هلاو حبايب كلبي شلونكم مشتاقتلكم رجعتلكم ابارت جديد وان شاء الله يعجبكم
إسراء السلطان
بنت الشيخ
بارت 8
..........................
ملاك : كعدت الصبح لكيت ماما حاضنتني ونايمة عبالك أني جاهل وبحضنهه من سحبت نفسي منهه كعدت
ملاك : صباح الخير ماما
مروة عيدي شنو كلتي
ملاك صباح الخير ماما
مروة من كالتلي ماما دمعن عيوني وبستهه اول مروة واحد يكولي ماما
ملاك : كمت غسلت ولبست تراك ضيك وبرمودا وردي ورفعت شعري طبعا أني جنت ابيت الشيخ ماجنت البس هيجي بس من كعدت الصبح وفتحت الكنتور لكيت الملابس أغلبها هيجي وخليت كحلة ومورد خدود وحمرة طعلت اجنن ونزلت يمهم لكيت عمامي راجعين البغداد طبعا......
أني عندي عمام 3 عمو احمد وعادل ومؤيد.. الكبير عمو احمد والي عرفتة انو عندة بنات ثنين بعمري وولد وبعدة عمو عادل عندة ولد ثنين صغار بالابتدائية وبعدين بابا خالد فديتة وبعدة عمو مؤيد الي عرفتة متزوج من سنتين وعندة بنية وجدو وليد وبيبي دلال ساكنين ابيتنة وي بابا لأن يرتاحون الامي وابوية وبيتنة هادء مابي جهال وصياح .. من نزلت سلمت عليهم وبست جدو براسة وكعدت يمهم على الطاولة اتريك بابا كال اليوم اخذج اونسج فرحت لان ماجنت اطلع حدي بس للمدرسة والبيت ما اروح أماكن ثانية ومحد يطلعني ويونسني وبموبايل الجديد سويت حسابات مال فيس وانستة طبعا بابا سواهن الية لأن أني ما اعرف تونست بيهن وضليت اكضي يومي بيهن وانسى نفسي هههه
العصر أجوي نسوان ثنين صديقات بيبي تعرفت عليهن من اجت للبصرة
بيبي دلال : بيبي ملوكة تعالي سلمي على الخطار الجايين
ملاك : حاضر بيبي
نزلت سلمت عليهن هنة نسوان كبار بعمر بيبي وكعدت يمهن ومتت ضحك على سوالفهن طبعا جدو مايبقى بالبيت يطلع الصبح والعصر وبالليل تعرف على زلم ويطلع وياهم
إذن المغرب وصليت وبابا وجدو رجعو للبيت وطبعا أكو خدامة بالبيت بس ماما يلي تطبخ وطبخهه يجنن تعشينة على السريع وصعدت الغرفتي لبست بنطرون اسود ضيك قميص احمر مخصر وشال وطلعنة كولنة واخذنة جدو وبيبي ويانة جان احلا يوم بحياتي على كد ما تونست وبابا اشتريلي علاكة حبشكلات هواية 😂 ماضل شي مابيهه وآخر شي ضلينة نفتر بالسيارة 😍 رجعنة للبيت ب12 على كد ما تعبانة نمت من دون ما اغير ملابسي
كعدت الصبح اول ما كعدت الصبح اتصلت بماما مريم لأن مشتاقتلهه بكد رحمة وهية هم
غسلت ونزلت يمهم طبعا لكيت بابا بالمكتب وجدو طالع بيبي كاعدة على التلفزيون على مسلسل ومندمجة وياهم حبيت اهلي هواية ودعيت الله لايحرمني منهم مرا ثانية ولا يبعدني عنهم
ماما كالتلي انو باجر تطلع الجنسية ولازم اروح للمحكمة حتى استلمهه بنفسي وعكب باجر نروح البغداد نضل أسبوع ونرجع من سمعت الخبر انو راح نروح البغداد ضليت أكمز وأخيرا راح اروح البغداد واشوفهه أني من جنت ابيت بابا الشيخ هم نروح للزيارة فقط نزور الإمام الكاظم علية السلام ونرجع بس هسة لا راح اشوف بغداد كولهه واروح للأماكن البيهه نوب كعدت وي ماما لأن هم لازم أتعرف عليهه وطلبت منهه تحجيلي عن نفسهه وشلون تزوجت بابا عن حب اول عن الطريقة التقليدية
