بداخل احد قاعات الافراح حيث يصدع صوت صرخات عالي
محمد و هو يبعد ناجي عن باسم :هو في ايه اتچننت يا ناچي ايه اللي بتعمله ده ؟!
ناجي بعد ان دفع باسم : جل ادبه علينا يابو عبدالله ، يبجي ياخد علي راسه
ابو باسم : م تلموا نفسكوا ، انتوا فاكرين نفسكم مين
فارس : احنا سيادكم و تاچ راسكم
محمد بغضب و صوت عالي : فارس اتحشم و انكتم خاالص ، حجك علينا يا استاذ شريف ، انا عارف انهم غلطانين
شريف : انت م شوفتش يا حاج محمد اللي عملوه ، يرضيك مدير القاعة ييجي يشكيلي و يقولي انهم بيشربوا حاجات ممنوعة و هنا التدخين ممنوع ، اجي اشوفهم الاقيهم كمان بيتكلموا عن بنتي كلام مش كويس
لتتحدث تلك المره العروس : يتكلموا عليا قالوا ايه ، قطع لسان اللي يقول عليا نص كلمة
محمد : خلاص يا انسه ، انتي ليكي اب ربنا يحفظهولك يچيبلك حجك ، حتي لو ابوكي م تكلمش احنا نچيبلك حجك ، و انا دلوجت اعتذرت لابوكي علي اللي صدر من عيالي
ليردف الحاج شعبان والد العريس : خلاص يا ابو باسم حوصل خير ، شباب اصغيرة و غلطت ، ليوجه كلامه الي ابن اخيه صبحي اعتذر من عمك شريف وولده
صبحي ب صدمة : و انا عِملت ايه يا عمي علشان اعتذر ؟!
شريف : حاج شعبان ، ابن اخوك فعلا مش هو اللي غلط فيا و لا اتهجم علي ابني و انا مش مستني منه اعتذار
محمد موجها كلامه لاخيه : فارس اعتذر
فارس : بتجول ايه انت ، انا م عتذرش واصل
لينظر محمد الي اخيه بغضب بالغ ل يحول نظره الي ناجي الذي ينظر اليه بشبح ابتسامه و نظرة تحدي
شعبان : معلش يا ابو باسم ، شباب اصغيره و غلطوا و عدي الليله ده شبكة بتك ياخي ، مش عايزين نجلبها غم ، و ادي راسك اهااا
ليقوم الحاج شعبان بتقبيل رأس شريف ابو باسم ووالد العروس
شريف : لا يا حاج شعبان مفيش بنا الكلام ده ، خلاص احنا بقينا اهل دلوقت ، لينظر شريف الي فارس و ناجي و يكمل بعد ذلك.... انا بس عشمي ان الاسلوب في الكلام بعد كدة يكون احسن من كدة
ليلوح ناجي بسلاحه و يدخله بداخل جيب جلبابه و يجلس علي كرسيه مخرجا ل علبه من السجائر ليبدأ في التدخين
لينظر شريف الي شعبان ك من يقول له ارايت
ل يغمز له شعبان ويضغط علي يده كمن يعتذر اليه
ل يعلو شعبان بصوته : خلاص شغلوا الاغاني تاني و خلونا نفرح
ل يعود محمد الي طاولته بعد ان رمق اخيه بنظره غضب