الحلقه العاشره
من رواية " المتعجرفه وانا "
ركبوا العربيه وروحوا وطول الطريق حمزه بيفكر ف غيرتها عليه وهي بتفكر ف كلمه حبيبتي ال قالها
وصلوا البيت ودخلوا و هي دخلت تاخد شور علشان تفوق ولبست الفستان الديق ال جابته وكان لونه كشمير فاتح ونشفت شعرها وسيبته وحطت روج هادي بس كده علشان تغيظ عمته وريهام
وبعد ما خلصت دخل حمزه الاوضه
تلا: حمزه الفستان حلو بجد ولا البس واحد تاني
تلا اتكسفت من نظرته ليها
تلا بتوتر: انا .... بقول يعني ده حلو ولا البس واحد تاني
حمزه انتبه : احم
اه حلو حلو
انا هنام
تصبحي علي خير
تلا: هتنام دلوقتي لسه بدري
حمزه : معلش تعبان من الشغل واللف وكده
تلا:طيب ماشي تصبح علي خير
حمزه : وانتي من اهله
وطلعت تلا وكان الكل قاعد برا
تلا: ايه رايك يا حنين ايه رايك يا طنط
لسه جايبين الفستان ده انهارده
حلو عليا ولا ايه
الام: ماشاء الله هياكل منك حته يا تلا
تلا : تسلمي يا طنط
وقعدت تلا تهزر مع مازن
عمته : صحيح يا تلا هما فين اهلك
تلا: والدي متوفي ووالدتي برا البلد
عمتها : يعني مقطوعه من شجره يا حبت عين امك
تلا: لا يا طنط والدتي موجوده واحنا علي اتصال ببعض الحمد لله
عمته : هو لو كان فيه اتصال كان زمانها وافقت انك تتجوزي سوكيتي كده
لا يمكن
تلا: والله يا طنط الظروف حكمت بكده وهي كانت علي علم اني هتجوز
عمته : يا حرام تلقيها زعلانه
يعني بنتها الوحيده ومتعملهاش فرح
بس نصحه يا تلا هما الرجاله كده مبيحبوش الافراح والهيصه حسبتيها صح
اه يا اروبه انتي هههههههههههة
تلا: الفرحه مش ب الفرح يا طنط الفرحه ب زوج بيحبني وبيقدرني
عمته : طبعا طبعا
تلا: عن اذنكوا انا تعبانه وهدخل انام
وقامت دخلت اوضتها
قعدت علي طرف السرير
وبدات تعيط
الكلام جرحها اوي فعلا مامتها ملهاش علاقه بيها من ساعة ما باباها الله يرحمه مات
واهلها مش بيحبوها ولا حد عايزها
كانت بتعيط جامد بس حاولت متطلعش صوت علشان حمزه ميصحاش لكن حمزه حس بيها
حمزه : تلا
انتي كويسه
تلا مسحت دموعها بسرعه
تلا: اة اة انا كويسه
حمزه : لا في حاجه
انطقي بلاش تقلقيني عليكي
تلا اترمت ف حضنه
ورجعت تعيط تاني جامد
حمزه : شششش اهدي يا حبيبتي
تلا بعياط: هو انا ليه محدش بيحبني يا حمزه
ليه مامي بعدت عني وسابتني وليه عمي كل همه الفلوس ليه مفيش حد عايزني ف حياته
حمزه : مين قال كده
تلا: عمتك كان كلامها بيدل علي كده عايزه توصلي ده بطريقه مش مباشره
حمزه : معقوله يا تلا انتي بتسمعي لكلام عمتي
تلا بعياط: بس هي دي حقيقه يا حمزه محدش بيحبني اذا كان انت طايقني بالعافيه بس علشان الاتفاق ال بينا
انما غير كده كان زمانك مش عايز تشوف وشي تاني
حمزه : في الاول كنت عايز ارميكي من البلكونه
لكن دلوقتي لا
تلا بصتله من وسط دموعها
تلا: اشمعني دلوقتي لا
حمزه : علشان عرفت تلا تانيه خالص عن تلا الاولنيه
تلا:بس تلا هي تلا مفيش اختلاف
