هلو حبايبي رجعتلكم ابارت جديد وعذروني على التقصير
........................................................................
الشيخ حامد : السلام عليكم
الكل : وعليكم السلام
الشيخ حامد : ملوكة وين
مريم : جاي تدرس والله من الصبح لليل لازمة الكتاب بس وقت الأكل تنزل
الشيخ حامد : الله يسهللهه وتطلع درجات زينة
جعفر : هية تريد إدارة وإقتصاد
الشيخ حامد : اذا هذا حلمهه خلي تدخل بس انة اكول التربية احسلهه
ملاك : السلام عليكم
الكل: وعليكم السلام
الشيخ حامد : هلا يبعد أبوج شلون كيفج شلون الدراسة وياج
ملاك : الحمد لله بس ضجت منهه ونزلت
الشيخ حامد : اي بوية اذا اتعبين ذبي الكتاب شوي أهم شي صحتج يبعد ابوج
ملاك : حاضر بابا
الحجية لطيفة : يمة هاي اضافرج ليمتة تكصيهن
ملاك : بيبي ولا أكصهن
جعفر : اي اذا هية ماتكصهن أني اكصهن الهه
ملاك : مثل ما انتة ماتكدر تزين شواربك أني هم ما اكدر اكص اضافري
الكل : 😂
ملاك: ماما أريد اروح للصالون
مريم : شتسوين
ملاك : أريد أصبغ شعري
مريم: ما اخذج شعرج جنة ذهب واشكر ليش تصبغي وتخربينة
ملاك : مااااا😭 أريد اصبغة
هالة : بالله يا لون
ملاك : ازرك
الكل 😂
ملاك : شبيكم تضحكون والله الموديل هيجي هالايام
مريم : يمة بعدج صغيرة على هاي السوالف
ملاك:😭😭😭
ملاك : تعشيت وصعدت الغرفتي
.....................
مروة : خالد حبيبي شبيك اشو صار يومين مو على
بعضك صاير شي
خالد : ماكو شي بس تعبان
مروة : خالد لاتضم علية ترا اني اعرفك كولش زين من اليوم يالي رجعتو من الدكتور انتة وعمي ومو على بعضكم
خالد : مروة راح احجيلج موضوع بس أريدج تتفهمين
مروة : أن شاء الله بس سولف
خالد : تذكرين من كتلج تبرعت بالدم لبنية الي اندعمت بالحادث
مروة : اي ليش
خالد : من تبرعت بالدم طلع دمي ودمهه متطابق والدكتور من شاف نسبة التطابق سوا تحليل dna وطلعت نسبة التطابق 99.9% وكال هاي البنية تكون بنتك وحجالي على مواصفاتهه وكال عمرهه 17 وعيونهه زرك والدكتور يعرف عنوان اهلهه واليوم العصر رحنالهم للبيت وباجر راح نشوفهه . نور رجعتلنة يامروة وباجر راح تشوفيهه
مروة : خالد انتة تعرف شنو جاي تحجي من كول عقلك
خالد : اي والله بتنة راح ترجعلنة وهسة أهم شي لكيناها عايشة
مروة : بنتي خطفوهه وذبحوهه
خالد : لا بنتج عايشة عند بيت الشيخ حامد
مروة : وكعت من طولي وما حسيت بشي لحد ما خالد رش علية مي وفزيت كمت اصرخ نفشت شعري ضليت ادك على خدودي وصدري عمتي أم خالد اجتي للغرفة وابو يحاولون يهدون بية بس اني النار يلي ابكلبي ماتطفى شلون ربت منو رباها منو جان يسهر يم راسهه من تتمرض منو جان يدرسهه منو جان يمشط شعرهه يلي مثل الذهب المنو كالت ماما والمنو كالت بابا منو جان يشتريلهه ملابس والأشياء يلي تحبهه وي منو جانت تلعب اخخخخخخ لحد ما فقدت واخذوني للمستشفى لكو ضغطي مرتفع ضربوني إبرة ونمت ما حسيت بشي من كعدت تذكرت الي صار البارحة وضليت ابجي وخالد كاعد يم السرير
خالد : كافي لاتسوين بنفسج هيج همة اليوم عازمينة على الغدة وتشوفينهه
مروة : بصوت شبه مسموع والدموع على خدي ( أريد هسة اشوفهه واضمهه الحضني انحرمت منهه 15 سنة )
خالد : والله وإني هم مثلج
الحجية أم خالد : دكافي يمة يالي دتسوي بنفسج حرام عليج والحمد لله بتكم رجعت الحضنكم حمدو الله وشكرو والحمد لله البنية متربية ابيت شيوخ يعني مربينهه عدل وعلى الصح
مروة : عمة النار الي بكلبي ماتطفى ولا راح تنطفي الحد ما اشوفهه ابيتي وتكولي ماما
خالد : شوفي مروة بعد شوي من نروح لبيت الشيخ وتشوفينهه ما أريدج تكليلهه أني وامج ولا أريدج تبينيلهه بشي أني اتفقت ويا الشيخ مانحجيلهه الحد ما تخلص امتحانات
مروة : خالد سولفيلي عنهه شلونهه شنو سموها شلون كبرت وتغير شكلهه هية بيا صف
خالد : هية هسة صف سادس وسموهه ملاك وإني لحد الآن ما شايفهه حتى من تبرعت الهه بالدم ما شفتهه
مروة : ياريت السيارة صابتني ولا صايبتهه ورجعت ابجي وطلعنة من المستشفى ورجعنة للبيت وإني والطريق كولة ابجي من دخلت للبيت قفلت الغرفة على نفسي وبديت اصرخ وابجي وما قبلت أحد يدخل حتى خالد الحد ما صارت الساعة ب11
خالد : مروة كافي بجي يلا امشي وياي حتى تشوفيهه
