السلام عليكم رجعت الكم متابعني الغالين واعتذر على التأخير بس اني دا انشر حسب التفاعل وان شاء الله ما أقصر وياكم
........................................................................
ملاك : وصلنة للبيت واجتي ناس تتبارك ونسوان هواية وبالليل هم نفس الشي وسوينة عشة للناس وبابا الشيخ جاب طباخين وشيوخ اجوي واحنة جبنة ديجي وشغالنا وإني والبنات حركنة الجو هههه جا غير خطوبة حيدر الغالي وبالليل لبست بدلة بسيطة قصيرة وبقيت على نفس التسريحة وبيبي كاعدة يم النسوان العجايز مايحبن الديجي كاعدات بالصالة الثانية الوحدهن اما أني جمعت البنات والنسوان وشغلت الديجي وإني ونسوان عمامي والبنات وصارت الخطوبة تجنن وتونست بيهه كولش بس المشكلة باجر لازم ارجع البغداد لأن بابا هم يريد يرجع وإني هماتين عندي جامعة ودوام ما اكدر اتركة وماما مروة وصتني أجيب صوري من جنت صغيرة تريد تشوفني وطبعا من حقهه حتى بابا وصاني أجيب صوري يريد يشوفني قبل لا انام جهزت جنطتي وطلبت من ماما الألبوم وأخذت الصور وبقيت الليل كولة يمهم نوب أجة بابا الشيخ شكد جنت مشتاقتلة كعدت يمة وسلمت علي وبست راسة وايدة نوب تعبت كولش ورحت الغرفتي ونمت لأن باجر وراية سفر البغداد
ملاك : دك المنبه الساعة ب6 كعدت صليت وتريكت وسبحت ولبست بنطلون كابوي وقميص ازرك وبي ورد وردي وشال وردي وحذاء وردي وجنطة ومكياج خفيف ودعتهم كولهم حتى جهال عمامي دخلت الغرفتهم بوستهم وطلعت وكعدت شوي يم الحجية لطيفة وماما كلما تشوفني أريد اروح ماتلزم دموعهه
مريم : ولج يمة ما شبعت منج ليش راح تروحين
ملاك : ماما والله مو بيدي حتى ماخذة إجازة من الجامعة ودوام وبابا هم عدنة شغل ببغداد واجتماعات
مريم : يبعد امج انتي حتى أنه وابوج الشيخ وجدتج و(الحجية لطيفة ) راح نجي البغداد نزور الإمام الكاظم ونضل يومين ونرجع
ملاك : كوووووووولي والله 😍
مريم : اي والله يمة
ملاك : يي ماشي لعد راح تبقون يمنة وإني هم اروح وياكم أزور
أجة بابا وكعدت يمهم بابا الشيخ بالمضيف
أني طلعت بالطرمة وي ماما
مريم : من فدوة اروحلج يمة بعد ما اوصيج وما الج غرض ببنات الجامعة ولا تختلطين بيهن كلش ولا الج غرض بسوالف الحب والعشك بعدج صغيرة على هاي السوالف وخاف وحدة من البنات يمة تشوف ملابسج وتطلبهن منج لاتنطينهن أخاف يسولج شي بيهن وديري بالج من صديقات المصلحة ولا تكولين ابوي رجل أعمال أخاف يسون بيج شي يايمة واحترامي امج وابوج وسمعي كلامهم ولا تعاندينهم وشنو يكولولج كولي حاضر
ملاك : أن شاء الله ماما حاضر
مريم : هذة جبتة الج هدية
ملاك : 😨😨 (سوار ذهب وبي فراشات ناعمات يجنن ويا محبس مثلة يجنن) بس شنو المناسبة
مريم : يعني مايصير انطيج شي إلا مناسبة
ملاك : اموووووح احبج ماما يلا الله وياج واندعيلي
مريم : توصلين بالسلامة يابعد كلبي وأول ماتوصلون خابريلي
الشيخ حامد : تعاي يمي بوية وباسني براسي
ملاك : رحت وي بابا خالد كعدت بالسيارة بس ما اخذت راحتي من السايق ومحمد (حماية وي بابا )
حتى ماكدرت اسولف وي بابا بالطريق براحتي نوب اتصلت ماما وحجيت وياها
................. .. ..............................................
حيدر : الوووووو
ميار :: هلا حيدر
حيدر : يأبة هلا ومليون وسبع مية وخمسين هلا ومرحبة بمرتي
ميار : بدلع هههه هذن كلهن الي
حيدر : ولج جا غير اذوب من اسمع ضحكتج
ميار : هههههههههههههههه بدلع
حيدر : يبوووو من اشتعل حيدر وعشيرة حيدر
ميار : شكد تحبني
حيدر : ما احبج
ميار 😨😨
حيدر : اعشكج
ميار : 🙈🙈🙈🙈 اروحلك فدوة ونذر حبيبي الغالي
حيدر : يآراحتي اخذيني کلي وانه الج ،
وگولي لهّلج خآدم اصيرلهم اذآ
خلوني آخذ رآحتي ♥️."
........................................................................
خالد : وصلنة للبيت الساعة ب2 ملوكة الطريق السماعات باذانهه ونايمة وصلنة وكعدتهه
خالد : ملوكة ملوكة بابا كعدي وصلنة
ملاك : هاي شبسرعة وصلنة
خالد : اي نمتي بالطريق كلة
ملاك : نزلت من السيارة ودخلة للبيت ماما استقبلتنة وسلمت عليهم بيبي وجدو وغيرت ملابسي وصليت ونزلت اتغدة يمهم لكيت ماما مسوية برياني دجاج ومركة فاصولية ويا وطرشي نجف 😍😍 الله شكد احب هاي الأكلة خصوصا الطرشي خلصت غدة وغسلت
