الحلقه الرابعه
من روايه " المتعجرفه و أنا "
تاني يوم
صحيت تلا فطرت ولبست وخدت عربيتها وطلعت علي الشركه
سهام : صباح الخير يا تلا هانم
تلا : صباح النور
الاستاذ حمزه جه الشركه ولا لسه
سهام : لا لسه يا فندم
تلا : طيب اول ما يوصل ابقي بلغيه اني عايزاه ضروري
سهام : حاضر يا فندم
عند حمزه
صحي حمزه من النوم قام اتوضي وصلي ولبس وطلع علي الشركه
سهام : أستاذ حمزه
حمزه : نعم
سهام : تلا هانم كانت عايزاك ضروري
حمزه : تمام
راح حمزه علي مكتب تلا
وخبط علي الباب
تلا: ادخل
حمزه : سلام عليكم
خير يا تلا هانم
كنتي عايزاني
تلا: اه
اتفضل اقعد
حمزه قعد
حمزه : خير يا فندم
تلا : انا عرفت بموضوع مازن وانه محتاج يعمل عمليه انا مستعده اديك فلوس العمليه بس بشرط
حمزه: شرط !
شرط ايه ؟
تلا بغرور : نتجوز لمده سنه واحده بس
انت تبقي عملت العمليه لابن اختك وانا ابقي خلصت من زن عمي من اني اتجوز ابنه
حمزه بصدمه : نعم يا ختي !
تلا بعصبيه: انت بتتكلم معايا كده ازاي
انت مش من حقك تتكلم معايا كدا انت فاهم انا عرضت عليك عرض رفضت براحتك وافقت براحتك بردو مش ميته عليك انا يعني
حمزه : بت انتي هبله ولا شكلك كده
هو في كده يا جدعان
تلا بعصبيه: بت ف عينك انت مجنون انت ازاي تتكلم معايا كده اصلا
انا اصلا غلطانه اني فكرت اعرض عليك عرض زي دا
حمزه : فعلا غلطانه
هو في بنت محترمه تعمل اللي انتي عملتيه ده
يخربيت عقل البنات اللي ضرب
تلا: مسمحلكش
ال انت بتقوله دا ممكن تدفع تمنه غالي جدا
ايه ال انا قلته غلط هديك فلوس تعمل العمليه لابن اختك مقابل جواز علي الورق انت مشكلتك تتحل وانا مشكلتي تتحل دا احسنلي من اني اتجوز واحد عايز ياخد كل فلوسي
حمزه كان هاين عليه يديها قلم علي وشها بس قسم غيظه
حمزه : بعد اذنك يا تلا هانم
تلا : عندك
انت قدامك مهله لحد بكره
بعد كده مش هديك ولا جنيه
مفهوم
حمزه بصلها بإستحقار ومشي ورزع الباب وراه
تلا اول ما طلع حدفت الكوبايه علي الارض
وخدت شنطتها وطلعت بعصبيه من الشركه روحت البيت ولزمت اوضتها
حمزه نزل مكتبه وكان هيشبط من الغضب خد حاجته وعمله اجازه انهارده وركب العربيه وطلع علي المستشفي
ودخل لقي حنين عينها منفخه من كتر العياط ومازن نايم وامه بتصلي وبتعيط
حمزه اترعب من منظر حنين
حمزه : في ايه يا حنين
ايه اللي جد في الامر
حنين بدموع: مازن حالته بتسوء يا حمزه مشفتهوش من شويه كان هيموت
مازن هيموت مني يا حمزه 😭😭
حمزه خد حنين في حضنه
حمزه : بعد الشر
ان شاء الله مازن هيعمل العمليه ويبقي كويس
حنين: متكدبش عليا يا حمزه هنجيب الفلوس منين😭
حمزه قعد يفكر شويه : هتدبر بإذن الله متقلقيش
وفضل حمزه يهدي حنين لحد ما هديت واطمن علي مازن وروح البيت
حمزه : يا ربي اعمل ايه يا ربي
اقبل بعرض تلا
معقول يوم ما اتجوز اتجوز عشان اخد فلوس
مش ممكن
بس بردو مش وقت كرامه
هتعمل بيها ايه لما مازن يجراله حاجه وتعيش حياتك كلها حاسس بالذنب
فضل حمزه ما بين موافق ورافض لحد ما خد قرار
قام حمزه وراح حمزه الشركه
ودخل للسكرتيره
حمزه : السلام عليكم
سهام : وعليكم السلام
خير يا أستاذ حمزه
حمزه : فين تلا هانم
سهام:الانسه تلا خدت شنطتها وروحت
حمزه : روحت
طب متعرفيش عنوان بيتها
سهام: اة اعرفه في.............
