هلو متابعيني رجعتلكم ابارت جديد وان شاء الله يعجبكم
.......
ملاك : الشي الي مر علية صعب ومو اي واحد يكدر يتحملة ضليت 10 ايام بغرفتي حابسة نفسي بس قررت أواجه الواقع لأن ماراح يتغير شي لو مهما سويت كمت من الفراش على حيلي شفت وجهي بالمراية اصفر والعيون بيهن هالات سودة والشعر كفشة والشفة بيضة طلعت ملابس من الكنتور ودخلت الحمام بقيت جوة المي ساعة وفوك الرغوة مالت الصابونه دخلت لعيوني
طلعت من الحمام بالبرنص لان الحمام بغرفتي دورت على المقص ردت اگص شعري بس ما لكيتة مشطتة شلون ما كان ورشيت عطر اسمة رائحة الورد يجنن عطري المفضل
نزلت جوة لكيت جعفر كاعد بالصالة وبيدة موبايلة الظاهر يعرف النتائج اليوم وجاي يطلع نتيجتي
كلبي كام يدك سريع خفت يمكن اجيب معدل مو زين وما أكدر ادخل إدارة أعمال
جعفر : ملوكة تعاي جاي اطلع نتيجتج
ملاك : عوفهه لا تطلعه خايفة
جعفر : خايفة موو هههه
ملاك : طلع نتيجتي بدون ضحك
جعفر : اي هاي طعلتهن
ملاك : كول ناجحة لو لا ؟
جعفر : بدرس
ملاك شنو بدرس والله مجاوبة بكل المواد
جعفر : لا اجذب عليج ناجحة ومعدلج 80
ملاك : وكعت كلبي ولك اوووف
مريم : اللهم مصل على محمد وال محمد تستاهلين يمة
حيدر : الف مبروك وتستاهلين
الحجية لطيفة : كلللللوش ياااا يمة تعاي ابوسج عفية بالشاطرة
ملاك : الكل فرحان إلا أني ما فرحت على الرغم من معدلي زين ودرجاتي عالية بس ما اعرف ليش ما فرحت ولا اجاني شعور الفرح اصلا
خالد ومروة طلعو نتيجتي واتصلو علية بس مارديت عليهم واجوي النة للبيت وإني بقيت بغرفتي إلا أن أجة بابا الشيخ
الشيخ حامد : ملاك فتحي الباب أريدن احجي وياج
ملاك : فتحت الباب
الشيخ حامد : تعالي امج وابوج يردون يشوفونج وكاعدين بالصالة
ملاك : من كال بابا الشيخ امج وابوج أحس سجاجين بكلبي ودموعي ضلت تنزل ليش مو انتة ابوية ومريم امي ( احجي بكلبي)
الشيخ حامد : ها بوية ملوكة ليش تبجين ترا همة هم الهم حق عليج واحنة صح اهلج ونحبج بس هذول اهلج الحقيقيين ولازم تتقبليهم وتحبيهم مثل ما تحبينة وباجر الله يحاسبج عليهم اذا قصرتي بحقهم. انتي بتي وانة مربيج على الصح وما توقعت منج بيوم تسوين الغلط واليغضب الله
الله وصانة ابر الوالدين مو نعاندهم ونمشي عكس يلي يمشون علي هسة انه اريد منج تنزلين تسلمين عليهم يلا بعد ابوج انه نازل وانتي تعاي وراي
ملاك : بس اني ما احبهم ولا أريد انزل يمهم
الشيخ حامد : والخاطري ماتنزلين؟
ملاك : 😢 اي انزل بس شوي وارجع الغرفتي انتة انزل وإني اجي وراك
يمكن اقتنعت بكلامة يلي كالة
ملاك : نزلت يمهم وكاعدة على إعصابي وخالد ومروة جايبيلي هداية وباركولي بنجاحي بس اني ماقبلت هداية منهم وبابا الشيخ خزرني وهمة خلوهن بالصالة ومن كامو كلنة وصلناهم للباب بس عيونهم ضلت موجهه علية مروة عيونهه مانشفت دموع علية
ملاك : ضليت من اكعد يمهم وأحس بالغربة ما عبالك أني بتهم وطول حياتي الهم وضليت أحس انتمائي الخالد ومروة وضليت اتقبلهم شوي شوي حتى همة كل يوم يتصلون علية واحجي وي مروة حتى مرات افتح كامرة وياهم
........................................................................
خالد : بنتي ضلت تحجي ويانة بالموبايل وأحس هالشي راح يقربهه من عدنة ووكلت محامين ثنين صار 3 أشهر يشتغلون بالمحكمة وكالو ماضل إلا القليل وتصير باسمك على الأقل اذا صارت باسمي راح تجي البيتي واكدر اخذهه وين ما اروح وكلت الجعفر اذا طلعت القبولات يقدملهه على جامعه بغداد واليوم أني اتفقت وياها نطلع العصر ونتونس
