هلاو حبايب كلبي شلونكم شخباركم رجعتلكم بمشهد وهذا هدية الكم
ملاك : بيتنا يم بيت اهلي من اروح للدوام اخلي ابني عد ماما ومن ارجع اخذة حسين همين يداوم ويرجع من الدوام الساعة ب2
خلصت الأوراق يلي بأيدي وأخذت الجنطة وراح ارجع للبيت
حسين مامقصر وياية أبد ومعيشني بحب وحنان أني وابنة امير
شهد : محمد محمد
محمد :ها
شهد : كوم يلا اتاخرت على الشغل
محمد : ما تكوليلي يا شغل هذا
شهد : شلون بالله اضل اصرف عليك وعلى بنتك ادري أني الرجال لو انتة
محمد : اي شكو بيهه اشتغلي
شهد : من عابت على هيجي زلم
كام على حيلة وضربني راجدي على خدي
محمد : احترامي نفسج
شهد : محترمة نفسي هواية بس انتة يلي ما محترم نفسك ولا محترم زوجتك على الأقل حس بالمسؤولية شوية وصير رجال ويتحمل كولشي أني يالي اصرف عليك واذا تمرضت بنتي أني يلي اخذهه للدكتور وإني يلي أجيب غراض للبيت واثثتة وانتة شنو موقعك من الإعراب أني رايحة الأهلي وأريد ورقة الطلاق تجيني وأي حجي ثاني وياك ما عندي
محمد : اي روحي درب الصد ما رد وورقة الطلاق باجر تكون يمج
أخذت بنتي ورحت الأهلي بعد ما ارجع عندة من يوم يلي تزوجتة وصار سنتين وإني عايشة ويا بذل وما مهتم بية ولا مهتم البنتة والمسؤولية كلهه علية الأفضل اطلك من عندة واشوف حياتي
.......
جعفر : اصباح الخير يمة
مريم : اصباح النور
جعفر : شلونج يالغالية
مريم : والله يمة مفاصلي يأذني
جعفر : چا هاي سهلة خلي اتريك واخذج للطبيب
مريم : الله يخليك ذخر الي يمة انتة واخوك
جعفر : اي البارحة خابرني وراح يجي هنا أسبوع
مريم : يااا صدك الله يبشرك بالخير وليدي
جعفر : يلا أتريكي حتى نروح
نبا : صباح الخير عمة
مريم : صباح النور يمة تعاي تريكي
نبأ : لا عمة راح اسوي الملوكة بيضة نوب اجي اتريك
مريم : احنة راح نروح للدكتور سوي الغدة
نبأ :من عيوني عمة
جعفر : الوووو
المتصل : شيخ هذول بيت. .... مگاومينة
جعفر : ليشش
المتصل : ابن زكي مسوي حادث ومدعوم واحد من عدهم
جعفر : اليوم العصر مرو يمي بالمضيف
المتصل ؛ تأمر شيخ
مريم : الله ينطيك الصبر كلبك مدولب منا مشاكل العشيرة ومنا احنة
جعفر : الله هيج كاتب يمة
......
ودق : الله يساعدك حبيبي
مازن : هلا بيج
ودق : الغدة جاهز والحمام اذا تريد تسبح هم جاهز
مازن : راح اسبح وصبي الغدة
ودق : من عيوني
مازن : اكلج
ودق : كول
مازن : اليوم مو عندج مراجعة للدكتورة
ودق : اي حبيبي اليوم
مازن : جهزي نفسج العصر نروح
مازن : ودق انسانة طيبة وحبابة وأحسن زوجة وإني احترمهه كولش بس ما كدرت احبهه كليبي متعلق بملاك هسة ودق حامل بالشهر الرابع وان شاء الله تكوم بالسلامة
اشتاقلهه دايما واحن الأيامنة قبل أني وملاك بس الله ما كاتب تكون زوجتي حلالي وأم بيتي
.....
ملاك : رجعت من الدوام غيرت ملابسي ورحت احضر الغدة حسين كاعد يم اموري كملنة وصبيتة
حسين : عاشت ايدج حبيبتي
ملاك : تسلملي
حسين : اليوم شنو سويتي بالشغل
ملاك : والله اليوم كولش تعبت وحتى اجتماعين بالموظفين اجتمعت لأن بابا مسافر الدبي
حسين : يلا حبيبتي تحملي الخاطر ابوج اوكفي وياة بالشغل
ملاك : اي والله اكلك
حسين : ها كولي
ملاك : مشتاقة الاهلك خلي نروح عليهم العصر
حسين : اي والله حتى ماما البارحة اتصلت بية وسألت عليج
ملاك : اي خلي نروح عليهم وهم مشتاقة الخواتك
حسين : ماشي تدللين كم ملوكة عندي
ملاك : بس وحدة واموتك اذا فكرت بثانية
حسين : كولي والله مرتين
ملاك : يلا كافي لا تصير خبل گدام ابنك
حسين : على أساس انتي صاحية مثلا
ملاك : هههههه يلا كمل غدة مالي غرض بالمواعين
حسين : أهاا تعودتي يومية اغسلهن
ملاك : شكو بيهه غير زوجتك وتساعدني
حسين : ماشي بس انتي هم تساعديني
ملاك : اي ادلل
اكلك
حسين : كولي
ملاك : شهد ما مرتاحة ابيت زوجهه البارحة خابروتني تبجي
حسين : والله ما تستاهل شهد زوجهه ما يستحي ولا يشتغل عايف كولشي عليهه لو تطلك من عندة واشوف حياتهه احسلهه
ملاك : وأي والله اني هم كتلهه هيجي بس تكول أني صابرة على مود بنتي
حسين : وفادية شنو أخبارها
ملاك : فادية انقطعت أخبارها آخر مرة حجيت وياها قبل شهرين
حسين : اي هية من بعد التخرج اتغيرت
ملاك : اي
..........
شهد : دخلت البيت اهلي ابجي ومكسورة واخواني رادو يرحون علي يكتولو بس ابوية وكلفهم وكال بعد ما ترجعلية وغصبا عنة يطلكج
عمري 25 سنة وراح اصير مطلقة وهذا لأن مشيت ورا گلبي
...............
منتظر : الله راح اكل الماما عليك لأن خربت الرسم مالي
مؤمل : انتة يلي خربت البايسكل
منتظر : ماماااااا
مروة : الدنية ضهر شبيكم تتعاركون
منتظر : ماما خرب الرسم
مؤمل: هوه يلي خرب البايسكل
مروة : كافي اسكتو وجيبولي كتبكم ادرسكم
مؤمل : ما أريد ادرس
مروة : مو بكيفك
خالد : على كيفج وياهم جهال وما يفتهمون
مروة : راح يجلطوني
خالد ؛ هههه أني مو كتلج خليهم على راحتهم
مروة : تضحك مو
خالد : يلا ما بقى شي على الإمتحانات وتخلصين مدرسة وأخذ كم اونسكم
مروة : وين
خالد : نروح الألمانية
مروة ؛ صدوك
خالد ؛ اي والله
شنو رأيكم انزل جزء ثاني الهاي القصة ؟
تحياتي الكم
إسراء السلطان
تابعوني بأعماله الجديدة
احبكم#
