الحلقه التاسعه
من رواية " المتعجرفه وانا "
تاني يوم
صحيوا الصبح لبسوا وفطروا وراحوا الشغل وكان يوم مرهق جدا ف الشغل بس حتي الموظفين ملاحظين ان طريقه تلا بدات تتغير للاحسن
خلصوا شغل وكل واحد رجع بعربيته البيت لان مينفعش يركبوا مع بعض قدام الموظفين ووصلوا قدام البيت وكل واحد ركن عربيته
وطلعوا مع بعض فوق واول ما دخلوا
ريهام : زووووومه
حمزه 😨: ريهاااام
تلا 🤨: ريهام مين
ريهام : انا يا حبيبتي
مين السنيوره يا زومه
حمزه : اولا اسمي حمزه
ثانيا مسمهاش سنيوره
ثالثا ديه تلا مراتي
ريهام: ايييييه مراتك
مراتك ازاي يعني
تلا مسكت ف دراع حمزه جامد
تلا😏: ايه مراته ازاي زي الناس
ريهام بعصبيه: يعني ايه مراته مش فاهمه
بقيتي مراته كده سكيتي
يا مامي قولي حااااجه
العمه : اقول ايه يا ريمو
طبعا الف مبروك يا ابن اخويا
الف مبروك يا .....يا ايه ياابن خويا
تلا: تلا يا طنط تلا
الله يبارك فيكي ميرسي
العمه : العفو يا حبيبتي
حمزه : اومال ماما فين يا حنين
حنين: ماما ف المطبخ يا حمزه
حمزه : طب بعد اذنكم
تعالي يا تلا ورايا
تلا: حاضر
دخل حمزه وتلا المطبخ
حمزه : ماما
الام: نعم يا حبيبي
حمزه : مين اللي جاب عمتي هنا يا ماما يا حبيبتي
الام: هي جت تزورنا يا حبيبي هقولها امشي يعني
حمزه بعصبيه : فجأه كده
ماهي من يوم ما بابا الله يرحمه مات ومورتناش وشها
الام: هنعمل ايه يا حبيبي بس معلش هدي نفسك هي هتبات ليله ولا ليلتين وهتسافر
حمزه بغضب: اللهم ما طولك يا روح
تلا شاورت لمامته بمعني انها هتهديه
تلا: طب يا حمزه تعالي بس ندخل نرتاح ونتكلم
حمزه : اتفضلي
ودخلوا الاوضه
تلا قعدت علي السرير
تلا: تعالي اقعد
حمزه قعد علي السرير وغيظ الدنيا كلها في وشه
تلا بهدوء: ممكن افهم انت متعصب ليه
حمزه : موضوع طويل متشغليش بالك بيه
تلا: لا اشغل بالي المفروض انك جوزي وحتي لو هنطلق ف يوم بس انا دلوقتي مراتك وعايزه اعرف
حمزه : مش واقته
الحق انام ساعتين علشان افوق للبلوتين اللي بره دول
ودول بقي يعني عجرفة الدنيا كلها طلعيها عليهم والله ما هقولك بتعملي ايه
تلا: لا فك الاول وبعدين نام براحتك وان كان عليهم يا سيدي انا هوريك تلا الهلالي هتعمل فيهم ايه بس متنامش متدايق كده ومكشر
حمزه : حلوتك يا تلا الهلالي
طلع ليكي فايده
تلا : علي اساس اني مليش فايده خالص كده ماشي مقبوله منك علشان انت بس متدايق دلوقتي
حمزه : يا ستي مقصدش
يلا انا هنام عايز اصحي القيهم مشيوا بسببك
تلا: طيب تصبح علي خير
هصحيك ساعه الغدا متقلقش هطفشهملك وطبعت بوسه علي خده وجريت دخلت الحمام تغير تاخد شور وتغير هدومها
حمزه كان قاعد مزبهل
لكن طنش وغير هدومه ودخل في نوم عميق
دخلت تلا الحمام ووقفت قدام المرايه
تلا: انا ايه ال انا عملته ده ابص ف وشه بعد كده ازاي يا نهاري
وبعدين انا قلبي بيدق كده ليه لا لا مينفعش
وحاولت تطرد كل الافكار من دماغها
وخدت شاور ولبست فستان بيتي قصير وطلعت
تلا نشفت شعرها وفردته وطلعت
تلا: والله منورين يا جماعه
العمه : منوره بيكي يا حبيبتي
تلا: الا قوليلي يا ريهام انتي دارسه ايه
ريهام : انا بدرس تجاره
وانتي ؟
تلا: انا خريجه صيدله AUC
ريهام : هاا
