الحلقه الثامنه
من رواية " المتعجرفه وأنا "
قعد حمزه علي السرير يهدي
حمزه: ايه اللي انا هببته ده
مكنش يصح اضربها
انا لازم اقوم اعتذرلها
قام حمزه وخبط علي الباب
حمزه : تلا
تلا مش بترد
حمزه : تلا انتي سمعاني
خبط حمزه جامد
لا حياه لمن تنادي
كأنه بيكلم نفسه
كسر حمزه باب الحمام ودخل لقاها مغمي عليها علي الارض
حمزه جري عليها
حمزه بخضه : تلا تلا
ردي عليا يا تلا
شالها حمزه وحطها علي السرير وبدأ يفوق فيها
بدات تلا تفوق ومسكت راسها بوجع
تلا : اااااه
حمزه : انتي كويسه
تلا اتعدلت بسرعه وبصتله بلوم وحزن
تلا: انا عايزه ارجع الفيلا
حمزه : لا مفيش رجوع
تلا:انا مش قادره اتخانق هرجع الفيلا وهتطلقني يا حمزه
حمزه : وهترجعي لابن عمك وعمك تاني
وهترجع المشاكل تاني ويمكن اكتر
لانك هتبقي في نظرهم غير مسئوله عن تصرفاتك
تلا بتريقه: مظنش يفرق معاك ف حاجه ده
حمزه : اللي يريحك يا تلا
نامي دلوقتي ونبقي نتكلم الصبح
تصبحي علي خير
تلا دموعها نزلت
تلا بإنهيار :لا انا مش هناااام مش هنام انا عايزه اروح مش عايزه اقعد هنا
وفجأه شدها حمزه لحضنه وهي فضلت تعيط جامد اوي
حمزه : شششششش
تلا بعياط: علي فكره انا مبقيتش كده بمزاجي
انت مش المفروض تحاسبني انا حاسبهم هما
حمزه : طيب اهدي
تلا بعصبيه وعياط : لا مش هاهدي
انا حره
اعمل اللي انا عايزاه
وانت هتسمعني
حمزه : حاضر
بس ارجوكي اهدي شويه
تلا بعياط : لما بابي اتوفي كنت انا صغيره ف مامي كانت هي الوصيه عليا كانت كل همها تصرف فلوس كتير وبس
لما انا كبرت واستلمت ثروتي الشركه كانت تحت الصفر وانا ال رجعتها زي الاول اتعاملت مع ناس كتير اوي واتقدملي اكتر من ما حد يتخيل بس كلل ليه علشان فلوسي
عمرك ما هتحس ال انا حسيته علشان انت عندك اهلك ال بيحبوك وبتحبهم
انا كنت اتمني ابيع ثروتي كلها مقابل لحظه واحده احس فيها ان فيه ناس بتحبني علشان انا تلا بغض النظر بنت مين ولا معايا فلوس قد ايه
مش ناس بتستغلني وبس
حمزه : انا اسف
لكن يا تلا انتي صعبه جدا
وبجد نرفزتيني
انا عارف اني غلطت مهما كان السبب مينفعش امد ايدي عليكي لكن صدقيني كان غصب عني
انا اسف
تلا بعياط : حمزه انا مش عايزه ابقي كده انا ف الاصل مكنتش كده مش حابه شخصيتي كده حاسه اني مش انا وف نفس الوقت مش قادره ارجع زي زمان
حمزه : ليه؟
حد عملك عمل
اناديلك حنين ايه رهيبه في المواضيع التافهه ديه😂😂
ضحكت تلا وسط دموعها وبعدت عن حضنه
تلا: بتهزر هاا
يعني انا بتكلم جد وانت بتهزر
حمزه : يا ستي
هما اللي بيتكلموا جد خدوا ايه من الدنيا غير الضغط والسكر
عيشي كده فرفوشه وبلاش نكد
تلا: انت غريب علي فكره انت المفروض دلوقتي تكون بتكرهني مش قاعد تهزر معايا
حمزه : ليه هو انتي اللي ضربتيني ولا انا اللي ضربتك
