الحلقه السادسة عشر
من رواية " المتعجرفه وانا "
مشي علي من عند تلا ودخلت السكرتيره وراه علي طول
السكرتيره : حمزه بيه وصل الشركه يا تلا هانم
تلا : تمام
روحي انتي شوفي شغلك
السكرتيره : امرك يا فندم
قامت تلا وراحت عند مكتب حمزه وكانت لسه هتدخل
السكرتيره :لحظه يا تلا هانم
تلا : نعم
السكرتيره : حمزه بيه مانع دخول اي حد
تلا : نعم؟!
انتي عارف انتي بتقولي ايه
السكرتيره : ديه الاوامر يا فندم
تلا : الاوامر ديه علي البيه بتاعك وبس مش عليا
وزقتها ودخلت المكتب غصب
السكرتيره : يا تلا هانم ارجوكي
حمزه : في ايه
السكرتيره : تلا هانم دخلت يا فندم غصب انا حاولت امن....
حمزه : خلاص اتفضلي انتي علي شغلك
السكرتيره : امرك يا فندم
طلعت السكرتيره بره
حمزه : اتفضلي يا تلا هانم
تلا : انا هنا صاحبة الشركه وادخل المكان اللي انا عايزاه في الوقت اللي انا عايزاه
حمزه ببرود : طبعا طبعا
سبينا من الكلام اللي ملوش لازمه ده ويا ريت تدخلي في الموضوع المهم اللي خلاكي تيجي لحد هنا
تلا : انت بارد
حمزه : شكرا
بس اكيد مش هو ده سبب مجيتك
تلا : انا عايزه ارجع نص الشركه بتاعتي يا حمزه
حمزه : تحت امرك بس رجعيلي حاجتي الاول
تلا : حاجتك ؟!
ويا تري بقي ايه الحاجه اللي انا خدتها منك
حمزه : مراتي
رجعيهالي وانا ارجعلك شركتك
تلا : مستحيل
حمزه : يبقي اسف يا تلا هانم مفيش شركه
تلا : بكره نشوف يا حمزه ...بيه
وطلعت بره المكتب
حمزه : بكره نشوف يا توتا
راحت تلا علي مكتبها
وكانت مش عارفه تحدد مشاعرها بكون حمزه بيحبها ومتمسك بيها ولا حمزه اللي بيتحدي غرورها
تلا : بتحبني يا حمزه ولا عايز تكسرني
مابقتش فاهماك
عدي الوقت والكل منهمك في شغله وجت الساعه ٣
تلا كانت قاعده في مكتبها بتلم حاجتها ودخلت عليها السكرتيره
السكرتيره: تلا هانم
علي بيه مستنيكي بره
تلا : خليه يدخل
دخل علي
علي : ازيك يا تلا
تلا : تمام
علي : مش يلا بينا علي المطعم
تلا : اه طبعا اكيد
بس ثانيه هلم حاجتي ونمشي
علي : اكيد
اه بالمناسبه
لقيتلك خطه تزيح اللي اسمه حمزه ده تماما
تلا : بجد
علي : ايوا
تلا : ايه هي بقي
علي : في الغدا هحكيلك علي كل حاجه
تلا : تماما
يلا بينا
علي : يلا
نزلت تلا وعلي وراحوا الجراج يركبوا العربيه في الوقت اللي كان حمزه فيه نازل مروح وشفهم تلا اول ما خدت بالها من حمزه قعدت تضحك بصوت عالي
ده استفز حمزه جدا وراح نحيتهم وهو ناوي كل شر
علي : ايه ده حمزه بيه
عاش من شافك
حمزه : ما تشوفش وحش يا علي
علي فين العزم
علي : انا عازم بنت عمي علي الغدا بس يا خساره انت مش من المدعوين
حمزه : يا راجل بجد
علي : معلش المره اللي جايه نبقي نعزمك
يلا يا توتا
ولسه هيمسك ايد تلا ويشدها
قام حمزه مسكه من ايده
حمزه : توتا يا روح امك
واداله بكس في وشه وشد تلا من ايدها وطلع بيه علي العرببه بتاعته وساق بسرعه جنونيه
تلا بعصبيه: انت ازاي تضربه كده وقف العربيه وكلمني هناااا انا مش عبده عندك انت فاهم انا اعمل ال يعجبني
مردش عليها وفضل مكمل
تلا كانت حاسه انهم هيعملوا حادثه تااني
تلا بصريخ: برااااااااحه هنعمل حادثه
حمزه وقف العربيه فجأه
تلا اتنطرت لقدام جامد
تلا : ايه ما براحه انت غبي
انت ايه ال بتعمله ده مفكر بعمايلك دي هخاف منك لا فوق يا حبيبي مش انا ال اخاف انا اعمل ال يعجبني مش من حقك تمنعني من حاجه
حمزه بعصبيه : لا حقي
انتي يا هانم مراتي ولسه علي زمتي
واي حركة تجاهل منك غير مقبوله بالمره يا تلا مفهوم
تلا : لامش مفهوم ومش تلا الهلالي اللي.....