حمزه : شكرا
عند تلا
الخدامه خبطت علي الباب
تلا: ادخل
الخدامه: تلا هانم فيه واحد تحت عايز يقابل حضرتك اسمه حمزه نور الدين
تلا ابتسمت ب انتصار: قوليله اني نازله
الخدامه : تحت امرك يا هانم
غيرت تلا هدومها ونزلت
تلا: اهلا يا حمزه
نورت
حمزه : بنورك يا تلا
تلا : خير فيه ايه
حمزه : موافق علي عرضك
تلا ابتسمت بنصر: مكنتش متخيله انك هتوافق بالسرعه دي
تمام اول ما نكتب الكتاب هديك الشيك
حمزه : بس فيه كام شرط كده انتي مضطرة توفقي عليهم
تلا ضحكت بسخريه
تلا: ومضطرة ليه ان شاء الله
حمزه : عشان متتجوزيش علي بيه
وبعد كده هتبقي مراتي
يعني انا الامر الناهي
تلا بغيظ : وايه هي شروطك دي بقا
حمزه : محدش يعرف في الشركه عن الموضوع ده
تلا: نعم!! اذا كانت الصحافه هتعرف ازاي الشركه مش هتعرف
حمزه : لا صحافه ولا غيره
يعرفوا انك اتجوزتي
مين بقي
ديه بقي محدش يعرفها
تلا: هو دا بس الشرط؟
حمزه : لا
حمزه : اهلي طبعا هيعرفوا بالجواز ده وهيعرفوا اتجوزت مين
وكمان مراتي المصونه هتيجي تعيش معانا في بيتنا
من غير ما حد يعرف انك انتي مديرتي المتعجرفه
تلا: نعم اعيش فين؟انتوا ممكن تيجوا انتوا تعيشوا هنا انا مروحش ف حته
حمزه : هتيجي يا تلا تعيشي معايا انا وامي واختي وابنها
تلا بغيظ: وان موافقتش علي الشروط
حمزه : هتعامل معاكي زي الهبل
تلا بغيظ: نعممم؟
حمزه : هخدك علي قد عقلك ونتجوز وساعتها هطلبك في بيت الطاعه
والصحافه تعرف بقي ويبقي شكلك وحش
تلا سكتت شويه وبدات تفكر
تلا: موافقه بس علي شرط
حمزه : قولي
تلا: جوازنا هيكون علي الورق وبس
حمزه : متقلقيش من الموضوع ده
اصلها مش امله يعني
تلا: انت تطول اصلا
المهم ماشي وانا موافقه
حمزه : الفلوس عيزها عشان العمليه بكره
تلا: تمام انا موافقه
وقامت جابت دفترر الشيكات وجت
ومضت
تلا: امسك اكتب المبلغ ال انت تحبه
حمزه كتب 500 الف جنيه
تلا: دا بس!انا قلت علي الاقل هتكتب مليون
حمزه : انا محتاج بس 500 الف جنيه
ليه اكتب مليون
تلا: عادي تأمن بيهم مستقبلك تقدر تقول ان دا تمن جوازنا.
وقطعت االشيك وكتبت شيك جديد. ب مليون جنيه
تلا: الشيك اهو
حمزه : وانا عايز 500 الف بس
انا مش واخدها سبوبه
انا محتاجهم عشان مازن وبس
تلا: انت ازاي كدا انا بديك زياده وانت رافض؟
حمزه : انجزي
عشان هشرح ومش هتفهمي
تلا: انا مش شغاله عندك علي فكره ف اتكلم عدل انت فاهم
وكتبت شيك ب 500 الف وادتهوله بعصبيه
حمزه خده : شكرا
تلا : عندك هنا
حمزه : ايه تاني
تلا : لا زم اضمن حقي
حمزه : ازاي مش فاهم
تلا : امضي علي وصل الامانه ده ولما تسلمني ورقة الطلاق هسلمك الوصل
حمزه خد الوصل ومضي عليه
حمزه : حاجع تانيه
تلا : لا
سابها حمزن ومشي من غير لا سلام ولا كلام
تلا بعصبيه: ماشي يا حمزه انا وانت والزمن طويل
عند حمزه
راح حمزه المستشفي ودخل بسعاده
حمزه: حنين
حنين بحزن: نعم يا حمزه
حمزه : انا خلاص دفعت تمن العمليه
حنين : اييييه؟ ازاي انت بتتكلم جد
حمزه : ايوه بتكلم جد
حنين: ربنا يخليك لينا يا حمزه انا مش عارفه من غيرك كنت هدبر فلوس العمليه ازاي
بس الا قولي جبت الفلوس منين
حمزه : مديرتي في الشغل وافقت تديهملي وابقي اسددهم براحتي
حنين: ربنا يكرمها يا رب واضح انها واحده كويسه
حمزه بسخريه : جدا انتي هتقوليلي
حنين:يعني العمليه بكره صح
حمزه : ان شاء الله يا حبيبتي
حنين : الحمد لله يا رب الحمد لله
_______________
ونكمل الحلقه اللي جايه
مستنية ارائكم