تلا: لا علشان استغليت احتياجك للفلوس وخليتك تتجوزني
مع ان انت كان ممكن تكون بتحب حد تاني وناوي تتجوز
حمزه : مكنتش بحب ولا ناوي اتجوز
وده كان هيجنن الست الوالده مني لكن عدت علي خير الحمدلله
تلا: بس علي فكره القلم ال اديتهولي بيوجع اوي واضح انك كنت متغاظ مني جدا
وحطت ايدها علي خدها
حمزه طبط علي خدها
حمزه : اسف والله
بس الصراحه انا مكنتش متغاظ ده انا كنت مفروس من عمايلك
تلا : وانا قابله اسفك بس بشرط
حمزه : انتي كمان هتتشرطي
ارغي
تلا: ارغي؟ ماشي
تساعدني اني احاول ارجع زي الاول حاسه انك انت الوحيد ال تقدر تساعدني انا كرهت الشخصيه ال انا بقيت فيها دي
حمزه : هو وجعك للدرجادي
تلا: يعني اة شويه ليه
حمزه : انتي مش سامعه انتي بتقولي ايه
تلا: لا سامعه
بس هو فيه غلط ولا حاجه
حمزه : لا مفيش
المهم
غيري الهلاهيل ديه وتعالي نتعشي بره
تلا: بجد ولا بتهزر
حمزه : بهزر
قومي يا بت هعشيكي كشري مش امله يعني
اخلصي قبل ما رجع في كلامي
تلا ضحكت علي طريقته وقامت خدت لبسها ودخلت لبست
وكان لبسها عباره عن بنطلون ابيض وبلوزه كاشمير نص كم علي الكمر
وفضلت ان هي تسيب شعرها
وطلعت من الحمام
تلا: انا خلصت
اظن مفيش تعليق علي لبسي محترم اهو
حمزه : البلوزه لو تطول حبه والشعر ده يتلم
اكون شاكر افضالك يعني
تلا: انا معنديش اطول من كده
وشعري ماله شعري شكله حلو كده
حمزه : هروح اشوفلك حاجه عند حنين
وشعرك يتلم يا توته من غير زن الله يكرمك
تلا بحزن :توته !
حمزه : في ايه
بتكرهي اسم توته ولا ايه
تلا : بالعكس بحبه جدا
بابا الله يرحمه كان دايما يناديني بيه
حمزه : الله يرحمه
طب يلا غيري علشان نخرج
تلا : يا حمزه البلوزه حلوه متحبكهاش وبكره هاخد حنين وننزل نشتري لبس
حمزه : امري لله غوري قدامي
تلا: غوري !
ماشي يا حمزه
حمزه : بدوقك من نفس الكاس يا قطه هيهاهاهاهااااا
تلا: شرير انت كده
ما انا ممكن ارجع اتعامل زي ما كنت مش صعبه يعني😂😂😂
يلا يا حمزه ربنا يهديك😂
حمزه : ايه الرخامه ديه
طب جمليني طب
يلا يا ختي يلا
تلا : يلا
وطلعوا من الاوضه وبلغوهم انهم خرجين ونزلوا ركبوا العربيه
ووداها مطعم حلو اوي
حمزه : تحبي تاكلي ايه
تلا : مش عارفه
اختار انت لاول
حمزه : هاخد عصير
تلا : عصير ايه
انت مش هتتعشي
حمزه : لا ما بحبش اكل بره البيت
تلا : اه صح بتقرف
خلاص انا كمان هاخد عصير
حمزه طلب الاوردر
وقعدوا يتكلموا
وفجاه جه عليهم بنت وولد
تلا:ايه ده محمد ونوران ازيكم عاملين ايه
نوران : تلا عامله ايه
تلا : الحمد لله تمام
محمد : مش تعرفينا يا تلا
تلا: ااااا حمزه ده محمد ودي نوران صحابي
حمزه جوزي
حمزه : اهلا وسهلا تشرفنا
محمد : اهلا بيك
ووقفوا يتكلموا معاها شويه ويهزروا
محمد : نستأذن بقي
فرصه سعيده يا حمزه بيه
حمزه: انا اسعد
محمد ونوران مشيوا
