مرحبا متابعيني شلونكم شخباركم رجعتلكم بارت جديد وان شاء الله يعجبكم لاتنسون تشاركون القصة وي اصدقائكم
ملاك : رحنة البيت عمتي وصلنة حيدر لكينة البيت مزدحم أمة محمد كلهه بي دخلت الوحدة من الغرف نزعت العباية والشال وطلعت واشوف النسوان كولهن عينهن علية جا غير طالعة وصاكة اجنن وماما ركضتلي لبستي كلادة بيهه سبع عيون وقرتلي المعوذات خاف أنصاب بالعين
شفت البنات وتونسنه وكصو الكيكة
بس خطيبته محلوة وجكمة عود اخذهه عن حب كالو الحب أعمى بس مو اثول 😂
يلا الله يوفقهم مع بعض ع أساس هوه احمد حلو اشو هوه هم قرد 😂
رجعنة بسيارة جعفر للبيت تعبانة خليت راسي ع المخدة تخيلت فارس احلامي فديتة ونمت
......................... ................ . ......
قبل 20 سنة
مروة : جنت امشي وية صديقتي يمامة بالجامعة متوجهين للمكتبة مال الجامعة اشتريت أقلام وسجلات بس جان اكو ولد من دخلت خال عينة علينة ومبتسم شكلة كولش وسيم ومرتب واكف هوه وصديقة هم جايين يشترون من المكتبة
يمامة : ولج مروة شوفي الولد يباوعلج
مروة : لا يباوع عليج ما جاي تشوفي
يمامة : والله يباوع عليج
مروة : خلي نسوي اختبار بسيط ونعرف عليمن يباوع
سوينة اختبار وعرفنا يباوع علية
مرت فترة وكل يوم اشوفة ومن يشوفي يبتسم من غير ما يجي ويحجي وياية ابد
بيوم من الايام الدنيا مطر واني بوقتهه مخالفة بالزي مال الجامعة والاستعلامات ما خلوني ادخل حرت ياربي شاسوي وفجأة يدخل هذة الولد ويحاجي الاستعلامات وخلاني ادخل
مروة : اني اشكرك
خالد : ولو تدللين
اني خالد مديت ايدي بالمصافحة واني مروة
خالد : تشرفنة
انتي باي مرحلة
مروة : اني أولى وانتة
خالد : واني رابعة
مروة : يلا اترخص عندي محاضرة وتشرفت بمعرفتك
خالد : واني الأكثر
جنت دائما بالجامعة اشوف نضرات خالد يلي كلهه شوق وحب بنفس الوقت بس ما جنت اختلط بي وامشي ويا
إلى أن مرة صديقتي يمامة مريضة وماخذة اجازة من الدوام اني امشي بحدي بالجامعة كعدت بالكافتريا وهوه واجة وراي سحب كرسي وكعد
بالبداية عطت بي على تصرفك يكعد بدون استاذان وصدمني بسؤالة
مروة اريد عنوان بيتكم حتى ادز امي خطابة؟
وكفت متصفصفة ما اعرف احجي اخدت الكتب ورجعت للقسم ظليت افكر بطلبة
مر يومين واني ما اعرف شنو اسوي
من بعدهه خالد كام يتقرب مني بالزايد واني حاولت انطي فرصة حتى اتعرف علي
مرت الايام واحنة مع بعض وحبيتك من كل كلبي وحبيت شخصيتة وتصرفاتة
مرة من المرات اني واكفة بالمكتبة محتاجة ملزمة وهوه اجة وياي
اشتريناها وكملنة طلعنة من باب المكتبة اني فتحت الملزمة شفت الخط يلي مكتوب بالملزمة كولش حلو
مدري منو كاتبة
ما اشوف الا خالد ماخد الملزمة من ايدي ومسويهه اربع وصل لان كلت الخاطهه حلو خطة هههههه بيومهه تزاعلنة
