هلاو حبايب كلبي شلونكم شخباركم رجعتلكم بارت جديد وان شاء الله يعجبكم لاتنسون تشاركون القصة وي اصدقائكم
بنت الشيخ
الكاتبة إسراء السلطان
............................................
ملاك : الحمد لله ماما طلعت من المستشفى بخير وسلامة ومر شهر على ولادتهه طبعا ماتلحك على اخواني ثنينهم أني وبيبي وياها ونساعدهه حتى مرات ناخذهم ونخليهه تنام براحتهه
اجوي ناس يتباركون وبابا خطية مامقصر بشي وهوه هم ضغط الشغل ديزيد علي
طبعا ما حجيتلكم عن الجامعة هسة إني خلصت مرحلة ثانية وراح ادخل مرحلة ثالثة التهيت بالأحداث ونسيت اكلكم ههه
مازن : شلونك بابا
احمد : هلا بيك يأبة
مازن : عندي موضوع وياك
احمد : تفضل وليدي
مازن : أريد أتزوج
احمد : صدوك ولك وليدي يوم عيد واشوف عرسك من باجر امك تطلع تخطب
مازن : ماكو داعي العروس موجودة
احمد : هههه طلعت منيشنلك على وحدة
مازن : ملاك بنت عمو خالد احبهه واريدهه
احمد : عفية بوية عرفت تختار ملوكة خوش بنية وتربات شيوخ امشي نخطبهه هسة
ميساء: اسمع مواضيع مفتوحة شصاير😉
احمد: لبسي حجابج وتعالي نخطب
ميساء : شنو
احمد : ابنج مازن يحب ملاك ويريد نخطبهه
ميساء : صدوك يمة مازن ولك والله عرفت تختار ملوكة تنحط على الجرح يبرأ يلا خلي نروح
مازن صعدت الغرفتي ابدل خابرت الملوكة
مازن : الوو
ملاك : هلا حياتي
مازن : حضري نفسج جايلج أني وأهلي خطابة
ملاك : شنو مااازن تحجي صدوك
مازن : اي والله بسرعة حضري نفسج
- سأحبك في كُل يومَ ، كأول مَره احببتك فيها حتى يتوقف قلبي
ملاك : ضليت أكمز فرحانة بس لازم انطي ماما خبرة عن حبي المازن أخاف بسرعة ترفض على الأقل يصير عدهه علم بالموضوع
ملاك : ماما
مروة : ها
ملاك : ماما أريد اعترفلج بشي
مروة : احجي من الأخير شنو مسوية
ملاك : والله ممسوية شي بس اريد اكلج انو أني أحب مازن
مروة : شنوووو
ملاك : أني احب مازن
مروة : تحبون بعض من صدوك لو لعب جهال
ملاك : لا ماما والله حبنة من صدوك وهوه هسة خابرني وكال راح يجي هوه واهلهه يخطبون
مروة : يصير خير
ملاك : ماما شبيج ساكتة ماما الله عليج وافقو
مروة : شبيج خايفة ابوج ماراح يرفض مازن لأن يحبة وإني هم ارتاح المازن خوش ولد
ملاك : صدوك
مروة : اي والله صدوك يلا روحي حضري نفسج
(بيني وبين نفسي ما اريدهه تزوج ما شبعت منهه ماشفتهه تكبر كدام عيني هسة راح تزوج اخخخخ والله لو بيدي ما أقبل بس شاسوي هم اريد اشوفهه فرحانة )
ملاك : رحت حضرت نفسي والبست بدلة طويلة وشال مكياج خفيف
احمد وميساء: السلام عليكم
الكل : وعليكم السلام
ميساء : شلونكم شلونج عمة
حجية دلال : هلا بيج يمة الحمد لله
حجي وليد : هلا بيكم شلونكم شخباركم
أحمد : الحمد لله ماشية
حجية دلال : هلا بيكم يمةة شلونك وليدي مازن
مازن : الحمد لله بيبي
خالد : والله البيت بيتكم مايحتاج أرحب بيكم
احمد : تسلم خوية
ميساء : اشو لا ملوكة ولا مروة
حجية دلال : هسة يجن
مروة : السلام عليكم
الكل : وعليكم السلام
احمد: شلونج أم منتظر
مروة : الحمد لله خوية انتو شلونكم زهورة وحوراء شو ماكو
مسياء : بقن على المسلسل
ملاك : مساء الخير
الكل : مساء النور (مازن غمزلي وابتسم)
ملاك : شلونك عمو
احمد : هلا بيج بنيتي شخبارج
ملاك : الحمد لله عمة شلونج شلون زهراء وحوراء
ميساء : هلا بيج عمة الحمد لله بخير دامج بخير