تلا : لذاذ صح ؟
حمزه منطقش
تلا ب استغراب: مالك فيه إيه
حمزه : لما اتعصب مش هتكلم
علشان منوصلش للحاله المزريه اللي كنا عليها من شويه
تمام
تلا: احنا وصلنا لحاله زي دي علشان احنا الاتنين اتعصبنا انما انا هاديه اهو فيه ايه
ايه ال حصل دايقك
حمزه :طريقة كلامك مع محمد
مستفزه
تلا: مستفزه ف ايه بالظبط هو انا قلت ايه غلط
حمزه : الطريقه نفسها غلط
تلا: طيب افرد وشك كده متكشرش
ممكن علي فكره تعرفني الطريقه الصح من غير ما تقلب وشك كده مش قيلالك ف البيت ساعدني ارجع زي الاول او يمكن احسن ولو حاجه غلط عرفني واقنعني اقتنعت اوعدك اني هغيرها
بس الفكره كلها ف اني اقتنع
حمزه : يا صبر ايوب
حاضر
تلا: اعمل ايه يعني يا حمزه انا طول عمري بتعامل مع صحابي كده معرفش دا غلط ولا صح بس مامي دايما كانت بتشوفني بتعامل كده وكان بالنسبالها عادي
حمزه : مع احترامي لمامي
طريقة تعاملك معاهم تطمع اي حد فيكي
تلا: تطمعهم فيا ازاي يعني مش فاهمه
حمزه : مش لازم تفهمي
اهم حاجه تبطلي تعملي كده وخلاص
تلا: حاضر يا سيدي
افرد وشك بقي
المفروض ان انت ال بتصالحني ب الخروجه دي بعد القلم ال اديتهولي جاي انا ال بصالحك دلوقتي😂
حمزه : اذا كان عجبك بقي
تلا مصطنعه الزعل: بقا كده تمام ماشي
حمزه : مفقوسه😂
تلا: ايه ده بجد ممثله فاشله يعني😂😂
حمزه : مش اوي يعني😂
تلا: هتوديني فين دلوقتي
حمزه : مفاجأه
تلا: لا فضولي مش هقدر استني قولي هتوديني فييين
حمزه : البيت
😂😂😂😂😂
تلا: يعني لبسنا ونزلنا وف الاخر نقعد في مطعم وتروحني وضيعت علينا بارتي بيري وما ادراك بالبارتي بتاعت بيري بقي
حمزه : مش احلي من سهرت الخميس في البيت عندنا
تلا: اشمعني بقا
حمزه : تعالي وهتعرفي بنفسك
تلا: ماشي انا اصلا خلصت اكل خلاص
حمزه : طب يلا بينا
تلا: يلا
وخدها وروحوا البيت ودخلوا البيت
تلا: سهره ايه بقا يا عم ما محدش ف الصاله كل واحد ف اوضته😂😂😂
حمزه: اسمعي كلامي
تلا: امممم طيب هدخل اغير هدومي علي ما تشوفهم انت نايمين ولا صاحيين
حمزه : هتلقيهم في المطبخ
واراهن بمليون جنيه
تلا: بمليون جنيه اشمعني😂😂😂 متاكد للدرجادي
حمزه: جدا جدا
ده مازن يشلقلهم
تلا:😂😂 طيب تعالي نشوفهم
حمزه : قدامي
تلا: 😂😂😂😂 ماشي ماشي انا هسكت بمزاجي
وراحوا عند المطبخ لقوهم
تلا قعدت تضحك جاامد وحنين وامه استغربوا
حمزه : هاهاها
كسبت الرهان
تلا: ما لازم تكسب لان دول اهلك وانت عارفهم😂😂😂
وبصت لامه ولحنين
تلا: سمعت كده ان فيه سهره حلوه انهارده وفيلم وفشار وكده بصوا انا بصراحه فاشله ف اني اعمل حاجه بس ممكن يعني اعملكم فشار وسندويتشات انا المرادي
بس ياريت تطلبوا الاسعاف بعديها😂😂😂
الكل: 😂😂😂😂
تلا: هغير هدومي بس وهاجي اعمل الحاجه
ودخلت تلا الاوضه اخدت هدومها ولبست بيجامه برمودا وكت ورفعت شعرها ب بنسه ووقفت قدام المرايه
