مرحبا متابعيني شلونكم شخباركم رجعتلكم بارت جديد وان شاء الله ينال اعجابكم لاتنسون تشاركون القصة وي اصدقائكم
ملاك : ثاني يوم بابا خالد وجدو وليد وبيبي رجعو البغداد وبابا اعتذر من الشيخ لأن عندة التزامات وشغل وهم ماما بقت وحدهه بالبيت
بعد مرور اسبوع خلصت الفاتحة والناس راحت والبيت كولة حزين وما بي نسمة هية جانت عمود البيت ولامة شملنة وبابا الشيخ حالتة تعبانة حتى بالمضيف مايكعد ودايما يرتفع ضغطة
قررت ارجع للبيت اتصلت بابوية يجي ياخذني
ملاك : الوووووو
خالد : هلو بيج بابا شلونج شخبارج
ملاك : الحمد لله بابا أريد ارجع
خالد : أني ما اكدر اجيبج من البصرة عندي شغل كولش مهم راح ادزلج إيهاب
ملاك : ماشي زين ماما شلونهه
خالد : الحمد لله امج وكولنة بخير
ملاك : يلا اني اترخص باي
خالد : ديري بالج على نفسج حبيبتي
ملاك : أن شاء الله
لليل ورجعت البغداد وصلت تعبانة
.. .........
تسريع الأحداث
منير : صار 21 يوم من هنا اليوم تخلص باجر تخلص العطوة ونشوف شنو يصير
الشيخ حامد : السلام عليكم
حميد ومنير : وعليكم السلام هلا شيخ
الشيخ حامد : بوية منير تعال يمي
منير : اي شيخ
الشيخ حامد : اليوم نروح للجماعة وماخذين سادة ويانة وراح ندخل صلح واندعي تفض
منير؛ كثر الله من امثالك شيخ والنعم منك
الشيخ حامد : بس انتة ما راح تجي ويانة نخاف عليك بوية انتة ضل هنا كاعد
منير : تامر شيخ
نبأ : الله يرحم بيبي هنا جان مجانهه
هالة : الله يرحمهه هية الي جانت لامتنة
نبأ : اي والله
هالة : خلي نطبخ
نبأ : انة راح انضف البيت
جعفر : نبأ نبأ
نبأ : ها
جعفر : ملوكة كعدت
نبأ : اي جاية
جعفر : لا تنسين تحضريلي ملابسي عدنة كعدة اليوم
نبأ : تأمرني أمر
جعفر : يلا الله وياج
نبأ : الله وياك عيني
بالليل
السلام عليكم
الكل :وعليكم السلام
الشيخ حامد : احنة جايين نصلح ذات البيت بين عشيرة..... وعشيرة...... والي صار قضاء وقدر والمرحوم الله يرحمة والوليد منير مامتقصد للقتل لو جان متقصد ماكعدو ذاك اليوم الشيوخ على بساطكم وانتو شيوخ والنعم منكم والي تأمرون بي حاضرين ولا تنسون انتو هم خوالنة
الشيخ مجاهد : شيخ أبو جعفر الي كلتة على العين وعلى الرأس وجيتكم هاي الهه معزة جبيرة عدنة بس احنة ما نريد فلوس احنة نريد دم بدم والرجال راح وفريخاتة ضلو
الشيخ حامد : الرسول صلى الله عليه وسلم حرم قتل الي قتل أحد ما متعمد والولد بوية بعدة زغير والشباب كلهه هالايام بالمناسبات يزامطون بالسلاح والرمي
