هلاو رجعتلكم بارت جديد أتمنى ينال اعجابكم
.........
كانت جميلة بشكل يُعيق حركة مسيري أمامها، بشكل يجعلني أنظر كما لو أني أبصر للمرة الأولى .
طلعت من الدوام ودنمشي بالسيارة وعرضتلنة سيارة سودة وبيهه ثنين ملثمين خدرو السايق وإني سحبوني من السيارة ضليت اصرخ وشمموني مخدر وشدو عيوني وما اعرف شنو صار بعدين
مروة : الوووووو
خالد : الو شعجب متصلة خوما صاير شي
مروة : خالد الحكلي الساعة ب3 وملاك ماكو لسة ما رجعت من الدوام
خالد : شنوووو اتصلتي بيهه خاف وي صديقاتهه
مروة موبايلهه مغلق
خالد : أوك جاي جاي
من طلعت من الشركة رحت على طريق الجامعة شفت السيارة والسايق مخدر ومغمى علي وملوكة ماهي كلبي وكف إيهاب راح للسيارة وشغلهه ورحنة ووداه للمركز انطة افادتة وعرفت انو هية مخطوفة عند الجماعة الهددوني
مروة : كلبي راح يطلع من مكانة صارت الساعة ب5 وهية ماكو اتصلنا على صديقاتهه وكالن طلعت من خلص الدوام خالد وعمي راحو يبلغون المركز
ضليت ابجي والطم والوم بنفسي يمة بتي وين راحت خاف صاير بيهه شي خاف اخذوهه مني مثل ذيج المرة خاف بعد ماترجعلي
ملاك : صحيت على نفسي لكيت نفسي بمكان مهجور وما بي أحد وخالين علية حراس 3 وأربعة برا ميتة خوف وضليت ابجي واصرخ
عصام : لو تصرخين منا الباجر محد يسمعج
ملاك : انتو شتردون مني اني شمسويتلكم
عصام : اسكتي لج صوتج ما اسمعة
جلال : وصانة الحجي ما اناذيهه ولا نمد ايدنة عليهه
عصام : بس والله حلوة ابالي اعتدي عليهه
جلال : حتى الحجي يسويك نصين كال لحد يطخهه ولا أحد يضربهه مانريد ياذيهه
ملاك : أريد ماااااااما
جلال : اي صرخي محد يسمعج
ملاك ( متة خوف وبردانة خايفة منهم خاف أحد يتقربلي بس اصرخ وابجي ميتة خوف وبردانة ماكو شي يدفيني )
خالد : طلعت دوريات الشرطة تدور بكل مكان بغداد صار الليل ولسة ما لاكيهه كلبي نار عليهه اخواني وولدهم ضلو يدورون
الساعة ب7 اجاني اتصال من رقم مجهول بسرعة رديت علي
الووو
خالد : الو
بنتك عدنة واذا تريد سلامتهه اتنازل على الي بديت بي
خالد : سمعني صوتهه
ملاك : بااااابا الحكلي خطفوني من رجعت من الجامعة 😭😭
خالد : الو ملوكة بابا وينج الووو
ها سمعتهه
( انقطع الاتصال )
مروة : وين بتي جاوبني
خالد: ( وبصوت شبه مسموع ) خطفوهه
مروة : ضليت الطم وابجي وعمتي تبجي وياي وخالد و اخوانة وعمي راحو طلعو من البيت ماعرف وين راحو ووكعت واخذوني للمستشفى اغمى علية وما حسيت بشي
حجية دلال : يمة ذكرى الله
مروة : يمة بتي راح يموتوهه لسة ما فرحت بيهه من رجعتلي رجعو خطفوهه مني ليش هيجي ياربي
حجية دلال : لا اعتراض على حكمك ربي