اه اه
وبتشتغلي يعني ؟
تلا: طبعا بشتغل
ريهام : وبتشتغلي ايه بقي ؟
تلا اتلجلجت بس حاولت تبان طبيعيه
تلا: بشتغل مع حمزه ف الشركه
العمه : يا خبر
وهو حمزه موافق علي كده
تلا: طبعا يا طنط حمزه مش من الرجاله ال بيخلوا مراتتهم زي العبيد عندهم هو اتجوزني وانا بشتغل ومكمله شغل حتي بعد الجواز انا من نفسي لو ف يوم شغلي اثر علي حياتنا انا هسيبه
العمه : هاااام اصل غريبه يعني
حمزه رفض بنات كتييييير بسبب الشغل ده
حنين : ديه حجه يا عمتي علشان يخلع
تلا: والله يا طنط تقدري تقولي ان لما بيبقي فيه حب بيحصل معجزات
وبعدين يا طنط زي ما حضرتك شايفه هل انا مثلا مقصره ف حاجه لبسي كويس شكلي حلو مش بعد يوم مرهق قعادله ريحتي كلها بصل مثلا ولا توم
العمه : اه يا يعيني ماهي كريمه هي اللي بتطبخ
تلا: والله يا طنط انا جيت اقعد مع حضرتك شويه علشان عيب اسيب حضرتك تقعدي لوحدك
لكن غير كده كنت هقوم اساعد طنط
وبعدين يا طنط يعني دي حاجه بيني وبين حماتي اظن مش من حق حد يتدخل ف حاجه زي دي
تعاملنا حاجه تخصنا احنا وبس
حنين كانت قاعده مسكه نفسها من الضحك علي منظر عميتها
حنين : تلا
يلا صحي حمزه علي ما احط الاكل
تلا: حاضر عنيا يا حنين
ودخلت تلا وكانت متوتوره هتبص ف وشه ازاي بعد ال هي عملته ده
وراحت ناحيته
تلا: حمزه
حمزه : اممممم
تلا: اصحي يلا
الغدا جاهز
حمزه : طيب حاضر
تلا بضحك: عمتك غالبا حبه وهتقوم تقتلني
حمزه : يا ريت ويبقي عصفورين بحجر واحد
انتي تموتي وعمتي تتحبس يا سلام 😂😂
تلا : للدرجادي انا خانقاك
حمزه : لا لا بلاش البوظ ده
ده انتي عسل ياختي
تلا: طيب يا رخم قوم يلا علشان تتغدي
حمزه : حاضر
وقام حمزه خد شور وطلعوا مع بعض
حمزه : سلام عليكم
الكل :وعليكم السلام
ريهام: نوم الهنا يا روحي ايه ده جاي من ساعه ما احنا موجودين وتنام
حمزه : كنت جي من الشغل تعبان
تلا بغضب مكتوم :تعالي يا حبيبي علشان تحضر معانا حاجات ف المطبخ يلا
ريهام : خليك يا زومه انا هقوم
حمزه : لا خليكي يا ريهام
انا كنت عايزه اقول لماما حاجه
بعد اذنكم
ودخل هو وتلا المطبخ
تلا: انتي يا طنط كنتي متعايشه مع الكائنات دي ازاي
حمزه بمزاح : عيب ابنت
تلا: بس انت كمان
واكملت بتريقه وسهوكه لا خليك انت يا زومه انا هقوم
نوم الهنا يا روحي انت جاي من ساعه ما احنا موجودين وتنام
يا حرام كده تسيبهم وتنام يا حمزه 😠
حمزه : ههههههههههه
معلش اصلي وحش ومعفن 😂
تلا: اطلع برا يا حمززززه😑
لا لا تطلع برا ايه اقعد هناااهاتي يا طنط الاطباق ارصهم وعلي الله تطلع بره يا حمزه لحد ما نخلص الاكل
حمزه : ههههههههه حاضر
طلعت تلا
الام : بس يا حمزه ديه مراتك بتغير
حمزه : ما هي ديه المصيبه
الام: ومصيبه ليه يا ابني بس
حمزه : ما انتي عارفه اللي فيها يا ماما
الام: بص يا حبيبي انا عارفه ان جوازكم علشان حاجه معينه وانت شايف ان شكلها بدات هي تحبك ومن كلامك قبل ما تيجي انها متعجرفه
بس هي لو كانت فعلا متعجرفة واتغيرت هتبقي اتغيرت علشانك انت وبس مش علشان حد بس قبل اي حاجه انت حاسس ب ايه هو ده ال هتحدد عليه بقيت علاقتك بيها
حمزه : اممممم
ماشي يا ماما
الام:ربنا يهدي سرك يا ابني
