الحلقه الثانية عشر
من روايه " المتعجرفه وانا "
تلا طلعت ودخلت المطبخ
تلا بطريقه كوميديه: بتعملوو اييه
شامه روايح حلوه
حنين: خضيتيني😂😂
انتي اتعديتي من جوزك ولا ايه
تلا : من عاشر القوم يا أوختشي
الكل : هههههههه
تلا:عاملين اكل ايه يا طنط عشان حمزه موصيني علي اكله معينه
الام : رز معمر وباميه باللحمه
تلا: اممممم طيب طنط
بصي حمزه طالب رز معمر وبطاطس ف الفرن وفراخ مشويه
وطبعا انا فل ف الطبخ حضرتك قوليلي بس اعمل ايه وانا هعمله ويا رب تطلع حلوه
الام : سهل يا بنتي خالص
انا عملت اصعب حاجه وهي الرز المعمر
الاول هنتبل الفراخ ونسبها شويه وبعدين هتقطعي بصل وبطاطس ولما تخلصي قوليلي وانا اقلك تعملي ايه
وانتي يا حنين نولي لمرات اخوكي تتبيله الفرخه عشان تعرفهم
تلا ب ابتسامه واسعه : ميرسي يا احلي طنط ف الدنيا
وبدات تعمل الاكل وحنين ساعدتها وخلصو الاكل
تلا: طب الريحه حلوه دوقو بقي وقولولي رايكم
وبذات رايك يا طنط يهمني اويي
سمعت ريهام اخر جمله وهي دخله
ريهام: متحاوليش
حمزه مش بيعجبه الا اكل طنط واكلي
تلا: والله يا ريهام هنشوف رايه علي الغدا
يلا يا طنط دوقي بقا وقوليلي رايك
الام داقت الاكل
الام : بسم الله ماشاء الله بتتعلمي بسرعه يا تلا
الاكل طعمه زي العسل
تلا بفرحه: بجد يا طنط
الام : بجد
تلا : طيب انا هروح اصحي حمزه
حنين : وانا هوضب السفر لحد ما تيجي
تلا : تمام
دخلت تلا لحمزه الاوضه
تلا بدلع: زووماا
حمزه : يا نعم
تلا : يلا عشان الغدا جاهز
حمزه : حاضر
انا جي اهو
تلا: اشطات
طلعت تلا تخلص تجهيز الاكل علي السفره وطلعت قعدت جمب حمزه وبداو ياكلو
تلا بحماس: هااا ايه رايك يا حمزه
حمزه باس اديها : تسلم ايدك يا حبيبتي الاكل طعمه زي العسل
تلا بفرحه: بجد يا حمزه
ولسه حمزه هيرد
عمته: متفرحيش اوي يا تلا انتي لسه بتتعلمي
وبعدين معلش يعني الاكل ناقص ملح شويه وكان لازم تقللي التوابل شويه وتكتري الصلصه
والفراخ كان لازم تسيبي الوش يحمر كدا
ديه ازاي مشويه مش عارفه
حمزه متجاملهاش يا حبيبي عشان تتعلم
كدا لو جاملتها مش هتتعلم حاجه وهتفكر نفسها الشيف الشربسنس
حمزه : بس انا بحب الاكل كده ناقص ملح والتوابل كتير ومش متحمر
شكرا علي التعديلات يا عمتي
ريهام: الله هو ال يقول الحق ف البيت دا يبقي وحش
حمزه : حق ؟!
في ايه يا ريهام
حق وباطل ايه
احنا بناخد اراء عن الاكل الي عملته تلا
مش بنعمل استفتاء علي الدستور 😂
تلا ميلت علي حمزه
تلا : هقوم ادب السكينه ف بطنها والمصحف😂
حمزه : امسكي نفسك مش عايزين فضايح 😂
تلا: فضايح هو انت لسه شفت فضايح
دا شعرها اللي انت متفهمش عاملاه ازاي دا هقطعهولها كمان شويه
ما هي يا تمشي يا مش هتطلع من هنا سليمه😂
حمزه : اهدي يا تلا اهدي يا حبيبتي خلي الليله ديه تعدي علي خير 😂😂
تلا مقدرتش تمسك نفسها من الضحك وضحكت جامد
حنين بمكر : مش مرتاحالكم😂😂
اكيد كنتو بتنمو علي حد
حمزه : ابدا ده احنا غلابه 😂
تلا: اويي😂😂
حنين بهزار: علي يديي 😂
الكل : هههههههه
خلصوا اكل وشالوا الاكل ودخلت تلا غسلت المواعين
ودخلت غيرت هدومها و وجت تطلع لقيت حمزة واقف قدام الباب
حمزه : رايحه فين يا هانم
تلا: ايه يا قلب الهانم
طالعه اقعد معاهم برا
حمزه : وتسبيني انا قاعد هنا لوحدي لا لا لا
انا زعلان لا
تلا لفت ايدها حوالين رقبته
تلا بدلع: وانا ميهونش عليا زعل حبيبي ابدا
لو مش عايزني اطلع مش هطلع ونقعد مع بعض هنا
ال حبيبي يعوزه انا هعمله
حمزه : ايوا كده ستات ما بتجيش غير ب....
