هلاو حبايب كلبي شلونكم شخباركم رجعتلكم بارت جديد وان شاء الله يعجبكم لاتنسون تشاركون القصة وي اصدقائكم
بنت الشيخ
إسراء السلطان
.......
ملاك : لج فادية عندج محاضرة أستاذ هادي
فادية : لسة ما استنسختهه
ملاك : لعد خلي نروح للمكتبة تاخذهه
شهد : يلا امشن
استنسخنة المحاضرة ورحنة للقاعة كعدنة
نورس : اكلجن بنات
شهد : كولي ولج
نورس : البارحة بالليل حسابي مال الانستة تهكر منو تعرف ترجعة
فادية : عزززا ولج منو هكرة
نورس : تعاركت وي واحد وهكرة الية
ملاك : ولج انطي رصيد أبو العشرة ويرجعة الج
نورس : خلي يولي أني متعاركة وياة
ملاك : هههه خلي يرجعة الج ومن يرجع حضري
نورس : بي متابعين 30k
شهد : فدوة الج
البنات :ههههههههه
نورس : ملوكة شنو اسم خطيبج
ملاك : مازن
نورس : عاد حلو لا ؟
ملاك : حلو طالع على خطيبته
نورس :عهههه
شهد : نورس ليمتة تنخطبين ونرتاح منج
نورس : خلي العسل بكوارو لتجي اسعارو
البنات : ههههههههه
..............................
مازن : أني بالدوام وأفكر بسمة شنو راح تسوي وشنو تكدر تسوي
خلص الدوام ورحت على المول اشتريتلي ملابس شكم قميص وبنطرون
ورحت أخذت الملوكة قميص وبنطرون كولش عجبني اخذتهن الهه وياهن جنطة اليوم ناوي اروحلهه
رجعت للبيت نمت ساعتين وطلعت وي الشباب
.............
إيهاب : أبو ملاك لازم تسافر الدبي
خالد : ليش
إيهاب : أكو مشاكل بالشركة لازم تروح
خالد : هذا الأسبوع ما اكدر
إيهاب : حتى لو الاسبوع الجاي بس التأخير مو بصالحنة
خالد : الله كريم
ملاك : مازن راح يجي دا اجهز بنفسي
لبست بدلة قصيرة ونص ردن فتحت شعري وخليت مكياج
مازن : السلام عليكم
مروة : وعليكم السلام هلا بيك مازن تفضل
حجية دلال : يمة هلا ومرحبا شلونك شلون ابوك
مازن : الحمد لله بيبي زينين انتي شلون صحتج
حجية دلال : والله يا بيبي على رب العالمين
مازن : والنعم بالله عمو شلونة
مروة : هوه عمك شايفينة هالايام يجي بس خمس دقايق ويروح هههه
مازن : الله يساعدة منا شغلة ومنا وضيفتة الله يكون بعونة
ملاك : مساء الخير
مازن : مساء النور
مروة وحجية دلال : يلا احنة نترخص
مازن؛ تسون فضل هههههه
ملاك : ليش هيج
مازن : شطالعة كمررر
ملاك كول والله مرتين
مازن : والله والله ولج احبج واموت عليج
ملاك : وإني هم
مازن : شوكت تصيرين يمي بعد ما اتحمل ومنا لابستلي قصير ونص ردن هسة ارتكب بيج جريمة
ملاك : ههههه
مازن : ولج لاتضحكين تشعليني
،،،،،،،،،،،،،،،،،،،،،
بعد مرور شهر
ملاك : العصر كاعدة بالصالة أتصفح نت لكيت رقم غريب بالواتساب دازلي رسايل دخلت على الواتس ولكيت الصدمة صور مازن وي بنية وكاتبين جوة فاعل خير
صدمة عمري بلحظة حسيت حياتي انكلبت على راسي معقولة حبيبي يخوني معقولة مازن يسويهه لا ما اصدك
