الحلقه الثالثه
من روايه " المتعجرفه وانا "
تاني يوم
صحيت تلا من النوم خدت دوش ولبست ونزلت خدت عربيتها وراحت الشركه
وصلت تلا الشركه متعصبه جدا
طلعت تلا لمكتبها من غير ما تنطق بكلمه او ترد علي حد
تلا بصرامه: سهام اعمليلي اجتماع مع كل الموظفين بعد نص ساعه ولازم حمزه وحسام يحضروا فاهمه
سهام : امرك يا تلا هانم
ودخلت تلا مكتبها
عند حمزه
صحي حمزه خد دوش وصلي ولبس ونزل وعزم انه هيسيب الشغل لو فضلوا متهمينه بالسرقه
وصل حمزه الشركه وراح علي مكتبه
حسام : استاذ حمزه
حمزه : يافتاح يا عليم يا رزاق يا كريم
خير يا استاذ حسام
حسام بخبث: تلا هانم عامله اجتماع والمفروض نحضره وشددت ان انت بذات لازم تحضره
حمزه : ماشي
وراح هو وحسام اوضه الاجتماعات
وبعديها لما الكل اجتمع
تلا دخلت ومعاها اللاب
قعدت تلا والكل قعد وراها
تلا: انا اجتمعت بيكوا انهارده علشان انا عرفت مين الحرامي ال وسطنا
بيقولوا ان ال بيعمل جريمه بيسيب وراه طرف الخيط وال سرق كان غبي اوي علشان نسي ان فيه كاميرات ف الشركه
ووصلت اللاب ب البروجيكتور
وفتحت الفديو.
وكل الموظفين شافوا ان حسام هو ال سرق
تلا بعصبيه: كنت مفكر انك هتسرق 100 الف جنيه يا استاذ حسام وهتلبسها ف الاستاذ حمزه ومحدش هيعرف انت غبي مكنتش عارف انك بتلعب ف عداد عمرك
انا تلا الهلالي فاهم يعني ايه تلا الهلالي يعني ممكن امحيك من علي وش الدنيا حالا بس انا هسيب القانون يعاقبك بس قبل ما اخلي البوليس يدخل لازم استاذ حمزه ياخد حقه منك.
استاذ حمزه استاذ حسام قدامك اعمل فيه ما بدالك وهيبقي حقك ومحدس هيلومك
حمزه بص لحسام بصت غيظ
حمزه : مش عايز اعمل فيه حاجه
خليه يغور من هنا
تلا خلت الظابط يدخل وياخدوه
تلا: الاجتماع خلص الكل يمشي ماعدا انت يا استاذ حمزه استني عايزاك
الكل مشي وفضل حمزه
حمزه : خير يا فندم في حاجه تانيه
تلا اتوترت مكنتش عارفه هتعتذر ازاي
ازاي تلا الهلالي تعتذر لحد
تلا: حمزه انا كنت يعني.......
ولسه هتكمل موبايل حمزه رن
حمزه طلع التليفون وكان امه
حمزه : بعد اذنك
تلا : اتفضل
حمزه : الو يا أمي
الام :........
حمزه : ايه ! مستشفي ايه !
الام : طيب طيب انا جي حالا
قفل حمزه مع امه
حمزه : معلش يا تلا هانم
انا مطر امشي دلوقتي
تلا بفضول: ليييه فيه حاجه؟؟
حمزه بلهفه : ابن اختي في المستشفي ولازم اروحله بسرعه
تلا: تمام تقدر تمشي دلوقتي
حمزه : بعد اذنك
جري حمزه جري ونزل للجراج
تلا : انا انزل وراه واتابع الحاله
يمكن يبقي ده هو الخيط اللي يوصلني للي انا عايزاه
خدت تلا حاجتها ونزلت جري وراه حمزه
عند حمزه
من حظ حمزه العسر
العربيه مش راضيه تشتغل
حمزه : يا حول الله يا رب
هو ده وقته
في الوقت ده تلا نزلت عشان تاخد عربيتها
شافت حمزه
تلا: فيه حاجه ولا ايه؟؟ مش قلت رايح المستشفي
حمزه : اصل العربيه عطلت ومش راضيه تشتغل
تلا: طب تعالي اوصلك
حمزه : لا مفيش داعي اتعب حضرتك
تلا بصرامه:استاذ حمزه دا امر مش عرض اتفضل اركب
وركبت العربيه
حمزه قسم غيظ من عجرفتها وركب علشان مطر لان صعب جدا يلاقي تاكسي دلوقتي
تلا: هو ف مستشفي ايه
حمزه : مستشفي ........