تلا: اة يا حمزه هتجنني انا مش عارفه انا بعمل كده ليه بس كل ال انا متاكده منه اني مبسوطه
وطلعت تلا وبدات تحضر الحاجه وبس كانت محتاسه شويه بس ظبطت الدنيا وخلصت وحمزه حول معاها الحاجه وطلعوا
ولقيتهم بيقلبوا علي mbc2
تلا: لا متقولوش فيلم رعب
حمزه وحنين بشر : yes
تلا: لا i'm out مش هينفع انا بخااااف جدااا
حمزه : انشفي كده امال
ده مازن هيقعد يتفرج معانا
تلا: يا حمزه انا بخاف مش هنام ومش هنيمك طول الليل
مازن : مش لوحدك
ماما عملالك فيها اسد وهتقلب قطه بعد شويه
تلا ضحكت جدا
تلا: منوره يا حنين😂
حنين : بنورك يا قلبي😂
وقعدوا يتفرجوا وتلا كانت مرعوبه بس بتحاول تفضل متماسكه ومتصوتش😂
وفاجاه
حنين : عااااااااااا اقفل يا حمزه اقفل
حمزه : اخرسي يا بت سرعتي امي
الام : اه والله يابني اتسرعت
الكل : ههههههههههه
الام : مالها مسرحية العيال كبرت ولا سك علي بناتك
مش احسن من القرف ده
تلا: والله يا طنط عندك حق 😂
حمزه : اسكتي يا بت انتي كمان خليني اعرف اركز
مازن : هو احنا كان ناقصنا فرفوره كمان
اووف
حمزه : عندك حق يا بني والله
نصيحه مني اوعي تفكر تتجوز
تلا وحنين في نفس واحد : ماله الجواز يا خويا
حمزه : اعوذ بالله من غضب الله
الكل : هههههههههه
تلا: انا خلاص مش قادره اقعد انا هدخل انام بقا
حمزه : طيب
تصبحي علي خير
تلا: وانت من اهله
ودخلت تلا علشان تنام
حنين: انت قاعد هنا ليه قوم ادخل لمراتك
حمزه : ليه ؟
حنين: انت اهبل يا ابني حد يسيب مراته عروسه ويقعد هنا افرض عايزين تتكلموا مع بعض قوم يلا يا حمزه قوم الله يهديك بدل ما احدفك ب الفاظه😂
حمزه : خلاص خلاص قايم اهو
ابو الجواز علي اللي بيتجوزوه
تصبحوا علي خير 😂
الكل: وانت من اهله
ودخل حمزه لقاها ماسكه موبايلها وقاعده
حمزه : بتعملي ايه
تلا: بخلص حبه حاجات كده عشان عايزه ارجع انزل الشغل بقى قعدتني مش مفيده خالص
حمزه : امممم
ناويه تنزلي امتي
تلا: بكره لو ينفع يعني
حمزه :هممم ماشي
اللي يريحك
تلا: تمام علي فكره ممكن متنامش علي الكنبه ونام علي السرير علي الجنب التاني عادي يعني
حمزه : اخيرا
ازغرط
وجعتي رقبتي يا شيخه
تلا:😂😂😂😂 عد الجمايل بس
حمزه : تشكر يا ذوووق
تلا: يلا بلاش رغي عندنا شغل
تصبح علي خير
حمزه : وانتي من اهله
تاني يوم
صحيوا الصبح لبسوا وفطروا وراحوا الشغل وكان يوم مرهق جدا ف الشغل بس حتي الموظفين ملاحظين ان طريقه تلا بدات تتغير للاحسن
خلصو شغل وكل واحد رجع بعربيته البيت لان مينفعش يركبوا مع بعض قدام الموظفين ووصلو قدام البيت وكل واحد ركن عربيته
وطلعوا مع بعض فوق واول ما دخلوا
ريهام : زووووومه
حمزه 😨: ريهاااام
_____________
يااتري مين ريهام دي؟
تقرب لحمزة ايه؟
نكمل الحلقه اللي جايه
مستنية ارائكم