حمزه سكتها ببوسه
حمزه : لا يا تلا
تلا الهلالي المره دي مضطره تسمع الكلام ده وتنفذه بالحرف لان ردت فعلي مش هتعجبك يا تلا
وكمل حمزه السواقه ووصلوا البيت
تلا اتوترت وكانت متعصبه منه ومتدايقه
واول ما روحت دخلت علي الاوضه علطول ومكلمتش حد
حنين ومامته استغربوا
حنين: هي تلا كويسه يا حمزه
حمزه : اه كويسه
بس الشغل كان بايظ بسبب غيابنا فهي مدايقه علشان كده بس مش اكتر
حنين: طب ادخلها وهديها هي اكيد مضغوطه ومحتاجاك جمبها
حمزه : تمام
بعد اذنكوا
الام : اتفضل يا ابني
حمزه دخل لقاها قاعده
فتح الدولاب وبدأ يطلع هدومه
تلا بصرامه: علي فكره انا مش هسمحلك تعمل ال انت عملته دا تاني انت فاهم
حمزه : والله انتي لو محترمه وبتحترمي جوزك وبتحترمي نفسك مكنش ده حصل اولاني علشان يحصل تاني
تلا بعصبيه: انا محترمه غصب عنك ولما انت كلمت ريهام مكنش لازم تحترم مراتك
حمزه بابتسامة خبث : قولي كده بقي
ده الموضوع فيه ريهام
تلا حاولت تبان طبيعيه : لكل فعل رد فعل يا حمزه وبعدين كده كده لما نطلق هتجوز علي
حمزه : لما نبقي نطلق بقي
تلا: هنطلق
حمزه : اما نشوف
ودخل غير هدومه وطلع
حمزه : انا وراايا كام مشوار كده
عايزه حاجه من بره
تلا: لا مش عايزه
حمزه سابها ونزل من غير ما يرد
تلا: اووووووف
ولسه هتقوم تاخد شور
لقت موبايلها بيرن
تلا: الو
علي : الو يا تلا
تلا : ايوا يا علي
علي : انتي كويسه
النصاب ده عملك حاجه
تلا: متقلقش انا كويسه
ميقدرش يعملي حاجه يا ابني انا تلا الهلالي انت ناسي ولا ايه
علي : لا طبعا
انتي بتعملي ايه دلوقتي
تلا: ما بعملش
علي : وحمزه عندك
تلا: لا مش عندي فيه حاجه ولا ايه
علي : ما تيجي نخرج
تلا:تماااام هلبس واقابلك
بس اقابلك فين
علي : في نفس المطعم اللي كنت هقبلك فيه
تلا: تمام ماشي
باي
علي : باي
تلا ابتسمت بمكر
وقامت غيرت هدومها ولبست
ونزلت وصلت المطعم لقت علي مستنيها
تلا: ايه اتاخرت عليك
علي : لا ابدا
اتفضلي
تلا قعدت
تلا: بس غريب اوي اصرارك اننا نخرج
علي : حمزه جاب اخره معايا
ده رايح وجاي في الشركه كأنها شركة اهله
تلا: سيبه كده كده وقته قرب ينتهي معايا ومش هيعتب الشركه تاني
علي : ما هو انا جيبك علشان كده
تلا: علشان ايه
علي : علشان نخلص من حمزه
تلا: نعم !
ازاي يعني ؟
علي : ازاي ده يعتمد علي سماعك لكلامي الا لو وفقتي علي اللي هقولهولك ده وتتفذيه معايا بالحرف
تلا: قول
ناوي علي ايه
علي : ..................
تلا: امممممممم
فكره كويسه
موافقه
بس انا ال احدد الوقت المناسب للتنفيذ
علي : اشمعنا ؟!
تلا: لان انا اكتر حد ادري بحمزه
بحكم اني عايشه معاه
علي : وليه مش بكره او بعده
تلا: الوقت مش مناسب خالص صدقني ثق فيا
اول ما الاقي الوقت المناسب هقولك
علي : تمام
بس يا ريت منطولش
تلا:تمام
انا لازم امشي علشان عندي حاجات كتير اعملها
علي : تمام
تحبي اوصلك
تلا:لا شكرا معايا عربيتي
تشاو
علي : تشاو
___________
