: مصحتنيش هاا
ومتقلقيش يا حنين هصحيكي صح 😂😂
حمزه : قولتلك هتفضحني بصفيحه 😂
انا قولت لتلا تصحيني علشان اصحيكي وتلا عملت المنبه علشان يصحيها علشان تصحيني علشان اقوم واصحيكي
لكن المنبه مرنش ف تلا مصحيتش فانا مصحتش فبالتالي انتي مصحتيش
والسلام عليكم ورحمة الله وبركاته 😂
حنين : ايييييييييه
تلا: منين بيودي علي فين😂😂😂
معلش يا بنتي انا ال اخرته امبارح قعدنا نتكلم في الشغل والوقت خدنا
ف صحينا متاخر
عامة متقلقيش اعتبري ابنك ف المدرسه خلاص
حنين : تسلميلي يا توتا
حمزه : توتا ديه بتعتي انا علي فكره
حنين : يا شيخ اتلهي
عمته: وهو مش المفروض يا حبيبتي متسهريش جوزك علشان عندو شغل ولا هو انتي هتنفعيه لما يتخصمله
تلا بصت لحمزه ومردتش علي عمته فضلت ساكته
حمزه : ما انا اجازه انهارده يا عمتي وتلا عارفه
عمته: طب ومدام اجازه يا قلب عمتك مسهرتش معانا امبارح ليه ولا احنا مش قد المقام
حمزه : لا العفو لكن انتوا كنتوا بتتفرجوا علي فيلم سخيف مش بحبه
تلا: حبيبي انا خلصت فطار هات المفتاح انزل العربيه علي ما تخلص فطارك
حمزه : انا كمان خلصت وهنزل معاكي
عمته : علي فين
مش اجازه انهارده يا حمزه
حمزه : هوصل تلا وعندي كام مشوار كده هخلصه
عمته : بالسلام يا حبيبي
حمزه : سلام عليكم يا جماعه
الكل: وعليكم السلام
