الحلقه الثالثة عشر
من رواية " المتعجرفه وانا "
وصل حمزه وتلا الفيلا
واول ما دخلوا
تلا: يااااه بقالي كتير مجيتش هنا
فاكر اخر مره كنا هنا مع بعض
حمزه : فاكر
كان يوم كتب الكتاب تقريبا
صح
تلا : صح
ويومها اظن انك كنت عايز تقتلني علشان حددت كتب الكتاب وكان مازن لسه عامل العمليه
حمزه : ده اقل واجب 😂
تلا: بقا كداااا يعني مكنتش بتحبني ساعتها
حمزه : الكدب خيبه
تلا: امممممم كنت بتكرهني صح ؟
هو انا كنت وحشه للدرجادي؟
حمزه : مش وحشه ومش بكرهك
لكن كنت متغاظ منك بشكل يا تلا غريب
اكتر واحده غظتني في حياتي كلها
تلا: واكتر واحده حبيتها بعد كده ولا ايه
حمزه : طبعا مفيش كلام في ديه
تلا: اييه الحاجه ال خلتك تحبني يا حمزه
حمزه : شقوتك
بحسك طفله شقيه وعنيده وعايزه كل حاجه تتمناها
سهل تضحك وسهل تعيط
تلا: عارف كنت متخيله ان عمر ما حد يقدر يرجعني تلا بتاعت زمان وعمر ما حد يقدر يسرق قلبي
وقربت منه ولفت ايدها حوالين رقبته
تلا: بس سيادتك جيت غيرت كل حاجه ولخبطت كل مفاهيمي
حمزه : هو انا اي حد ولا ايه يا بنتي
تلا بعدت عنه : انت رخم بوظت ام اللحظه الرومانسيه
انا غلطانه اصلا
حمزه : 😂😂
وشدها من اديها
حمزه : طب تعالي بس
تلا: عايز ايه
حمزه : بحبك يا توتي
تلا: بتثبتني هااا
تؤ بردو انا زعلانه
حمزه باسها : طب اسف
تلا: تؤ تؤ علشان تبقي تزعلني تاني😏
حمزه : انتي قلبك قاسي
تلا: انا قلبي قاسي؟! تؤ
ده انا طيوبه خالص انت ال مش حاسس بس
تعالي طيب افرجك علي الفيلا
حمزه : الله حلوه جميله
فين اوضتنا يا توتي
تلا: اوضتنا فوق ليه ما هفرجك علي كل حاجه فوق اوضتنا واوضه بابا وماما وكل حاجه بقا
حمزه : اوضتنا احلي
اسمعي كلامي
تلا بعدم فهم: ما انا عارفه ان اوضتي احلي اوضه ف الفيلا بس انت عرفت منين طيب تعالي اوريهالك طيب
حمزه : يا ربي علي الغباء
مش مهم
اهم حاجه نروح الاوضه
يلا يا حبي
تلا: يلا
وطلعوا الاوضه فتحت النور
تلا:دي بقا مملكتي الخاصه فيها كل حاجه بتاعتي وعلي زوقي
حمزه حضنها من وراه : احلي حاجه فيها انها بتاعتك
تلا: انت بكاش اوي علي فكره
وبعدين وسع كده بقا علشان اوريك بقيت الحاجه
حمزه : تؤ
انا شفت اهم حاجه في الاوضه خلاص
تلا:ايه اهم حاجه
حمزه : صاحبتها
تلا: بحبك
وطبعت بوسه علي خده
حمزه : بعشقك
سكتت شهرزاد عن الكلام الغير مباح
ونسيبهم لوحدهم(ملناش دعوة ياامحي)😂
عند أسعد بيه وعلي
علي رايح جي بعصبيه : وبعدين يا بابا
احنا لازم منسكتش علي الاهانه دي
اسعد : واقعدلي علي كرسي المدير واكنها تكية ابوه
ماشي يا تلا ماشي يا حمزه اما ورتكم
علي : هتعمل ايه يعني
ما خلاص العروسه للعريس والجري للمتاعيس
اسعد بخبث: لا لسه
علي: ناوي علي اييه
اسعد : اسمع كويس ال هقولهولك ده ونفذه ب الحرف الواحد
مفهوم ؟
علي : مفهوم
اسعد : ................
(يا ترا اسعد ناوي علي ايييه ربنا يستر منهم😂)
