صباح يوم جديد علي قلوب متوترة و قلوب متحتمه و قلوب منتظرة و قلوب غير معنيه ب أي شيء
زينب : امي انا رايحة المركز
ام زينب بتساؤل : و رايحة المركز ليه ؟
زينب : عندي درس الساعة 2
ام ناصر : دروس ايه يا بت, انتي مش خطوبتك بكرة اقعدي و ساعدي امك في ترتيب البيت
زينب : يا ستي ده درس مهم و انا لازم احضره علشان لو غبت مش هفهم حاجة و كمان المدرسة يوم الاحد و لازم اكون عارفة الدروس اللي عليا
ام زينب : و الدرس ده هيخلص امتي ؟
زينب : الساعة 4 هخلص و أجي علي طول
ام زينب : طب روحي و متتاخريش
زينب : طب انا عايزه فلوس
ام ناصر : انا مش عارفة لازمتها ايه المصاريف الفاضيه دي , م انتي خلاص اتخطبتي و شويه و هتتجوزي
زينب : علي فكرة بقي انا هكمل تعليمي و هدخل الجامعة حتي لو اتجوزت
ام ناصر : ياختي اتجوزي و ابقي علي ذمه راجل و اعملي اللي عايزاه
ام زينب بتعب : خلاص يا زينب خدي فلوس من البوك و امشي و اوعي تتاخري
لتسرع زينب بارتداء ملابسها و تحمل حقيبتها و تخرج قبل ان يراها اباها و لا تستطيع الخروج بعدها
...................................................................................................................................
معلم محمد الرچالة حملوا العربيتين خشب ، و العربية التالته لسه مچاتش لحد دلوجت
محمد : خلاص يا فرچ خلي العربيتين دول يطلعوا علي مخزن الحاچ نعمان و فارس اخووي اتصرف في العربية تالته و چاي دلوجت
السلام عليكم -
محمد : اهلا اهلا ، يا حاچ ابراهيم ، كيفك
ابراهيم : انا الحمد لله بخير ، انت اخبارك ايه
محمد : الحمد لله ، نشكر ربنا
- كيفك يا معلم محمد
محمد : الحمد لله يا اخوي انت عامل ايه
ابراهيم : يا معلم محمد ده ولدي ممدوح
محمد : ربنا يحفظهولك يا حاج ابراهيم اتفضل اجعد ، فرج ابعت
ابسرعة 2 شاي
ابراهيم : الله يحفظك يا معلم محمد ، انا بصراحة اول لما حبيت اچيب خشب للعمارة بتاعتي ، الحاچ راضي جالي عليك و علي الحاچ عبد الرحيم احسن واحد يبيعلك خشب ، ف اخدت منه رقم ابوك ، و ابوك عطاني رقمك و جالي اكلمك
محمد بابتسامه : انت تؤمر يا حاچ ابراهيم و ليك علينا نوصلك الخشب اللي انت رايده ل حد المكان اللي انت رايده