هلاو حبايب كلبي شلونكم شخباركم رجعتلكم بارت جديد وان شاء الله يعجبكم لاتنسون تشاركون القصة وي اصدقائكم
.......
ملاك : بالليل وصلو بابا الشيخ وماما كولش فرحت من اجوي جنت مشتاقتلهم
أني وفرح بقينة نجهز نفسنة وسويت ماسكات البشرة حتى المكياج يطلع مرتب دا أتخيل شكلي باجر شلون اطلع هههه
ثاني يوم
كعدنة على وقت واتصل مازن كال جهزي نفسج بعد ساعة اخذج للصالون
جهزنة نفسنة أني وفرح ورا ساعة أجة مازن للبيت سلم وكعد شوية نوب طلعنة للصالون
ماما مشغولة بالمعازيم وخالاتي
راحت ويانة ام مازن،،، أم الصالون كالتلي المن جاية أنتي كمر ما تحتاجين مكياج كتلهه اريد مكياج خفيف ومرتب ما اريدة أوفر وبالنسبة للشعر أريد تسريحة تناسب نوع الفستان يلي راح البسة
أما مازن حبيبي راح للحلاق يزين فدوة الكلبة طلع يجنن
العصر
ملاك : كملت مكياج وخلصت واتصلت بماما حتى يجون ياخذونة من الصالون أجة عمو احمد واخذنة من الصالون أني وفرح بسيارته ودفع فلوس
وصلت للبيت لكيت الناس أغلبها رايحة للقاعة أجة السيد وعقدلنة بالبيت
متوترة كولش واختنكت من الغطة الي صاير على وجهي آخر شي بس كلت نعم وانت وكيلي سمعت الهلاهل والركص وطلعو الكل وبقينة بس اني ومازن بالاستقبال
رفع الغطة من وجهي
مازن : اللهم صل على محمد وال محمد شنو هالجمال
ملاكها : نزلت راسي من الخجل شعور يموت وخدودي صارت طماطة
مازن : وين راح لسانج ولج
ملاك : منزلة راسي واستحي والبدلة مبين كل جسمي من عدهه
رفع راسي بيدة وتقرب من وجهي صارت انفاسنة وحدة أخذ بوسة من شفتي بقوة
مازن : يلا حبيبتي اتاخرنة
ملاك : كلبي لسة يدك ومستحية دخلت ماما وكومتني بعدين من ردت اطلع للقاعة بابا سلم علية وعمو احمد وجدو والكل
صعدنة بالسيارة مازن يسوق وإني كاعدة يمة ولازم ايدي ونسولف ونضحك ونتغزل ببعض
وصلنة للقاعة اول ما دخلنة هوة لازم ايدي ونمشي سوة حسيت نفسي ملكة هههه بعدين شغلو للأغنية رومانسية وضلينة نركص عليهه أني وياة والكل يباوع علينة وإني رافعة راسي واباوع بعيونة وهوه هم مثلي
لبسني الحلقة وباقي الذهب بس هوه هم ما صار عاقل من لبسني القلادة كام يسوي حركات وهمس بذاني احبج
قطعنة الكيك والكل سلم علينة وبارك النة بعدين مازن راح من القاعة مالت النسوان وراح يم أصدقائة وضلو يركصون سوة اما أني سحكت رجل فرح حتى تتزوج هههه
شهد وفادية وعلياء ونور اجوي للخطوبة وسلمو علية وضلينة نركص سوا كان اجمل يوم بحياتي حبيبي صار رجلي وابو بيتي ماما مريم وماما مروة ضلن يهلهلن وعماتي وزهراء وحوراء يركصن والكل فرحان أما فرح فما فاركتني ابدد
بعدين رحنة أني ومازن وماما وعمة ميساء للتصوير صورنة هواية صور أما اللقطات حدث بلا حرج
بالليل
رجعت للبيت وكبل رحت للحمام سبحت يلا ارتاحيت لبست تراك ونزلت جوة لكيت الكل موجود
الشيخ حامد : هلا بيج بوية ملوكة الف مبروك
ملاك : الله يبارك بيك بابا
خالد : اي والله ملوكة كبرتي وصرتي مرا
ملاك : هههه لعد تريدني أبقى صغيرة
الشيخ حامد : ليمتة دوام
ملاك : الاسبوع الجاي
خالد : الله يهنيكم بابا
ملاك؛ تعشينة وبقينة كاعدين سوا بعدين ماما مريم وبابا الشيخ وبيبي وجدو راحو للإمام الكاظم علية السلام يزورون
صعدت الغرفتي وخابرني
مازن : الوووووو
ملاك : هلا حبيبي
مازن : هلا بمرتي وحبيتي وأم بيتي
ملاك : 🙈 اكلك
مازن : كولي
ملاك : ما أريدك تنزع الحلقة ابدد
مازن : اممم عود افكر
ملاك : شنو تفكر ما أريدك تنزعهه
مازن؛ تدللين يا عمري
ملاك : حبيبي اكلك الاسبوع الجاي ان شاء الله يبدي دوامي وعكب باجر أريد اروح وي فرح واختهه حتى اشتري ملابس للدوام
مازن : ماشي بس ديري بالج على نفسج ولا تشترين ملابس هواية وياهن أني هم اريد اخذج ونروح وحدنا واشتريلج
ملاك : ما تقصر يروحي
ورا خمس دقايق خابرني جعفر والكل موجود يمة سلمو علية وتباركولي بالخطوبة واعتذر ولأن مايكدرون يجون