تلا: تمام
هو ماله
اقصد يعني ده مرض بيجيله علي طول
حمزه : لا هو كان تعبان امبارح وواضح ان العمليه زادت
تلا : اممممممم الف سلامه علي .........
حمزه : مازن اسمه مازن
تلا بصوت واطي : مازن
وساقت لحد المستشفي
حمزه : متشكر جدا يا انسه تلا
تلا: العفو
وطلع حمزه المستشفي وهي طلعت وراه
تلا راحت عند موظفه الاستقبال
تلا: كان فيه طفل جه من شويه اسمه مازن ممكن اعرف مين الدكتور المسئول عنه
الاستقال : ثواني يا فندم
اه حضرتك تقصدي مازن المهدي
تلا: اة
الاستقبال : دكتور احمد قسم الجراحه يا فندم هو اللي مسئول عن الحاله
تلا: طب هو دكتور احمد فين؟
الاستقبال : الدور الثاني
تلا:تمام
وطلعت تلا الدور التاني
وسالت علي دكتور احمد ولما اتاكدت ان مفيش حد معاه
خبطت علي باب المكتب
احمد : اتفضل
تلا دخلت
تلا وهي بتمد ايدها للتحيه
تلا: تلا الهلالي
احمد : اهلا وسهلا
دكتور احمد
اقدر اخدمك ازاي
تلا: كنت عايزه اسأل عن الطفل ال جه من شويه اسمه مازن المهدي
احمد: بصي يا انسه مش هكدب عليكي حاله الولد متاخره اوي محتاج يركب صمام ف القلب
تلا اتخضت ازاي طفل صغنن يركب صمام ف القلب
تلا: طب وهي العمليه هتتكلف كام؟
احمد: 500 الف جنيه
تلا: تمام يا دكتور هو الولد حطيتوا ف اوضه رقم كام؟
احمد:ف اوضه.....
تلا: تمام بعد اذنك
احمد : اتفضلي
تلا ف نفسها : هي دي الفرصه الوحيده ال مش لازم اضيعها وهو اكيد محتاج الفلوس ولازم انفذ واعرض عليه بكره وهو اكيد هيوافق هو هيطول اصلا يتجوز تلا الهلالي
عند حمزه
وصل حمزه الاوضه لقي اخته قاعده ومنهاره من العياط هي وولدته
حمزه : خير يا ماما
في ايه يا حنين
ايه اللي حصل لمازن
حنين بعياط: حمزه مازن لازم يعمل عمليه تركيب صمام يا حازم مازن تعبان اوي😭😭
حمزه بصدمه : ايه !
وخد حنين في حضنه : اهدي يا حبيبتي
متقلقيش
ان شاء الله هنعمله العمليه ويبقي كويس ويقوم ويبقي زي الفل
حنين: ازاي بس يا حمزه دا العمليه هتتكلف 500 الف هنجببهم منين؟
حمزه بصدمه : كام ؟
حنين ببكاء:500 الف
حمزه : متقلقيش ان شاء هتتدبر
هو مازن عامل ايه دلوقتي
حنين ببكاء: كويس الحمد لله
حمزه : مين هيبات معاه انهارده
حنين: انا طبعا
حمزه : مش عايزه حاجه اجيبهالك معايا
حنين:عايزه سلامتك
حمزه : طيب
انا هروح وهاجي بليل تاني عشان اطمن عليكم
حنين: ماشي مع السلامه
حمزه : هتروحي يا ماما
ولا هتفضلي
الام: مينفعش اسيب اختك لوحدها يا حبيبي
حمزه : ماشي
خلي بالكوا من نفسكوا
سلام عليكم
الكل: وعليكم السلام
نزل حمزه من المستشفي ركب عربيته وروح البيت غير هدومه وقعد يفكر
حمزه في سره : يا حول الله يا رب
بقي اطلع من مصيبه السرقه ندخل في موضوع مازن
الحمد لله علي كل حال
بس هتصرف منين دول 500 الف جنيه
الارض بتاعت بابا مش هينفع ابيعها عليها مشاكل مع عمي والعربيه حتي لو وبعتها مش هتعمل حاجه واهل ابوه مسألوش فيه من بعد ما مات يعني صعب نستلف منهم
طب سلفه من الشغل
يا رب الفرج من عندك يا رب
عند تلا
روحت تلا مبسوطه دخلت غيرت هدومها وقعدت علي السرير
تلا : ايوا هو ده
دلوقتي هو مش هيقدر يقول لا
ابن اخته يموت يا حرام
والله وجه صباعك تحت درسي يا حمزه هيه
______________
ونكمل الحلقه اللي جايه
مستنية ارائكم