وطبعت بوسه علي خده
تلا: غير ب اييه
حمزه : اقدر انطق انا
تلا: ايوا كده😂
عايزنا طيب نقعد نعمل ايه
ولا اقولك ايه رايك ننزل
لا لا اقولك تعالي نسافر يا حمزه وسيبك من الصفقه الجديده
حمزه : حيلك حيلك حيلك مفيش خروج انا حبسك هنا
تلا: تعالي نسافر والنبي تعالي نروح اي حته ان شالله حتي اسكندريه😂
بس نسافر بليييز
حمزه : طب اقنعيني
تلا قربت منه اكتر
تلا بدلع: وحياه تلا عندك يلا نسافر
حمزه : الحاجات دي قدمت
شوفي غيره
وقربت منه وباسته بوسه طويله
وبعد شويه بعدته عنها
تلا بهمس: يلا بقا هنسافر صح
حمزه : ٥٠ ٪
تلا : يا حمزه بقا يعني اعمل ايه تاني
عايز ايه وتخلينا نسافر
حمزة: افهميها وهي طايره بقي 😂😂
تلا اتكسفت
تلا: انت قليل الادب علي فكرره
حمزه : قديمه 😂
تلا: يا رخم طب نتفق اتفاق طيب اول ما نوصل الفندق لما نسافر هنعمل كل ال انت عايزه غير كده مفيش حاجه خالص😛😛
حمزه : بقي كده
تلا: اها
حمزه : امري لله
تلا بفرحه : هييه حبيبي يا زومه
هروح احضر الشنط بقااا
هنطلع علي الجونه صح
حمزه : ان شاء الله
السنه اللي جايه 😂
تلا: السنه الجايه ايه مش هنسافر؟
حمزه : السنه اللي جايه 😂
تلا: انت رخم علي فكره
وجريت تلا مسكت المخده وبدات تضربه بيها
تلا: انت اصلا رخم بعد كل ده وانا اقولك وحياتي وكل ده وف الاخر السنه الجايه رخم رخم
حمزه : اه يا مفتريه 😂
سيبيني يا مفتريه اه 😂😂😂
تلا: لااا مش هسيبك مش انت مش هتسفرني استحمل
حمزه فضل يجري في الاوضه لحد ما وقع علي السرير ووقعها عليه
حمزه : بس بس اهدي يا توتا 😂
تلا: ما انت بعد كل ده مش هتسفرني يا حمزه
وانا عايزه اسافر عايزه اروح مكان انا وانت لوحدنا محدش معانا
حمزه : يا سلام
عونيا من جوا 😂
تلا: يعني هنسافر
حمزه : عنيا
تلا : هيييه ربنا يخليك ليا وميحرمنيش منك
حمزه : ويخليكي ليا
انا هطلع ابلغ ماما لحد ما تخلصي تجهيز الشنط
تلا : ماشي يا حبيبي
يا خلاثي
جوزي عثل يا ناس
حمزه : يا بكاشه 😂
فجأه موبيل حمزه رن
حمزه : هطلع ارد علي الموبيل وبالمره ابلغ ماما وحنين
تلا: ماشي يا حبيبي
طلع حمزه
وقامت تلا حضرت لبسهم ف شنطه و لبست فستان طويل وبكم وشمرت الكم تلتين
وحطت ميك اب هادي وسيبت شعرها ولبست كوتشي
وفضلت قاعده مستنيه حمزه
دخل حمزه الاوضه
تلا : انا خلصت يا زومه
وكمان حضرتلك لبس اهو
خد شور وغير ويلا بينا
حمزه : توتا معلش
ممكن نأجل اسفر ده يومين بس
تلا بزعل: ليه بس
حمزه : علشان خطري
علي الاقل اكون رتبت الدنيا هنا في البيت وفي الشركه
تلا بزعل : خلاص اوك ال انت تشوفه
حمزه باسها : من غير زعل
تلا ب ابتسامه : مقدرش ازعل منك اصلا
حمزه : ربنا يخليكي ليا يا حبيبتي
تلا: ويخليك ليا يا حبيبي
وعدي اليوم
وتلا كانت مدايقه لكن ماكنتش بتحب تبين ده لحمزه
وتاني يوم صحيوا من النوم ولبس
تلا: انا خلصت ولسه بدري علي الشركه تعالي نفطر برا ممكن
حمزه : ما بلاش بره يا تلا
ما انتي عارفه يا حبيبتي
تلا: عارفه ايه
حمزه : اني بقرف
تلا: طيب يا حمزه خلاص
حمزه : تلا
بجد مش بعرف اكل بره
ارجوكي متضيقيش
تلا: خلاص يا حبيبي والله مش زعلانه نفطر هنا
حمزه : ماشي يا حبيبتي يلا
تلا: يلا
وخدت شنطتها وطلعوا فطروا وطبعا لا يخلوا الفطار من رخامة ريهام وكلام العمه
وخلصوا فطار وراحوا الشركه مع بعض وكانوا قاعدين في المكتب بيتكلموا في الصفقه الجديده
تلا كانت سرحانه
حمزه : توتا
سرحانه في ايه يا حبيبتي
تلا: عارف ايه احسن حاجه هتحصل يا حمزه
حمزه : ايه يا حبي
تلا: بص هي مش حاجه واحده هي حاجات😂
اولا انا مش هاجي الشركه الا قليل ف هرتاح بقا
ثانيا الشركه ف ايدك ف واثقه انها هتكسب مش هتخسر ثالثا هنسافر ونبقي بعيد عن عمتك حبه
حمزه : 😂😂
تصدقي فعلا ليكي حق تنبسطي
بقي بتتجوزيني علشان تضحكي عليا
في الاول تسرقي قلبي وبعد كده تسرقي عقلي
وانا اللي كنت فكرك طيبه
تلا قامت وراحت قعدت علي المكتب جمب الكرسي بتاعه
وقربت منه شويه
تلا: عندك مانع يا قلبي
حمزه : اقدر انطق 😂
تلا: ايوا ش......
والباب خبط
تلا قامت قعدت مكانها
تلا: ادخل
دخلت سهام
سهام: الاستاذ علي اسعد بيه وعم حضرتك برا
اقولهم ايه
حمزه : قوليلهم يتفضلوا
تلا: اوف ناقصاهم هي
دخل عمها ومعاه علي
عمها ب استغراب: سلام عليكم
ايه ده حمزه بيه
مش قولتي يا تلا انه بيشتغل برا
تلا: لا ما هو حمزه مش هيسافر وهيقعد معايا هنا علي طول
حمزه : اهلا وسهلا يا أسعد بيه
اتفضل
عمها قعد هو وعلي
حمزه : خير يا اسعد بيه
اسعد : احنا كنا عايزين نتكلم مع تلا في شغل يخص الشركه كده
تلا : اي حاجه تخص الشركه ممكن حضرتك تكلم فيها حمزه
اصله بقي شريكي في الشركه وانا سيباله كل حاجه
اسعد بغيظ : بجد
مبروك عليكم الشراكه الجديده
حمزه : الله يبارك فيك يا أسعد بيه
علي: بس غريبه يا تلا تثقي ف حد غريب مع ان انا ابن عمك وموثقتيش فيا
تلا ببرود: اولا حمزه مش غريب ده جوزي
ثانيا بقا انا وانت عارفين كويس انكم عايزين فلوس بابا من زمان ف بلاش جو الحب ده
حمزه ادايق بسبب مكلمة الحب اللي قالتها تلا
حمزه : خير ايه الشغل الجديد بتاع حضرتك يا أسعد بيه
أسعد: لا بقي نبقي نخليها وقت تاني
بعد اذنكم
تلا : اتفضل
ومشي عمها وعلي وكانوا متغاظين
وحمزه كان قالب وشه
تلا: مالك يا حبيبي
حمزه : هو احنا مش اتفقنا ان تصرفتنا تتعدل يا تلا
تلا: اة هو انا عملت ايه بس
حمزه : طريقة كلامك مع عمك وابنه
تلا: مالها بس المفروض اتعامل معاهم ازاي
ما انت عارف ال فيها
المفروض اطبطب عليهم يعني
حمزه : ومن الزوق ان طول ما انا موجود وطول ما هما متطولوش متتعمليش معاهم الا بكل زوق
تلا: اسفه
حمزه : ارجوكي يا تلا يا حبيبتي
تاخدي بالك من التصرفات لاني بجد بدايق وبغير
تلا: حاضر طب بتدايق وفهمناها بتغير من ايه بقا
حمزه : ايه بلاش جو الحب ده
ده انا كنت هقوم اديه بوكس في وشه والطشك قلم لولا اني مسكت اعصابي
تلا قربت منه اوي
تلا بهمس جمب ودنه: بتغير عليا
حمزه بغيظ: لا خالص
انا كنت المفروض اجبلكوا شجره واتنين ليمون
تلا ضحكت جامد
تلا بدلع: طب متزعلش والله مش هتتكرر تاني
وباسته وبعدين بعدت عنه
حمزه : سماح المره ديه
تلا: يا سلام طيب ماشي يا سيدي
ما تيجي طيب نروح اي حته انا زهقت من الشركه
حمزه : تحبي نروح فين
تلا: تعالي نروح النادي او تعالي يا سيدي نروح الفيلا نقضي بقيت اليوم هناك وانا ال هطبخلك مش هخلي الشغاله تطبخلك
حمزه : اذا كان كده
موافق طبعا
تلا: بجد طيب يلاااا نمشي
حمزه : يلا
__________________
ونكمل الحلقه اللي جايه
مستنية ارئكم
